Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 28:1-29

28  Khombo eka harhi leyikulu ya swidakwa swa Efrayimi,+ ni xiluva lexi vunaka xa ku khavisa ka yona, lexi nga ehenhla ka nkova lowu noneke wa lava hluriwaka hi vhinyo!  Waswivo! Yehovha u ni loyi a tiyeke, wa matimba.+ Ku fana ni xidzedze xa xihangu lexi dzindzaka,+ xidzedze lexi lovisaka, ku fana ni xidzedze lexi dzindzaka xa matimba ya mati lama khukhulaka,+ kunene u ta cukumetela emisaveni hi matimba.  Tiharhi letikulu ta swidakwa swa Efrayimi ti ta kandziyeriwa+ hi milenge.  Ni xiluva+ xa yona lexi vunaka xo khavisa lexi nga enhlokweni ya nkova lowu noneke xi ta fana ni kuwa+ ro rhanga, ku nga si fika ximumu, leri loko la vonaka a ri vona, a ri mita ra ha ri exandleni xakwe.  Esikwini rero Yehovha wa mavuthu u ta fana ni harhi yo khavisa+ ni harhi yo saseka+ eka lava seleke+ va vanhu va yena,  naswona a va moya wa vululami eka loyi a tshameke leswaku a avanyisa,+ a va matimba eka lava tlherisaka nyimpi yi ri enyangweni.+  Lava na vona—va pepetsekile hikwalaho ka vhinyo naswona va tsendzelekile hikwalaho ka swakunwa leswi pyopyaka. Muprista ni muprofeta+—va pepetsekile hikwalaho ka swakunwa leswi pyopyaka, va pfilunganyekile hikwalaho ka vhinyo, va tsendzelekile+ hikwalaho ka swakunwa leswi pyopyaka; va pepetsekile va ri karhi va vona, va tsekatseka eku endleni ka xiboho.  Hikuva matafula hinkwawo ma tele mahlanta lama thyakeke+—ku hava ndhawu leyi nga riki na wona.  I mani la nga ta n’wi letela vutivi,+ naswona i mani la nga ta n’wi endla a twisisa leswi twiweke?+ Xana hi lava lumuriweke entswambeni, lava susiweke emaveleni?+ 10  Hikuva i “xileriso ehenhla ka xileriso, xileriso ehenhla ka xileriso, ngoti ya ku pima ehenhla ka ngoti ya ku pima, ngoti ya ku pima ehenhla ka ngoti ya ku pima, switsongo laha, switsongo lahaya.”+ 11  Hikuva u ta vulavula ni vanhu+ lava hi milomu+ ya lava nghanghamelaka ni hi ririmi rin’wana,+ 12  lava a va byeleke a ku: “Leyi i ndhawu yo wisela eka yona. Wisisani la heleke matimba. Kutani leyi i ndhawu ya ku humula,” kambe vona a va swi rhandzanga ku yingisa.+ 13  Kunene eka vona rito ra Yehovha ri ta va “xileriso ehenhla ka xileriso, xileriso ehenhla ka xileriso, ngoti ya ku pima ehenhla ka ngoti ya ku pima,+ ngoti ya ku pima ehenhla ka ngoti ya ku pima, switsongo laha, switsongo lahaya,” leswaku va ta famba, kunene va khunguvanyeka hi le ndzhaku kutani va tshoveka, va phasiwa, va khomiwa.+ 14  Hikokwalaho twanani rito ra Yehovha, n’wina lava tikurisaka, n’wina vafumi+ va vanhu lava va nga eYerusalema: 15  Hikuva n’wina mi te: “Hi endle ntwanano ni Rifu;+ naswona hi ve ni xivono+ eSheol; mikhukhulo leyi khapakhapaka, loko yo tshuka yi hundza, a yi nge ti eka hina, hikuva ku hemba hi ku endle vutumbelo+ bya hina naswona hi titumbete emavunweni”;+ 16  hikokwalaho Yehovha, Hosi leyi Lawulaka u te: “Ndzi veka ribye+ eSiyoni+ ri va masungulo, ribye+ leri kamberiweke, yinhla+ ya risima ya masungulo yo tiya.+ Ku hava la nga ta chava loko a kombisa ripfumelo.+ 17  Kutani vululami ndzi ta byi endla ngoti ya ku pima+ ni ku tshembeka+ ku va xitirho xa ku kongomisa; xihangu+ xi ta kukula vutumbelo bya mavunwa,+ mati ma ta khukhula ndhawu yo tumbela eka yona.+ 18  Kunene ntwanano wa n’wina lowu mi wu endleke ni Rifu wu ta herisiwa,+ ni xivono xexo xa n’wina eSheol a xi nge tlhaveriwi hi dyambu.+ Mikhukhulo leyi khapakhapaka, loko yi hundza+—yi ta hundza ehenhla ka n’wina.+ 19  Nkarhi hinkwawo loko yi hundza, yi ta mi khukhula,+ hikuva mixo wun’wana ni wun’wana yi ta hundza, ninhlikanhi ni nivusiku; yi ta va nchumu lowu rhurhumerisaka+ leswaku van’wana va twisisa leswi twiweke.” 20  Hikuva sangu ri komile lerova a swi koteki ku pavalala eka rona, kasi nguvu leyi lukiweke i yitsongo loko u titsondzela hi yona. 21  Yehovha u ta yima ku fana ni le Ntshaveni ya Perazimi,+ u ta kariha ku fana ni le rivaleni ra le hansi ra Gibiyoni,+ leswaku a endla xiendlo xakwe—xiendlo xakwe a xi tolovelekanga—ni leswaku a tirha ntirho wakwe—ntirho wakwe a wu tolovelekanga.+ 22  Kutani mi nga vi vasandzi,+ leswaku switsimbo swa n’wina swi nga tiyi, hikuva ku ni ku herisiwa, hambi eka lexi ku endliweke xiboho ha xona, lexi ndzi xi tweke eka Hosi leyi Lawulaka,+ Yehovha wa mavuthu, etikweni hinkwaro.+ 23  N’wina yingisani, mi yingisa rito ra mina; nyikelani nyingiso, mi yingisa marito ya mina. 24  Xana murimi u rima siku hinkwaro+ leswaku a byala mbewu, a ba mabuwu ni ku halula misava yakwe?+ 25  Xana loko a lunghiselele vuandlalo bya yona, a nga haxi kumini ya ntima, a hlwanya kumini,+ naswona xana a nga yi veki koroni, mahila+ ni maxalana endhawini ya kona,+ ni koroni yo tshwuka+ yi va ndzilakana wakwe?+ 26  U lulamisiwa+ hi ku ya hi leswi lulameke. Xikwembu xakwe xa n’wi letela.+ 27  Hikuva kumini ya ntima a yi huriwi hi xihulo;+ naswona ku hava vhilwa ra golonyi leri fambisiwaka ehenhla ka kumini. Hikuva hi ntolovelo kumini ya ntima yi huriwa hi nhonga,+ kasi kumini hi nxongotelo. 28  Xana hi ntolovelo xinkwa xo huriwa? Hikuva a nga kona loyi a tshamelaka+ ku xi pyanya.+ Naswona u fanele a rhendzelekisa vhilwa ra golonyi yakwe, ni ra tihanci takwe, kambe a nge xi huli.+ 29  Leswi na swona swi huma eka Yehovha wa mavuthu,+ wa swikongomelo swo hlamarisa, loyi a endleke leswikulu entirhweni lowu vuyerisaka.+

Tinhlamuselo ta le hansi