Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 31:1-9

31  Khombo eka lava rhelelaka aEgipta ku ya kuma mpfuno,+ lava tshembaka tihanci tinene,+ lava tshembaka makalichi ya nyimpi,+ hikwalaho ka ku tala ka wona, ni tihanci hikwalaho ka leswi ti nga ni matimba lamakulu, kambe a va tshembelanga eka Mukwetsimi wa Israyele naswona Yehovha a va n’wi lavisisanga.+  U tlharihile+ naswona u ta tisa khombo,+ marito yakwe a nga ma tlherisanga;+ kunene u ta lwa ni yindlu ya vaendli va leswo biha,+ a lwa ni mpfuno wa lava hanyaka hi leswo biha.+  Kambe, Vaegipta i vanhu va la misaveni,+ a hi Xikwembu; tihanci ta vona i nyama,+ a hi moya. Kutani Yehovha u ta tshambuluta voko rakwe, loyi a pfunaka u ta khunguvanyeka, kasi loyi a pfuniwaka u ta wa,+ naswona hinkwavo ka vona va ta hela hi nkarhi lowu fanaka.  Hikuva Yehovha u ndzi byele a ku: “Hilaha nghala yi bongaka hakona, xinghalana xa ntshiva,+ ehenhla ka lexi xi xi khomeke, loko xi vitaneriwa varisi vo tala, ku nga khathariseki rito ra vona a xi nge chavi, ku nga khathariseki mpfilumpfilu wa vona a xi nge tinyikeli; hi ndlela leyi fanaka Yehovha wa mavuthu u ta rhelela a ta lwa ni Ntshava ya Siyoni ni xitsunga xa yona.+  Ku fana ni tinyenyana leti hahaka, Yehovha wa mavuthu u ta lwela Yerusalema hi ndlela leyi fanaka.+ A n’wi lwela, a tlhela a n’wi kutsula hakunene.+ A n’wi sirhelela, a tlhela a n’wi kutsula.”  “N’wina, tlhelelani+ eka Loyi vana va Israyele va n’wi pfukeleke swinene.+  Hikuva esikwini rero un’wana ni un’wana u ta bakanya swikwembu swakwe swa silivhere leswi nga pfuniki nchumu ni swikwembu swakwe swa hava swa nsuku,+ leswi mi tiendleleke swona hi mavoko ku va xidyoho.+  Kutani Muasiriya u ta wa hi banga, ku nga ri ra munhu; hi banga, ku nga ri ra munhu wa la misaveni, ri ta n’wi lovisa.+ U ta baleka hikwalaho ka banga, majaha yakwe ma ta endla ntirho wo sindzisiwa.  Ribye ra yena ri ta hundza hi ku chava lokukulu, naswona tihosana ta yena ti ta chavisiwa hi xikombiso,”+ ku vula Yehovha, loyi ku vonakala kakwe ku nga le Siyoni ni loyi khele rakwe ra ndzilo+ ri nga eYerusalema.

Tinhlamuselo ta le hansi