Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 3:1-26

3  Hikuva waswivo, Hosi ya ntiyiso,+ Yehovha wa mavuthu u susa nseketelo ni swo hanyisa Yerusalema+ na Yuda, nseketelo hinkwawo wa xinkwa ni nseketelo hinkwawo wa mati,+  munhu wa matimba ni mulwi wa nyimpi, muavanyisi ni muprofeta+ ni mungoma ni munhu la kuleke,+  murhangeri wa vanhu va 50,+ munhu la chaviwaka swinene, mutsundzuxi, mutivi wa masalamusi ni mungoma la nga ni vuswikoti.+  Kunene ndzi ta endla vafana va va tihosana ta vona, naswona va ta fumiwa hi vulawuri bya tihanyi.+  Entiyisweni vanhu va ta khomana hi tihanyi, un’wana ni un’wana eka munhu-kulobye.+ Va ta hlaselana, mufana ni munhu la kuleke,+ loyi a pfumalaka xindzhuti ni loyi a xiximiwaka.+  Hikuva un’wana ni un’wana u ta khoma makwavo endlwini ya tata wakwe, a ku: “U ni nkhancu. U fanele u va mufumi+ wa hina, naswona ntshungu lowu wu hluriweke wu fanele wu va ehansi ka voko ra wena.”  U ta tlakusa rito rakwe esikwini rero, a ku: “A ndzi nge vi muongori wa timbanga; naswona endlwini ya mina ku hava xinkwa kumbe nkhancu. N’wina a mi fanelanga mi ndzi endla mufumi wa vanhu.”  Hikuva Yerusalema u khunguvanyekile, Yuda hi yexe u wile,+ hikuva ririmi ra vona ni swiendlo swa vona a swi amukeleki eka Yehovha,+ hi ku xandzuka emahlweni ka ku vangama kakwe.+  Entiyisweni ku languteka ka swikandza swa vona ku humesa vumbhoni bya sweswo,+ naswona ku kombisa xidyoho xa vona lexi fanaka ni xa Sodoma.+ A va xi fihlanga. Khombo eka moya-xiviri wa vona! Hikuva va tivangele khombo.+ 10  N’wina vulani leswaku swi ta n’wi fambela kahle lowo lulama,+ hikuva va ta dya mihandzu ya swiendlo swa vona.+ 11  Khombo eka lowo homboloka!—Khombo; hikuva ndlela leyi a khomeke van’wana ha yona u ta khomiwa ha yona na yena!+ 12  Lava va avelaka vanhu va mina ntirho, va va twisa ku vava, va fumiwa hi vavasati vanene.+ N’wina vanhu va mina, lava va mi rhangelaka va mi tsendzelekisa,+ naswona va pfilunganya mitila ya n’wina.+ 13  Yehovha u tilunghiselela ku tenga, naswona u suka a yima leswaku a gweva vanhu.+ 14  Yehovha hi byakwe u avanyisa lava va kuleke va vanhu vakwe ni tihosana ta vona.+ “Kutani n’wina mi hise nsimu ya vhinya. Leswi tekiweke hi vukanganyisi eka loyi a xanisekaka swi le tindlwini ta n’wina.+ 15  Xana mi endla yini leswi mi pfotlosaka vanhu va mina, nileswi mi silaka swikandza swa lava xanisekaka?”+ i marito ya Hosi leyi Lawulaka, Yehovha wa mavuthu. 16  Yehovha u ri: “Hikwalaho ka leswi vanhwanyana va Siyoni va titlakuseke nileswi va fambaka va yimisele tinhamu ta vona ehenhla naswona va xondzolotaka hi mahlo ya vona, va famba-famba hi mikondzo yo gombonyoka, va chakayila hi masindza ya milenge,+ 17  entiyisweni Yehovha u ta endla thavathava ya vanhwanyana va Siyoni yi va ni rikhwekhwe,+ naswona Yehovha hi byakwe u ta funungula mimombo ya vona.+ 18  Esikwini rero Yehovha u ta susa ku saseka ka masindza ya le vokweni ni mavamba ya nhloko ni swin’wetsin’wetsi swa xivumbeko xa n’weti,+ 19  swingwavila leswikulu swa tindleve, vusenga ni minturhu,+ 20  swifunengeto swa nhloko, masindza ya nketana ya milenge, swiphamba swa xifuva,+ ‘tindlu ta moya-xiviri’ ni swiphamba swo khavisa,+ 21  swingwavila, swingwavila swa nhompfu,+ 22  tinguvu to leha ta le vuhosini, swiambalo swa le handle, minkhancu ni swipachi, 23  ni swivoni swo khoma hi voko,+ tinguvu ta le ndzeni, swifunengeto swa nhloko+ ni minturhu leyikulu.+ 24  “Kutani ematshan’weni ya mafurha ya balsama+ ku ta nun’hwa swo bola; ematshan’weni ya vamba, ku ta va pindza; ematshan’weni ya misisi leyi lukiweke hi vutshila, ku ta va mpandla;+ kasi ematshan’weni ya nguvu leyinene, ku ta ambariwa nguvu yo khwaxa;+ ematshan’weni ya ku saseka ku ta va mfungho wa ku hisiwa.+ 25  Vanhu va wena va ta wa hi banga, ni matimba ya wena ma ta hetiwa hi nyimpi.+ 26  Kutani nyangwa ya yena yi ta rila+ ni ku dyiwa hi mbitsi, kunene u ta susiwa. U ta tshama ehansi, kona emisaveni.”+

Tinhlamuselo ta le hansi