Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 49:1-26

49  Ndzi yingiseni, N’wina swihlala,+ mi nyikela nyingiso, n’wina vanhu va matiko ya le kule.+ Yehovha u ndzi vitanile+ ku suka ekhwirini.+ Ku suka eswirhweni swa le ndzeni swa manana u vitane vito ra mina.+  U endle nomu wa mina wu fana ni banga ro kariha.+ U ndzi fihle endzhutini+ wa voko rakwe.+ Hakatsongo-tsongo u ndzi endle nseve lo-wu lotiweke. A ndzi tumbeta enkotlotweni wakwe.  A ya emahlweni a ku eka mina: “U nandza wa mina, Wena Israyele,+ loyi ndzi nga ta kombisa ku saseka ka mina eka yena.”+  Kambe loko ku ri mina, ndzi te: “Ndzi tirhe swa hava hi matimba.+ Hikuva ndzi tirhise matimba ya mina hinkwawo eka leswi nga riki swa xiviri ni swa hava.+ Entiyisweni ku avanyisiwa ka mina ku le ka Yehovha,+ ni hakelo ya mina yi le ka Xikwembu xanga.”+  Kutani Yehovha, Loyi a ndzi vumbeke ku suka ekhwirini ndzi ri nandza wa yena,+ u vule leswaku ndzi vuyisa Yakobe eka yena,+ leswaku Israyele a hlengeletiwa eka yena.+ Ndzi ta vangamisiwa ematihlweni ya Yehovha, naswona Xikwembu xa mina xi ta va ntamu wa mina.  Kutani a ya emahlweni a ku: “A ku nga ri mhaka leyitsongo leswaku u va nandza wa mina la nga ta yimisa tinyimba ta Yakobe ni ku vuyisa lava hlayisekeke va Israyele;+ nakambe ndzi ku veke leswaku u va ku vonakala ka matiko,+ leswaku ku ponisa ka mina ku ya fika emakumu ya misava.”+  Yehovha, Mukutsuri wa Israyele,+ Mukwetsimi wa yena, u vule leswi eka loyi moya-xiviri+ wakwe wu languteriwaka ehansi,+ loyi a nyenyiwaka hi tiko, eka nandza wa vafumi,+ a ku: “Tihosi ti ta vona, ti yima hakunene,+ ni tihosana, ti ta nkhinsama, hikwalaho ka Yehovha loyi a tshembekaka,+ Mukwetsimi wa Israyele, loyi a ku hlawulaka.”+  Yehovha u te: “Enkarhini wa vunene ndzi ku hlamurile,+ naswona esikwini ra ku ponisiwa ndzi ku pfunile;+ ndzi hambete ndzi ku hlayisa leswaku ndzi ku endla u va ntwanano wa vanhu,+ leswaku tiko ri hlakarhela,+ leswaku va tlhela va kuma ndzhaka leyi lovisiweke,+  leswaku u byela vakhotsiwa u ku,+ ‘Humani,’+ eka lava nga emunyameni,+ u ku, ‘Tivonakariseni!’+ Va ta dyela etindleleni, naswona madyelo ya vona ma ta va etindleleni leti pfulekeke.+ 10  A va nge khomiwi hi ndlala,+ naswona a va nge khomiwi hi torha,+ hambi ku ri mumu lowukulu kumbe dyambu a ri nge va hisi.+ Hikuva Loyi a va twelaka vusiwana u ta va rhangela,+ u ta va kongomisa eswihlobyeni swa mati.+ 11  Kutani ndzi ta endla tintshava hinkwato ti va ndlela, ni magondzo ya mina lamakulu ma ta va ehenhla.+ 12  Waswivo! Lava va ta ta va huma ekule,+ naswona waswivo, lava va huma en’walungwini+ ni le vupela-dyambu,+ kasi van’wana va huma etikweni ra Sinimi.” 13  Huwelelani hi ku tsaka, n’wina matilo,+ u tsaka wena misava.+ Tintshava a ti khane hi ku huwelela ka ku tsaka.+ Hikuva Yehovha u chavelele vanhu vakwe,+ naswona lava xanisekaka va yena u va twela vusiwana.+ 14  Kambe Siyoni u hambete a ku: “Yehovha u ndzi siyile,+ Yehovha u ndzi rivele.”+ 15  Xana wansati a nga rivala n’wana loyi a n’wi an’wisaka lerova a nga n’wi tweli vusiwana n’wana wa khwiri rakwe?+ Vavasati lava va nga rivala,+ kambe mina a ndzi nge ku rivali.+ 16  Waswivo! Ndzi ku kovotle eswandleni swa mina.+ Marhangu ya wena ma le mahlweni ka mina nkarhi hinkwawo.+ 17  Vana wa wena va hatlisile. Lava va ku hirimuxaka ni ku ku onha va ta huma eka wena. 18  Tlakusela mahlo ematlhelweni hinkwawo u languta. Hinkwavo va hlengeletanile.+ Va te eka wena. “Leswi ndzi hanyaka,” ku vula Yehovha,+ “u ta va ambala hinkwavo kukotisa swin’wetsin’wetsi, naswona u ta tiboha ha vona ku fana ni mutekiwa.+ 19  Hambileswi ku nga ni tindhawu ta wena leti onhakeke ni tindhawu ta wena leti nga marhumbi ni tiko ra marhumbi ya wena,+ hambileswi sweswi u nga ni ndhawu leyitsongo yo tshama eka yona, naswona lava ku mitaka va nga ekule swinene,+ 20  kambe etindleveni ta wena vana va nkarhi wa ku lahlekeriwa+ ka wena va ta ku, ‘Ndhawu i yitsongo eka mina.+ Ndzi pfulele ndhawu, leswaku ndzi ta tshama eka yona.’+ 21  Kunene embilwini ya wena u ta ku, ‘I mani loyi a ndzi tswaleleke lava, hikuva ndzi wansati la pfumatiweke vana, la nga mhika, ndzi ye evukhumbini ni ku va mukhotsiwa?+ Loko ku ri lava, i mani loyi a va kuriseke?+ Waswivo! Mina a ndzi sele ndzi ri ndzexe.+ Lava—a va ri kwihi?’”+ 22  Yehovha, Hosi leyi Lawulaka u te: “Waswivo! Ndzi ta tlakusela voko ra mina ehenhla ka matiko+ ni le vanhwini ndzi ta tlakusa xikombiso xa mina.+ Va ta tisa vana va wena exifuveni, va ta rhwala vana va wena va vanhwanyana hi katla.+ 23  Kutani tihosi ti fanele ti ku hlayisa,+ kasi tihosana ta tona ti ta va vavasati lava ku tirhelaka. Va ta ku nkhinsamela swikandza swi langute ehansi,+ va ta nantswela ritshuri ra milenge ya wena;+ kutani u ta tiva leswaku hi mina Yehovha, loyi lava va ndzi tshembaka va nga ta ka va nga khomiwi hi tingana ha yena.”+ 24  Xana lava tekiweke va nga tekiwa eka munhu la nga ni matimba,+ kumbe, xana ntlawa wa makhumbi ya muxanisi wu nga baleka?+ 25  Kambe Yehovha u te: “Hambi ku ri ntlawa wa makhumbi ya munhu wa matimba wu ta tekiwa,+ naswona lava ana va tekiweke hi muxanisi va ta baleka.+ Un’wana ni un’wana loyi a kanetanaka na n’wina,+ mina ndzi ta kanetana na yena, naswona ndzi ta ponisa vana va n’wina.+ 26  Lava va ku xanisaka ndzi ta va dyisa nyama ya vona; va ta dakwa hi ngati ya vona onge i vhinyo yo tsokombela. Kutani nyama hinkwayo yi fanele ku tiva leswaku mina, Yehovha,+ ndzi Muponisi+ wa wena ni Mukutsuri wa wena,+ Lowa Matimba wa Yakobe.”+

Tinhlamuselo ta le hansi