Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 45:1-25

45  Yehovha u byele mutotiwa wakwe,+ Korexe, loyi ndzi khomeke voko rakwe ra xinene,+ leswaku a hlula matiko emahlweni ka yena,+ leswaku ndzi ntshunxa masenge ya tihosi; ndzi pfula timbati ta swikhweketo swimbirhi emahlweni ka yena, lerova ni tinyangwa ti nga pfariwi, a ku:  “Ndzi ta famba emahlweni ka wena,+ tindhundhuma ta tiko ndzi ta ti mbundzumuxa.+ Tinyangwa ta koporo ndzi ta ti tshovelela, ni swigogo swa nsimbi ndzi ta swi tsema.+  Ndzi ta ku nyika xuma emunyameni ni xuma+ lexi fihliweke etindhawini leti tumbeleke, u ta tiva leswaku hi mina Yehovha, Loyi a ku vitanaka hi vito ra wena,+ Xikwembu xa Israyele.  Hikwalaho ka nandza wa mina Yakobe na Israyele muhlawuriwa wa mina,+ ndzi ku vitane hi vito ra wena; ndzi ku nyike vito leri xiximiwaka, hambileswi u nga ndzi tivangiki.+  Hi mina Yehovha, ku hava un’wana.+ Handle ka mina a ku na Xikwembu.+ Ndzi ta ku khama swinene, hambileswi u nga ndzi tivangiki,  leswaku vanhu va ta tiva ku sukela eku humeni ka dyambu ni le ku peleni ka rona leswaku a ku na un’wana handle ka mina.+ Hi mina Yehovha, a ku na un’wana.+  Ndzi endla ku vonakala,+ ndzi tumbuluxa munyama,+ ndzi endla ku rhula+ naswona ndzi tumbuluxa khombo,+ mina Yehovha, ndzi endla swilo leswi hinkwaswo.+  “Oho n’wina matilo, thonisani mati lama humaka ehenhla;+ matilo lama nga ni mapapa a ma pfute ku lulama.+ Misava a yi pfuleke, yi tswala ku ponisiwa, yi humesa+ ni ku lulama hi nkarhi lowu fanaka. Mina Yehovha, ndzi swi tumbuluxile.”+  Khombo eka loyi a kanetaneke ni Muvumbi wakwe,+ onge hiloko xipetlu xa mbita xi lwisana ni swipetlu swin’wana swa mbita swa misava! Xana vumba+ byi nga byela muvumbi wa byona byi ku: “U endla yini?” Ni ntirho wa wena wu ku: “A nga na mavoko”? 10  Khombo eka loyi a byelaka tatana a ku: “Xana u tatana wa yini?” eka wansati a ku: “I yini lexi ku vangelaka switlhavi swa ku veleka?”+ 11  Yehovha Mukwetsimi wa Israyele+ ni Muvumbi+ wa yena u te: “Ndzi vutiseni swilo leswi taka+ malunghana ni vana va mina;+ naswona mi fanele mi ndzi vutisa malunghana ni ntirho+ wa mavoko ya mina. 12  Mina ndzi endle misava+ ndzi tlhela ndzi tumbuluxa ni munhu ehenhla ka yona.+ Mina—matilo+ ma andlariwe hi mavoko ya mina, ni vuthu ra wona hinkwaro ndzi ri lerisile.”+ 13  “Mina ndzi pfuxe munhu wo karhi hi ku lulama,+ ni tindlela ta yena hinkwato ndzi ta ti endla ti lulama.+ Hi yena la nga ta aka muti wa mina,+ lava nga va mina u ta va ntshunxa evukhumbini,+ ku nga ri hi nxavo+ kumbe hi ku fumbarherisa,” ku vula Yehovha wa mavuthu. 14  Yehovha u te: “Vatirhi lava nga hakeriwiki va Egipta+ ni vabindzuri va Etiyopiya ni Vasebiya,+ vanhu vo leha,+ va ta ta eka wena, naswona va ta va va wena.+ Va ta ku sala endzhaku; va ta ta va bohiwe hi tinsimbi,+ va ta ku nkhinsamela.+ Va ta ku khongela, va ku, ‘Hakunene Xikwembu xi ni vun’we na wena,+ a ku na un’wana; a ku na Xikwembu xin’wana.’”+ 15  Entiyisweni u Xikwembu lexi xi titumbetaka,+ Xikwembu xa Israyele, Muponisi.+ 16  Kunene va ta khomiwa hi tingana, va tlhela va tsongahatiwa hinkwavo ka vona. Hinkwavo vaendli va swivumbeko swa swifaniso swa hava va ta famba hi ku tsongahatiwa.+ 17  Loko ku ri Israyele, kunene u ta ponisiwa hi Yehovha+ hi ku ponisa loku nga riki na makumu.+ N’wina a mi nge khomiwi hi tingana,+ naswona a mi nge tsongahatiwi+ hilaha ku nga riki na makumu, hi masiku. 18  Hikuva Yehovha, Mutumbuluxi wa matilo,+ Yena Xikwembu xa ntiyiso,+ Muvumbi wa misava ni Muendli wa yona,+ Yena Loyi a yi simekeke yi tiya,+ loyi a nga yi tumbuluxelangiki swa hava, loyi a yi vumbeke leswaku ku akiwa eka yona,+ u te: “Hi mina Yehovha, a ku na un’wana.+ 19  A ndzi vulavulanga ndzi ri evutumbelweni,+ endhawini ya misava leyi nga munyama; kumbe ndzi byela mbewu ya Yakobe ndzi ku, ‘Mi ta ndzi lavela swa hava.’+ Hi mina Yehovha, la vulavulaka swo lulama, la vulaka leswinene.+ 20  “Hlengeletanani mi ta.+ Tshinelani, n’wina lava balekeke ematikweni.+ Lava rhwalaka ntsandza wa xifaniso xa vona lexi vatliweke a va tivanga nchumu, ni lava va khongelaka xikwembu lexi nga swi kotiki ku ponisa.+ 21  Vulani xiviko xa n’wina ni marito ya n’wina.+ Ina, a va kanele hi vun’we. I mani loyi a endleke leswaku leswi swi twiwa ku sukela enkarhini wa khale swinene?+ I mani loyi a swi vekeke ku sukela enkarhini wolowo?+ Xana a hi mina, Yehovha, loyi handle ka yena ku nga riki na Xikwembu xin’wana;+ Xikwembu xo lulama ni Muponisi,+ lexi ku nga riki na xin’wana handle ka xona?+ 22  “Hundzulukelani eka mina mi ponisiwa,+ hinkwenu lava nga emakumu ka misava; hikuva hi mina Xikwembu, naswona a ku na xin’wana.+ 23  Ndzi hlambanyile hi mina n’wini+—enon’wini wa mina ku hume+ rito hi ku lulama, lerova a ri nge vuyi+—leswaku tsolo rin’wana ni rin’wana ri ta ndzi nkhinsamela,+ ririmi rin’wana ni rin’wana ri ta hlambanya,+ 24  ri ku, ‘Hakunene Yehovha u ni ku lulama ni ntamu lowu teleke.+ Hinkwavo lava n’wi karihelaka va ta ta eka yena hi ku kongoma, va khomiwa hi tingana.+ 25  Eka Yehovha mbewu+ hinkwayo ya Israyele yi ta tikomba yi lulamile+ naswona yi ta tibuma.’”+

Tinhlamuselo ta le hansi