Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 30:1-33

30  “Khombo eka vana vo sihalala,”+ ku vula Yehovha, “lava voyameleke eku hetisiseni ka makungu, ku nga ri ya mina;+ ni ku chulula leswi cheriwaka egandzelweni, ku nga ri hi moya wa mina, leswaku va tlhandleka xidyoho ehenhla ka xidyoho;+  lava va sukaka va rhelela aEgipta,+ lava va nga vutisisangiki enon’wini wa mina,+ va tisirhelela hi khokholo ra Faro ni ku tumbela endzhutini wa Egipta!+  Naswona khokholo ra Faro ri fanele ri mi khomisa tingana,+ ni ku tumbela endzhutini wa Egipta ku va ku tsongahatiwa.+  Hikuva tihosana ta yena ti le Sowana,+ ni vayimeri vakwe va fika eHanese.  Kunene un’wana ni un’wana u ta khomiwa hi tingana hikwalaho ka vanhu lava nga vuyerisiki munhu, lava nga pfuniki nchumu naswona va nga vuyerisiki, kambe va khomisa tingana ni ku tisa ndzhukano.”+  Xileriso eka swiharhi swa le dzongeni:+ Etikweni ra maxangu+ ni ra swiyimo swo nonon’hwa, ra nghala ni yingwe leyi bongaka, ra mhiri ni nyoka ya ndzilo+ leyi hahaka, emakatleni ya timbhongolo va tlhandleka xuma xa vona, kasi eminhlaneni ya tikamela+ va tlhandleka timbuva ta vona. A va nge pfuni nchumu evanhwini.  Vaegipta i vuhava ntsena, a va nge pfuni nchumu.+ Hikokwalaho ndzi vitane loyi ndzi ku: “Rahava+—va lo tshama va ku whii!”  “Sweswi tana, tsala ehenhla ka xiphepherhele emahlweni ka vona, u swi tsala ebukwini,+ leswaku swi ta tirha enkarhini lowu taka, byi va vumbhoni hilaha ku nga riki na makumu.+  Hikuva i vanhu lava xandzukaka,+ vana lava nga riki na ntiyiso,+ vana lava nga swi lavangiki ku yingisa nawu wa Yehovha;+ 10  lava byeleke lava va vonaka va ku, ‘Mi nga tshuki mi vona,’ ni le ka lava nga ni swivono va ku, ‘Mi nga tshuki mi va ni swivono swa swilo leswi kongomeke eka hina.+ Hi byeleni leswo nandziha; vanani ni swivono swa swilo swa vuxisi.+ 11  Hambukani endleleni; kendlukani endleleni.+ Herisani Mukwetsimi wa Israyele hikwalaho ka hina ntsena.’”+ 12  Hikokwalaho Mukwetsimi wa Israyele u te: “Leswi mi bakanyaka rito leri,+ nileswi n’wina mi tshembaka ku dyelela ni leswo gombonyoka naswona mi tiseketelaka hi swona,+ 13  hikokwalaho eka n’wina xidyoho lexi xi ta fana ni xiphemu lexi phemekeke lexi nga ekusuhi ni ku wa, ku kukumuka erirhangwini leri tlakukeke,+ ku wa loku ku nga taka hi xitshuketa, hi xinkarhana.+ 14  Kunene ri ta fayiwa ku fana ni ku fayiwa ka khuwana lerikulu ra vavumbi,+ ri pfotloseriwa ri nga tsetseleriwi, lerova exikarhi ka swiphemu-phemu swa rona leswi pfotlosiweke a ku nge kumiwi xiphemu xa vumba xo hlengeleta ndzilo exitikweni kumbe ku ka mati laha ku nga ni ndzhope.”+ 15  Hikuva Yehovha, Hosi leyi Lawulaka, Mukwetsimi wa Israyele,+ u te: “Mi ta ponisiwa loko mi vuya, mi ta wisa. Matimba ya n’wina ma ta va ya ku pfumala ku kavanyetiwa ni ya ku tshembeka.”+ Kambe a mi swi rhandzanga.+ 16  Mi ye emahlweni mi ku: “E-e, kambe hi ta baleka hi tihanci!”+ Hi yona mhaka leyi mi nga ta baleka. “Naswona hi ta gada tihanci ta rivilo!”+ Hi yona mhaka leyi lava va mi hlongorisaka va nga ta va ni rivilo lerikulu.+ 17  Vanhu va 1 000 va ta rhurhumela hikwalaho ka ku tshinya ka munhu un’we;+ hikwalaho ka ku tshinya ka vanhu va ntlhanu mi ta baleka ku fikela loko mi ta va mi sele ku fana ni mhandzi ehenhla ka ntshava ni ku fana ni xikombiso exitsungeni.+ 18  Hikokwalaho Yehovha u ta tshama a langutele ku mi komba tintswalo,+ kutani u ta suka a yima a mi komba tintswalo.+ Hikuva Yehovha i Xikwembu xa vuavanyisi.+ Va tsaka+ hinkwavo lava tshamaka va n’wi languterile.+ 19  Loko vanhu va le Siyoni+ va ta tshama eYerusalema,+ a wu nge rili nikatsongo.+ Kunene u ta ku komba tintswalo loko a twa xirilo xa wena; entiyisweni loko a xi twa u ta ku hlamula.+ 20  Kunene Yehovha u ta mi nyika maxangu ma va xinkwa ni ntshikilelo wu va mati;+ kambe Muleteri wa n’wina Lonkulu a nge he tifihli naswona mahlo ya n’wina ma ta va mahlo lama vonaka Muleteri Lonkulu wa n’wina.+ 21  Tindleve ta n’wina ti ta twa rito endzhaku ka n’wina ri ku: “Ndlela hi leyi.+ Fambani hi yona,” loko mo tshuka mi ya exineneni kumbe mi tshuka mi ya eximatsini.+ 22  Kutani mi fanele mi nyamisa xifunengeto xa swifaniso swa n’wina leswi vatliweke swa silivhere+ ni xifunengeto xa xifaniso lexi endliweke hi ku n’okisiwa+ xa nsuku.+ Mi ta swi hangalasa.+ Ku fana ni wansati la nga ni switlhandla, mi ta ku eka xona: “I thyaka ntsena!”+ 23  Kunene u ta nisa mpfula, a yi nisela mbewu ya wena leyi u yi byaleke emisaveni,+ ni xinkwa ku nga ntshovelo wa misava, lexi faneleke xi nona naswona xi va ni mafurha.+ Esikwini rero swifuwo swa wena swi ta dya emadyelweni yo pfuleka.+ 24  Kutani tihomu ni timbhongolo leti rimaka misava ti ta dya furu leyi lungiweke hi leswo dzunga, leswi peperhiweke hi foxolo+ ni foroko. 25  Ehenhla ka ntshava yin’wana ni yin’wana yo tlakuka ni le henhla ka xitsunga xin’wana ni xin’wana xo tlakuka ku fanele ku va ni swinambyana,+ makhele ya mati, esikwini ra ku dlaya lokukulu loko swihondzo swi wa.+ 26  Ku vonakala ka n’weti lowu thwaseke ku fanele ku fana ni ku vonakala ka dyambu leri vangamaka; ni ku vonakala loku vangamaka ka dyambu ku ta ku tlula ka nkombo,+ ku fana ni ku vonakala ka masiku ya nkombo, esikwini leri Yehovha a bohelelaka vanhu vakwe lava tshovekeke,+ a horisaka+ ni mbanga ya nkhavi wakwe. 27  Waswivo! Vito ra Yehovha ri huma ekule, ra hisa hi ku hlundzuka+ kakwe ni mapapa yo tika. Loko ku ri milomu yakwe, yi tele xigwevo, ririmi ra yena ri kotisa ndzilo lowu lovisaka.+ 28  Naswona moya wakwe wu fana ni xinambyana xa mati yo tala lama fikaka enhan’wini,+ leswaku a hlunguhla matiko hi sefo+ leyi nga pfuniki nchumu; ni tomu+ leri tsendzelekisaka munhu ri ta va etinhlayeni ta vanhu.+ 29  N’wina mi ta va ni risimu+ ro fana ni ra nivusiku loko munhu a tihlawulekisela nkhuvo,+ ku tsaka ka mbilu ko fana ni ka loyi a fambaka ni xitiringo+ a nghena entshaveni ya Yehovha,+ Ribye ra Israyele.+ 30  Kunene Yehovha u ta endla leswaku xindzhuti xa rito+ rakwe xi twiwa naswona u ta endla leswaku ku rhelela ka voko rakwe ku voniwa,+ eku hlundzukeni+ lokukulu ni ndzilo+ wo lovisa ni mpfula leyikulu ni xidzedze+ ni swihangu.+ 31  Hikuva Asiriya u ta chava hikwalaho ka rito ra Yehovha;+ u ta n’wi ba hi nhonga.+ 32  Ku tlakuka kun’wana ni kun’wana ka nhonga yakwe yo ba leyi Yehovha a nga ta yi ehlisela ehenhla ka Asiriya, kunene ku ta fambisana ni swingomana ni tiharipa;+ entiyisweni hi tinyimpi ta ku tlakusiwa ka matlhari u ta lwa na vona.+ 33  Hikuva Tofete+ wa yena u lulamisiwile ku sukela eminkarhini ya sweswi; naswona u lunghiseleriwe hosi.+ U endle nhulu ya yena yi va yikulu. Ndzilo ni tihunyi swi tele. Ku hefemula ka Yehovha, ka wu hisa ku fana ni xinambyana xa xivavula.+

Tinhlamuselo ta le hansi