Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 57:1-21

57  Lowo lulama u lovile,+ kambe a nga kona loyi a swi tekelaka enhlokweni.+ Naswona vanhu va musa wa rirhandzu va lahliwa eka lava feke,+ kasi a nga kona loyi a xiyaka leswaku lowo lulama u susiwe hikwalaho ka khombo.+  U nghena eku rhuleni;+ va wisa+ emasangwini ya vona,+ un’wana ni un’wana loyi a fambaka hi ku kongoma.+  “Loko ku ri n’wina, tshinelani laha,+ n’wina vana va wansati la nga muvhumbhi,+ mbewu ya munhu wa vuoswi ni ya wansati la endlaka vunghwavava:+  Xana i mani loyi mi n’wi tsakeleke?+ I mani loyi mi tshamelaka ku n’wi ahlamisela nomu, mi tshamela ku humesa ririmi?+ Xana a mi vona vana va ku tlula nawu, mbewu ya mavunwa,+  lava pfukiwaka hi ku navela exikarhi ka mirhi leyikulu,+ ehansi ka murhi wun’wana ni wun’wana lowu vekaka mihandzu,+ mi dlayetela vana eminkoveni ehansi ka maribye ya mabako?+  “Xiphemu xa wena xi ve emaribyeni yo rhetela ya nkova.+ Wona—a ma ri xiavelo xa wena.+ Ku tlula kwalaho, u ma chululele gandzelo ra swakunwa,+ u humese nyiko. Xana ndzi ta tichavelela hi swilo leswi?+  Ehenhla ka ntshava yo tlakuka, yo leha, u veka sangu ra wena.+ U tlhele u tlhandlukela kona u ya humesa xitlhavelo.+  Endzhaku ka nyangwa ni rimba u veka xitsundzuxo xa wena.+ Hikuva u tifunungurile u tlhandluka mina ndzi nga ri kona; u kurise sangu ra wena.+ Naswona wena u tiendlele ntwanano na vona. U rhandze sangu swin’we na vona.+ U vone xirho xa xinuna.  U rhelele hi tlhelo ra Meleki u ri ni mafurha, u hambeta u endla mafurha ya wena yo nun’hwela ma tala.+ U hambeta u rhuma vayimeri va wena ekule, u kala u ehlisela swilo eSheol.+ 10  U tirhe hi matimba hikwalaho ka tindlela ta wena to tala.+ A wu vulanga u ku, ‘A swi tshembisi!’ Matimba ya wena ma pfuxetiwile.+ Hi yona mhaka leyi u nga vabyangiki.+ 11  “I mani loyi a ku tshukiseke u sungula ku chava,+ lerova u hemba?+ Kambe a ku nga ri mina loyi u n’wi tsundzukeke.+ A wu vekanga nchumu embilwini.+ Xana a ndzi nga miyelanga, ndzi fihla timhaka?+ Hikwalaho a wu ndzi chavanga.+ 12  Mina ndzi ta twarisa ku lulama+ ka wena ni mintirho ya wena,+ leswaku a yi nge ku pfuni.+ 13  Loko u huwelela u kombela mpfuno, swilo swa wena leswi hlengeletiweke a swi nge ku kutsuli,+ kambe mheho yi ta swi teka hinkwaswo.+ Moya wu ta swi susa, kambe loyi a tumbelaka eka mina+ u ta dya ndzhaka ya tiko, a dya ni ndzhaka ya ntshava ya mina yo kwetsima.+ 14  Kunene un’wana u ta ku, ‘Fumbani, fumbani! Basisani ndlela.+ Susani xihinga xihi ni xihi endleleni ya vanhu va mina.’”+ 15  Hikuva Loyi a Tlakukeke,+ La nga le Henhla, loyi a tshamaka hi masiku+ ni loyi vito rakwe ri kwetsimaka,+ u te: “Ndzi tshama+ eku tlakukeni ni le ndhawini yo kwetsima, swin’we ni loyi a pfotlokeke ni lava va moya wo titsongahata,+ leswaku ndzi hanyanyisa moya wa lava va titsongahataka ni ku hanyanyisa mbilu ya lava va pfotlosiwaka.+ 16  Hikuva a ndzi nge lwi hilaha ku nga riki na makumu, kumbe ku hlundzuka hilaha ku nga heriki;+ hikuva moya wu ta tsana hikwalaho ka mina,+ ni swivumbiwa leswi hefemulaka leswi ndzi swi endleke.+ 17  “Ndzi hlundzukisiwe hi xihoxo xa mpindzulo wakwe wo biha,+ naswona ndzi n’wi bile, ndzi tumbeta xikandza xa mina,+ loko ndza ha hlundzukile. Kambe u hambete a famba endleleni ya mbilu yakwe kukota la xandzukeke.+ 18  Tindlela takwe ndzi ti vonile; hiloko ndzi sungula ku n’wi tshungula,+ ndzi n’wi kongomisa,+ ndzi n’wi riha hi ku n’wi chavelela+ ni vanhu va yena lava rilaka.”+ 19  “Ndzi tumbuluxa mbhandzu wa milomu.+ Ku ta va ni ku rhula loku tshamaka ku ri kona eka loyi a nga ekule ni loyi a nga ekusuhi,”+ ku vule Yehovha, “ndzi ta n’wi horisa.”+ 20  “Kambe lavo homboloka va fana ni lwandle leri yisiwaka hala ni hala, loko ri nga swi koti ku rhula mati ya rona ma tshamela ku humesa leswi milaka elwandle ni ndzhope. 21  Ku rhula a ku kona eka lavo homboloka,”+ ku vule Xikwembu xanga.

Tinhlamuselo ta le hansi