Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 27:1-13

27  Esikwini rero, Yehovha,+ hi banga+ ra yena ra matimba, lerikulu, leri tiyeke, u ta yisa nyingiso wa yena eka Levhiyathani,+ nyoka leyi kokovaka,+ loko ku ri Levhiyathani, nyoka yo homboloka, kunene u ta dlaya xivandzana+ xa lwandle lexi nga elwandle.  Esikwini rero, n’wi yimbeleleleni:+ “Nsimu ya vhinya,+ ya vhinyo leyi vilaka!  Mina Yehovha ndza n’wi hlayisa.+ Nkarhi hinkwawo ndzi ta n’wi cheleta.+ Leswaku ku nga vi na munhu la nga n’wi nyikiki nyingiso, ndzi ta n’wi hlayisa vusiku ni nhlikanhi.+  Vukarhi a ndzi na byona.+ I mani la nga ta ndzi nyika swihlahla swa mitwa+ ni nhova enyimpini? Ndzi ta swi kandziya. Ndzi ta swi lumeka hi ndzilo hi nkarhi wun’we.+  Loko swi nga ri tano a a khomelele khokholo ra mina, a a endle ku rhula na mina; ina, a a endle ku rhula na mina.”+  Emasikwini lama taka Yakobe u ta dzima timitsu, Israyele+ u ta rhumbuka a hluka; kutani va ta tata vuandlalo bya tiko leri noneke hi ntshovelo.+  Xana u fanele a biwa hi nkhavi wo fana ni wa loyi a n’wi baka? Kumbe, xana u fanele a dlayiwa hilaha lava a va dlayeke va dlayiweke hakona?+  Hi ku rila loku chavisaka u ta kanetana na yena loko u n’wi hlongola. U fanele a n’wi hlongola hi moya wakwe lowukulu esikwini ra mheho ya vuxa.+  Hi ndlela leyi xidyoho xa Yakobe xi ta rivaleriwa,+ naswona lowu hi wona mbhandzu wa kona hinkwawo loko a susa xidyoho xa yena,+ loko a endla maribye hinkwawo ya alitari ma fana ni maribye ya kalaka lama hlanhliweke, leswaku timhandzi to kwetsima+ ni swo tlhandleka murhi wa risuna swi nga yimi.+ 10  Hikuva muti lowu tiyisiweke wu ta va woxe, madyelo ma ta sala woxe, ma tshikiwa ku fana ni mananga.+ Rhole ri ta dya kwalaho, ri vundza kona; entiyisweni yena u ta dya marhavi ya wona.+ 11  Loko swirhabyana swa wona swi omile, vavasati va ta fika va swi phatlulela, va swi tshivela.+ Hikuva a hi vanhu va ku twisisa loku enteke.+ Hi yona mhaka leyi Muendli wa wona a nga ta ka a nga wu kombi tintswalo, ni Muvumbi wa wona a nge wu tsakeli.+ 12  Kutani esikwini rero Yehovha u ta hlakahla mihandzu,+ ku suka eka mati lama khulukaka ya Nambu+ ku ya fika enkoveni wa Egipta,+ hikwalaho n’wina mi ta rholeriwa ha un’we-un’we,+ N’wina vana va Israyele. 13  Kutani esikwini rero ku ta biwa nanga leyikulu,+ lava lovaka etikweni ra Asiriya+ ni lava hangalakeke etikweni ra Egipta,+ kunene va ta fika va nkhinsama+ eka Yehovha entshaveni yo kwetsima ya Yerusalema.+

Tinhlamuselo ta le hansi