Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 38:1-22

38  Emasikwini wolawo Hezekiya a a vabyela ku fa.+ Hikwalaho Esaya+ n’wana wa Amotsi lowa muprofeta a ta eka yena a ku: “Yehovha u te, ‘Nyika vandyangu wa wena swileriso,+ hikuva wena u ta fa kunene, a wu nge hanyi.’”+  Hiloko Hezekiya a hundzuluxela xikandza xakwe ekhumbini+ a sungula ku khongela Yehovha+  a ku: “Oho Yehovha, ndzi kombela u tsundzuka+ ndlela leyi ndzi fambeke+ ha yona emahlweni ka wena hi ntiyiso+ ni hi mbilu leyi heleleke,+ naswona ndzi endle leswi a swi lulamile ematihlweni ya wena.” Kutani Hezekiya a rila swinene.+  Kutani rito+ ra Yehovha ri fika eka Esaya, ri ku:  “Famba u ya byela Hezekiya u ku, ‘Yehovha Xikwembu xa Davhida tata wa wena+ u te: “Xikhongelo+ xa wena ndzi xi twile. Mihloti ya wena ndzi yi vonile.+ Kutani ndzi engetela masiku ya wena hi malembe ya 15;+  naswona exandleni xa hosi ya Asiriya ndzi ta ku kutsula wena ni muti lowu, ni muti lowu ndzi ta wu lwela.+  Kutani hi lexi xikombiso xa wena lexi humaka eka Yehovha, xa leswaku Yehovha u ta ri hetisisa rito leri a ri vuleke:+  Xindzhuti xa swikhandziyo leswi rhelelaka eswikhandziyweni swa Akazi hi dyambu,+ ndzi swi tlherisela endzhaku hi swikhandziyo swa khume.”’”+ Kutani dyambu ri tlhelela endzhaku hakatsongo-tsongo eswikhandziyweni leswi ri rheleleke ha swona.+  Leswi tsariweke hi Hezekiya hosi ya Yuda, enkarhini lowu a vabyeke+ ha wona kutani a hanyanya eku vabyeni kakwe.+ 10  Mina ndzi te: “Exikarhi ka masiku ya mina ndzi ta ya etinyangweni+ ta Sheol. Ndzi ta tsoniwa malembe ya mina lama seleke.”+ 11  Ndzi te: “A ndzi nge n’wi voni Yah, yena Yah, etikweni ra lava hanyaka.+ Vanhu a ndzi nge he va languti—ni tiko ra vaaki lava feke. 12  Vutshamo bya mina byi simuriwile,+ byi susiwa eka mina ku fana ni ntsonga wa varisi. Ndzi songe vutomi bya mina ku fana ni muluki wa mapesa; Ndza huburiwa+ eka tiharhana ta ngoti leyi huleriwaka yi ya ehansi. Ku sukela nimpundzu ku ya fika nivusiku wa ndzi nyiketa.+ 13  Ndzi tikhongoterile ku fikela nimixo.+ Ku fana ni nghala, u tshamela ku tshova marhambu+ ya mina hinkwawo; Ku sukela nimpundzu ku ya fika nivusiku wa ndzi nyiketa.+ 14  Ku fana ni mbewulana, bokota, ndzi tshamela ku tsetsesela;+ Ndzi tshamela ku gugurhela ku fana ni tuva.+ Mahlo ya mina ma langute hi ku karhala eku tlakukeni:+ ‘Oho Yehovha, ndzi tshikilelekile. Ndzi seketele.’+ 15  Ndzi ta vulavula yini, kunene yena u ta ndzi byela yini?+ Na yena u teke goza.+ Ndzi hambeta ndzi famba hi ku tshembeka malembe ya mina hinkwawo, moya-xiviri wa mina wu ri ni mbitsi.+ 16  ‘Oho Yehovha, hikwalaho ka sweswo va hambeta va hanya; ku fana ni un’wana ni un’wana, byi tano vutomi bya moya wa mina.+ U ta ndzi hanyisa, kunene u ndzi londzovota ndzi hanya.+ 17  Waswivo! Ematshan’weni ya ku rhula ndzi ve ni leswo bava,+ ina, leswo bava; Kutani wena u tihlanganise ni moya-xiviri wa mina u wu sivela emugodini wa ku mbundzumuka.+ Hikuva swidyoho+ swa mina hinkwaswo u swi lahlele enhlaneni wa wena. 18  Hikuva Sheol a hi yona leyi nga ku dzunisaka;+ rifu a ri nge ku dzunisi.+ Lava rhelelaka emugodini a va nge wu tshembi ntiyiso wa wena.+ 19  La hanyaka, la hanyaka, hi yena la nga ku dzunisaka,+ Hilaha ndzi nga endlaka hakona esikwini leri.+ Tatana a nga nyika vana vakwe vutivi+ malunghana ni ntiyiso wa wena. 20  Oho Yehovha, ndzi ponise,+ kutani hi ta ba timbila+ ta tingoti ta mina Masiku hinkwawo ya vutomi bya hina endlwini ya Yehovha.’”+ 21  Kutani Esaya a ya emahlweni a ku: “A va teke xipambana xa makuwa lama omisiweke, va xi chukuchela ehenhla ka rhumba,+ leswaku a hola.”+ 22  Hi nkarhi wolowo, Hezekiya a ku: “Hi xihi xikombiso xa leswaku ndzi ta tlhandlukela endlwini ya Yehovha?”+

Tinhlamuselo ta le hansi