Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 50:1-11

50  Yehovha u te: “Kutani, ri kwihi papila ro dlaya vukati+ ra mana wa n’wina, loyi ndzi n’wi fambiseke?+ Kumbe, hi wihi eka valondzi va mina loyi ndzi mi xaviseke eka yena?+ Maswivo! Mi xavisiwile hikwalaho ka swihoxo swa n’wina,+ naswona mana wa n’wina u hlongoriwile hikwalaho ka ku tlula nawu ka n’wina.+  Hikwalaho ka yini ndzi nga kumanga munhu loko ndzi fika?+ Loko ndzi vitana, a ku hlamulanga munhu?+ Xana voko ra mina ri kome ngopfu lerova a ri nge kutsuli,+ kumbe, xana a ndzi na wona matimba yo kutsula? Waswivo! Hi ku tshinya+ ka mina ndzi omisa lwandle;+ ndzi endla milambu yi va mananga.+ Tinhlampfi ta yona ta nun’hwa hi ku pfumaleka ka mati, ta fa hi torha.+  Matilo ndzi ma ambexa xiphume,+ naswona ndzi endla nguvu yo khwaxa yi va nguvu ya wona.”+  Yehovha, Hosi leyi Lawulaka u ndzi nyike ririmi ra lava dyondzisiweke,+ leswaku ndzi tiva ku angula loyi a karhaleke.+ Mixo wun’wana ni wun’wana wa pfuka; u pfuxa ndleve ya mina leswaku yi twa ku fana ni lava dyondzisiweke.+  Yehovha, Hosi leyi Lawulaka u pfule ndleve ya mina, kutani loko ku ri mina, a ndzi xandzukanga.+ A ndzi hundzulukelanga eka tlhelo lerin’wana.+  Nhlana wa mina ndzi wu nyike lava baka, marhama+ ya mina ndzi ma nyika lava hlurhulaka misisi. Xikandza xa mina a ndzi xi tumbetanga eka swilo leswi tsongahataka ni ku tshwuteleriwa.+  Kambe Yehovha, Hosi leyi Lawulaka u ta ndzi pfuna.+ Hi yona mhaka leyi ndzi nga titwiki ndzi tsongahatekile. Hi yona mhaka leyi ndzi vekeke xikandza xa mina kukota ribye ro tiya, ndza swi tiva leswaku a ndzi nge khomiwi hi tingana.+  Loyi a ndzi vulaka la lulameke u le kusuhi.+ I mani loyi a nga kanetanaka na mina? A hi yimeni swin’we.+ I mani loyi a nga ta kanetana na mina ehubyeni?+ A a tshinele eka mina.+  Waswivo! Yehovha, Hosi leyi Lawulaka u ta ndzi pfuna. I mani loyi a nga ta ndzi vula lowo homboloka?+ Waswivo! Hinkwavo ka vona va ta hlakala, ku fana ni nguvu.+ Va ta dyiwa hi nsumba yinene.+ 10  I mani loyi a chavaka+ Yehovha exikarhi ka n’wina, loyi a yingisaka rito ra nandza wakwe,+ loyi a fambeke emunyameni+ lowu tshamaka wu ri kona, loyi a nga ku kumangiki ku vangama? A a tshembe vito ra Yehovha+ kutani a tiseketela hi Xikwembu xakwe.+ 11  “Vonani! N’wina hinkwenu lava lumekaka ndzilo, mi voningisa tinhlahle, fambani eku vonakaleni ka ndzilo wa n’wina ni le xikarhi ka tinhlahle leti mi ti lumekeke. Kunene evokweni ra mina mi ta va ni leswi: Mi ta etlela hi ku vaviseka lokukulu.+

Tinhlamuselo ta le hansi