Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 26:1-21

26  Esikwini+ rero risimu leri ri ta yimbeleriwa+ etikweni ra Yuda:+ “Hi ni muti lowu tiyeke.+ U veka marhangu ni makhokholo swi va ku ponisiwa.+  Pfulani tinyangwa,+ leswaku ku nghena tiko ro lulama leri tikhomaka hi ku tshembeka.+  Mboyamelo lowu seketeriwaka u ta wu hlayisa hi ku rhula loku tshamaka ku ri kona,+ hikuva munhu u endliwa leswaku a tshemba wena.+  Tshembani Yehovha+ hi minkarhi leyi nga heriki, hikuva Yah Yehovha i Ribye+ ra hilaha ku nga riki na makumu.  “Hikuva u va yise ehansi lava tshamaka eku tlakukeni,+ muti lowu tlakukeke.+ Wa wu tsongahata, a wu tsongahatela emisaveni; u wu khumbanisa ni misava.+  Nenge wu ta wu kandziyela, milenge ya lava xanisekaka, mikondzo ya swisiwana.”+  Ndlela ya lowo lulama i vululami.+ Leswi wena u lulameke, u ta khula ndlela ya lowo lulama.+  Ina, Wena Yehovha, hi ku tshembile hikwalaho ka ndlela ya wena ya vuavanyisi.+ Moya-xiviri+ a wu navela vito ra wena ni ku ku tsundzuka.+  Hi moya-xiviri wa mina ndzi ku naverile nivusiku;+ ina, hi moya wa mina lowu nga endzeni ka mina, ndzi hambeta ndzi ku lava;+ hikuva loko wena u avanyisa misava,+ kunene vaaki va tiko+ leri noneke va ta dyondza ku lulama.+ 10  Hambiloko lowo homboloka o kombiwa tintswalo, a nga ka a nga ku dyondzi ku lulama.+ Etikweni ro lulama u ta endla hilaha ku hombolokeke+ naswona a nge byi voni vukulu bya Yehovha.+ 11  Oho Yehovha, voko ra wena ri tlakukile,+ kambe a va ri voni.+ Va ta vona kutani va khomiwa hi tingana+ hikwalaho ka ku hiseka ka vanhu va wena. Ina, ndzilo+ wa swirha swa wena wu ta va dya. 12  Oho Yehovha, hina u ta hi nyika ku rhula,+ hikuva u hi endlele mintirho hinkwayo ya hina.+ 13  Oho Yehovha Xikwembu xa hina, valawuri van’wana va tiendle vini va hina ematshan’weni ya wena.+ Hi ku pfuniwa hi wena ntsena hi ta vula vito ra wena.+ 14  Va file; a va nge hanyi.+ Va hluriwa hi rifu,+ a va nge pfuki.+ Hikokwalaho u yise nyingiso wa wena leswaku u va lovisa, u herise ni ku kumbukiwa ka vona.+ 15  U engetele tiko; Wena Yehovha u engetele tiko;+ u tivangamisile.+ U yi ndlandlamuxele ekule mindzilakana hinkwayo ya tiko.+ 16  Oho Yehovha, emaxangwini va yise nyingiso wa vona eka wena;+ loko u va laya,+ va khongerile. 17  Tanihi leswi wansati la tikeke la nga le kusuhi ni ku veleka, a vaka ni switlhavi swa ku veleka, a rilaka hikwalaho ka ku lun’wa ka ku veleka, na hina hi ve tano hikwalaho ka wena, Wena Yehovha.+ 18  Hi tikile, hi ve ni switlhavi swa ku veleka;+ hi ndlela yo fanekisela, hi veleke mheho. Ku hava ku ponisiwa ka xiviri loku hi ku hetisiseke malunghana ni tiko+ naswona ku hava vaaki va tiko leri noneke lava velekiweke.+ 19  “Lava feke va wena va ta hanya.+ Mintsumbu ya mina—yi ta pfuka.+ Pfukani, mi ba nkulungwana, n’wina lava tshamaka entshurini!+ Hikuva mberha+ ya n’wina yi fana ni mberha ya swimilana swa malo,+ naswona misava yi ta endla leswaku lava hluriweke hi rifu va velekiwa.+ 20  “Fambani, vanhu va mina, nghenani emakamareni ya n’wina ya le mpfungwe,+ mi pfala tinyangwa ta n’wina. Tifihleni nkarhinyana kukondza vuavanyisi byi hundza.+ 21  Hikuva, maswivo, Yehovha wa huma endhawini yakwe a ta tenga xidyoho lexi vaaki va tiko va xi endleke eka yena,+ kunene tiko ri ta paluxa ku halata ngati+ ka rona naswona a ri nge he va fihli lava dlayiweke eka rona.”+

Tinhlamuselo ta le hansi