Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 32:1-20

32  Waswivo! Hosi+ yi ta fuma hi ku tshembeka;+ kasi tihosana,+ ti ta va tihosana hi vululami.  Kutani un’wana ni un’wana u ta va ndhawu ya ku tifihla emhehweni ni vutumbelo exidzedzeni,+ ku fana ni swinambyana swa mati etikweni leri nga riki na mati,+ ku fana ni ndzhuti wa ribye lerikulu etikweni leri omeke.+  Mahlo ya lava vonaka a ma nge namarhelani, ni tindleve ta lava twaka ti ta nyikela nyingiso.+  Mbilu ya lava matlotlo yi ta ehleketisisa vutivi,+ ni ririmi ra lava nghanghamelaka ri ta hatlisa ku vulavula leswi twalaka.+  Lowo hunguka a nge he vitaniwi leswaku wa hanana; kasi munhu wo kala nawu a ku nge vuriwi leswaku i wa xiyimo xa le henhla;+  hikuva lowo hunguka u ta vulavula vuhunguki ntsena,+ ni mbilu yakwe yi ta tirhela leswo biha,+ yi tirhela vugwinehi+ ni ku vulavula leswi hambukeke hi Yehovha, ku endlela leswaku moya-xiviri wa la nga ni ndlala wu pfumala,+ naswona loyi a nga ni torha u n’wi pfumata xakunwa.  Loko ku ri munhu wo kala nawu, switirho swakwe swi bihile;+ u bohe makungu ya ku tikhoma ko biha,+ ku lovisa lava xanisekaka hi marito ya mavunwa,+ hambiloko xisiwana xi vulavula leswi lulameke.  Loko ku ri lonene, u bohe makungu ya leswinene; naswona u ta yimelela swilo leswinene.+  “N’wina vavasati lava tshamisekeke, pfukani, yingisani rito ra mina!+ N’wina vanhwanyana lava nga khathaliki, yingisani marito ya mina! 10  Ku nga si hela lembe ni masikunyana n’wina lava nga khathaliki mi ta rhurhumela,+ hikuva ku khiwa ka madiriva ku ta va ku herile kambe a ku nge hlengeletiwi mbhandzu.+ 11  Rhurhumelani, n’wina vavasati lava tshamisekeke! Rhurhumelani, n’wina lava nga khathaliki! Hluvulani, mi nga ambali nchumu, kutani mi tikhama hi nguvu yo khwaxa eswisutini.+ 12  Tibeneni swifuva mi rilela+ masimu lama navelekaka,+ mi rilela murhi wa vhinya lowu vekaka mbhandzu. 13  Ehenhla ka misava ya vanhu va mina ku huma mitwa yinene, swihlahla swa swihlonhlwana,+ hikuva swi le henhla ka tindlu hinkwato ta ku khana, ina, muti lowu teleke ntsako.+ 14  Hikuva xihondzo xo tshama eka xona xi fularheliwile,+ mpfilumpfilu lowu a wu ri emutini a wa ha ri kona; Ofeli+ ni xihondzo xo rindza swi hundzuke masimu lama nga riki na nchumu, timangwa ti khana eka swona, swi va madyelo ya mintlhambi hilaha ku nga riki na makumu; 15  kukondza moya wu chuluriwa eka hina wu huma ehenhla,+ niloko mananga se ma hundzuke ntanga wa mihandzu, ni ntanga wa mihandzu wu tekiwa wu ri khwati ra xiviri.+ 16  “Kunene vululami byi ta tshama emananga, kasi ku tshembeka ku ta tshama+ entangeni wa mihandzu. 17  Kutani ntirho wa ku lulama ka ntiyiso wu ta va ku rhula;+ kasi vutirheli bya ku lulama ka ntiyiso, byi ta va ku miyela ni nsirhelelo hilaha ku nga riki na makumu.+ 18  Vanhu va mina va ta tshama endhawini yo rhula ni le ka vutshamo lebyi tshembiwaka hi ku helela ni le tindhawini to wisela leti nga kavanyetiwiki.+ 19  Kunene ku ta na xihangu loko khwati ri wa+ ni muti wu tsongahatiwa wu va exiyin’weni xa le hansi.+ 20  “Ma tsaka n’wina lava byalaka mbewu etlhelo ka mati,+ lava ntshuxaka milenge ya nkunzi ni mbhongolo.”+

Tinhlamuselo ta le hansi