Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 47:1-15

47  Rhelela u tshama ehansi entshurini,+ Wena nhwanya wa Babilona la nga tivangiki wanuna.+ Tshama ehansi emisaveni laha ku nga riki na xiluvelo,+ Wena nhwanyana wa Vakalidiya.+ Hikuva a swi nge he endleki leswaku vanhu va ku vitana lowo olova ni la tisasekiseke.+  Teka ribye+ u sila mapa. Funungula nturhu+ wa wena. Hluvula nguvu yo leha.+ Funungula nenge.+ Pela milambu.  U fanele u funungula vuhava bya wena.+ Ni ndzhukano wa wena wu fanele wu voniwa.+ Ndzi ta rihisela+ naswona a ndzi nge hlanganisi munhu hi musa.  “Ku ni Loyi a hi kutsulaka.+ Vito ra yena i Yehovha wa mavuthu,+ Mukwetsimi wa Israyele.”+  Tshama ehansi u miyela,+ u ta emunyameni,+ Wena nhwanyana wa Vakalidiya;+ hikuva a swi nge he endleki leswaku vanhu va ku vitana Hosikati+ ya Mimfumo.+  Vanhu va mina ndzi va hlundzukerile.+ Ndzi nyamise ndzhaka ya mina,+ naswona ndzi va nyikele evokweni ra wena.+ A wu va kombanga tintswalo.+ U endle joko ra wena ri tika ngopfu ehenhla ka wanuna la dyuhaleke.+  U hambete u ku: “Ndzi ta va Hosikati+ hilaha ku nga riki na makumu, hi masiku.” A wu swi nghenisanga embilwini ya wena swilo leswi; a wu ma tsundzukanga makumu ya mhaka.+  Sweswi twana leswi, wena wansati la nyikiweke ntsako, la tshameke eku sirhelelekeni,+ loyi a tibyelaka embilwini a ku: “Hi mina, a ku na un’wana.+ A ndzi nge tshami ndzi ri noni, naswona a ndzi nge lahlekeriwi hi vana.”+  Kambe swilo leswi swimbirhi swi ta ta eka wena hi xitshuketa, hi siku rin’we:+ ku lahlekeriwa hi vana ni ku va noni. Swi ta ta eka wena hi mpimo lowu heleleke,+ hikwalaho ka ku tala ka vungoma bya wena, hi matimba ya vuloyi bya wena—hilaha ku tlurisaka.+ 10  U hambete u tshemba vubihi bya wena.+ U te: “A nga kona la ndzi vonaka.”+ Vutlhari bya wena ni vutivi bya wena+—hi swona leswi ku hambukiseke; u tshamela ku tibyela embilwini u ku: “Hi mina, a ku na un’wana.” 11  Kutani u fanele u weriwa hi khombo; a wu nge swi koti ku ri herisa hi hlori. Maxangu ma ta ku wela;+ a wu nge swi koti ku ma sivela. Naswona hi xitshuketa+ u ta teriwa hi ndzoviso lowu u nga wu tolovelangiki. 12  Sweswi yima u nga fambi, ni vuloyi bya wena ni hi ku tala ka vungoma bya wena,+ leswi u swi tirheleke hi matimba ku sukela evuntshweni; kumbexana leswaku u kota ku pfuneka, kumbexana leswaku u chavisa vanhu. 13  U hetiwe matimba hi vatsundzuxi va wena vo tala. A va yime sweswi, va ku ponisa, lava gandzelaka matilo, lava langutaka tinyeleti,+ lava nyikaka vutivi hi ku thwasa ka n’weti malunghana ni swilo leswi nga ta ku wela. 14  Waswivo! Va fana ni mahlanga.+ Kunene ndzilo wu ta va hisa.+ A va nge wu kutsuli moya-xiviri+ wa vona ematimbeni ya langavi.+ Makala a ma nge pfurhi laha vanhu va nga ta tinyawuxa kona, kumbe ku voninga ka ndzilo lowu nga orhiwaka. 15  Kunene va ta va tano eka wena, lava u tirheke na vona hi matimba+ ku sukela evuntshweni. Entiyisweni va ta tsendzeleka, un’wana ni un’wana exifundzheni xa yena. A nge vi kona la nga ta ku ponisa.+

Tinhlamuselo ta le hansi