Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 33:1-24

33  Khombo eka wena la phangaka, kambe wena a wu phangeriwi, ni le ka wena la xengaka, va nga ri kona lava ku xengaka!+ Loko u heta ku phanga, u ta phangeriwa.+ Loko u heta ku xenga, va ta ku xenga na wena.+  Oho Yehovha, hi kombe tintswalo.+ Hi tshembe wena.+ Vana voko+ ra hina mixo wun’wana ni wun’wana,+ ina, ku ponisiwa ka hina enkarhini wa maxangu.+  Vanhu va balekile+ loko va twa mpfilumpfilu. Matiko ma hangalakile loko wena u humelela.+  Kunene leswi n’wina mi swi phangeke+ swi ta hlengeletiwa ku fana ni mahele loko ma hlengeletana, ku fana ni ku hlasela ka tinjiya leti hlaselaka munhu.+  Kunene Yehovha u ta tlakusiwa,+ hikuva u tshama laha ku tlakukeke.+ U ta tata Siyoni hi vululami ni ku tshembeka.+  Naswona vutshembeki bya minkarhi ya wena byi fanele byi va rifuwo ra ku ponisiwa+—vutlhari ni vutivi,+ ku chava Yehovha,+ ku nga xuma xakwe.  Waswivo! Tinghwazi ta vona ti huwelerile eswitarateni; varhumiwa va ku rhula+ va ta rila hi xiviti.  Magondzo lamakulu ma hundzuke mananga;+ loyi a hundzaka endleleni a nga ha ri kona.+ U tlule ntwanano;+ u sole miti;+ a nga vanga na mhaka ni munhu wa nyama.+  Tiko ra rila, ri vunile.+ Lebanoni u yisiwe ehansi;+ u hlakarile. Saroni+ u kotisa timbala ta le kwandzasini; kasi Baxani na Karimeli yi dzudza matluka ya yona.+ 10  “Sweswi ndzi ta pfuka,”+ ku vula Yehovha, “sweswi ndzi ta titlakusa;+ sweswi ndzi ta tiyisa ehenhla.+ 11  N’wina mi tika byanyi byo oma;+ mi ta veleka mahlanga. Moya wa n’wina wu ta mi dya,+ ku fana ni ndzilo.+ 12  Kutani vanhu va ta fana ni ku tshwa ka kalaka. Ku fana ni mitwa leyi tsemiweke, va ta lumekiwa hi ndzilo.+ 13  Twanani, n’wina lava nga ekule, leswi ndzi faneleke ndzi swi endla!+ N’wina lava nga ekusuhi, tivani matimba ya mina.+ 14  ESiyoni vadyohi va chava;+ vagwinehi+ va rhurhumela: ‘I mani exikarhi ka hina la nga tshukaka a tshama ni ndzilo lowu lovisaka?+ I mani exikarhi ka hina loyi a nga tshukaka a tshama ni ndzilo lowukulu lowu tshamaka hilaha ku nga riki na makumu?’+ 15  “U kona loyi a fambaka hi ku tshembeka nkarhi ni nkarhi,+ la vulavulaka leswinene,+ loyi a bakanyaka mpindzulo wo biha wa vukanganyisi,+ loyi mavoko yakwe ma nga xi khomiki xifumbarheriso,+ loyi a sivaka ndleve yakwe yi nga yingisi ku halatiwa ka ngati, loyi a tlhelaka a pfala mahlo yakwe leswaku a nga swi voni leswo biha.+ 16  Hi yena la nga ta tshama eku tlakukeni;+ xisirhelelo xakwe lexi tlakukeke xi ta va tindhawu ta maribye leti swi tikaka ku tshinela eka tona.+ Kunene u ta nyikiwa xinkwa;+ mati ya yena a ma nge heli.”+ 17  Mahlo ya wena ma ta vona hosi eku sasekeni ka yona;+ ma ta vona tiko ra le kule.+ 18  Mbilu ya wena yi ta n’unun’uta+ hikwalaho ka lexi chavisaka: “U kwihi matsalana? U kwihi loyi a hakelaka?+ U kwihi loyi a hlayaka swihondzo?”+ 19  Vanhu lava tikurisaka a wu nge va voni, vanhu va ririmi ro enta swinene leri nga twakariki, va manghanghamela lava u nga va twisisiki.+ 20  Vona Siyoni,+ muti wa minkarhi ya hina ya ntsako!+ Mahlo ya wena ma ta vona Yerusalema ndhawu yo tshama eka yona leyi nga kavanyetiwiki, ntsonga lowu nga ta ka wu nga tekiwi hi munhu.+ Swikhomiso swa ntsonga wa wona a swi nge simuriwi, naswona mapindza ya wona a ma nge tsemiwi hi le xikarhi.+ 21  Kambe kwalaho Lonkulu,+ Yehovha, u ta va ndhawu ya milambu eka hina,+ ya misele yo anama. Ku hava ntlawa wa swikepe swa nyimpi lowu nga ta famba kona, hambi xikepe lexikulu a xi nge hundzi hi kona. 22  Hikuva Yehovha i Muavanyisi wa hina,+ Yehovha i Munyiki wa nawu wa hina,+ Yehovha i Hosi ya hina;+ yena u ta hi ponisa.+ 23  Mapindza ya wena ma ta ntshunxeka; xihondzo xa vona xa ngalava a va nge xi khomi xi tiya; a va ri andlalanga seyila. Hi nkarhi wolowo swo tala leswi phangiweke swi ta aviwa; kunene lava khutaka va ta phanga ngopfu.+ 24  Ku hava munhu la tshamaka kona la nga ta ku: “Ndza vabya.”+ Vanhu lava tshamaka etikweni rero va ta va va rivaleriwe xidyoho xa vona.+

Tinhlamuselo ta le hansi