Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 23:1-18

23  Ku avanyisiwa ka Tiri:+ Kololani, n’wina swikepe swa Taraxixi,+ hikuva yi phangiwile a ya ha ri hlaluko, a ya ha ri ndhawu yo nghena eka yona.+ Va hlavuteriwile ku suka etikweni ra Kitimi.+  Miyelani, n’wina vaaki va le ribuweni. Vabindzuri va le Sidoni,+ lava pelaka lwandle—va tele eka wena.  Naswona ematini yo tala a ku ri ni mbewu ya Xihoro,+ ntshovelo wa Nayili, ku bindzula ka yena; kutani yi ve mpindzulo wa matiko.+  Khomiwa hi tingana, Wena Sidoni;+ Wena khokholo ra lwandle, hikuva lwandle ri te: “A ndzi vanga na swona switlhavi swa ku veleka, naswona a ndzi velekanga, ni majaha a ndzi ma kurisanga, hambi ku kurisa vanhwana.”+  Ku fana ni le ka xiviko lexi yelanaka na Egipta,+ ni vanhu va ta twa ku vava lokukulu hi xiviko xa Tiri.+  Pelelani eTaraxixi; kololani, n’wina vaaki va le ribuweni.  Xana lowu hi wona muti wa n’wina lowu a wu khana ku sukela emasikwini ya khale swinene, ku sukela eminkarhini ya wona yo sungula? Milenge ya wona a yi hamba yi wu yisa ekule wu ya luvela kona.  I mani la nyikeke xiboho+ lexi ehenhla ka Tiri, la tlhandlekaka tiharhi, loyi vabindzuri vakwe a va ri tihosana, loyi van’wamabindzu vakwe a va xiximeka emisaveni?+  Yehovha wa mavuthu u nyike xiboho lexi,+ leswaku a nyamisa ku tinyungubyisa ka ku saseka hinkwako,+ ku hlekula hinkwavo lava xiximekaka emisaveni.+ 10  Pelela etikweni ra wena ku fana ni Nambu wa Nayili, Wena nhwanyana wa Taraxixi.+ Vumakelo bya swikepe a bya ha ri kona.+ 11  Voko rakwe u ri tshambulutele ehenhla ka lwandle; u ninginise mimfumo.+ Yehovha u humese xileriso ku lwa na Fenikiya, ku lovisa makhokholo ya yena.+ 12  Yena u ri: “U nga ha tlheli u khana,+ Wena la tshikileriweke, nhwana wa Sidoni.+ Yima, pelela eKitimi.+ Hambi kwale a wu nge ku kumi ku wisa.” 13  Vona! Tiko ra Vakalidiya.+ Hi lava vanhu va kona—a ku nga ri Asiriya+—va yi endle yi va ya lava tshamaka ekwandzasini.+ Va yimise swihondzo swo sirhelela swa vona;+ va hahlule swihondzo swa yona swo tshama eka swona;+ yi endliwe rhumbi leri hirimukaka.+ 14  Kololani, n’wina swikepe swa Taraxixi, hikuva khokholo ra n’wina ri phangiwile.+ 15  Kutani esikwini rero Tiri u ta rivariwa ku ringana malembe ya 70,+ ku fana ni masiku ya hosi yin’we. Eku heleni ka malembe ya 70, eTiri ku ta fika leswi fanaka ni risimu ra nghwavava: 16  “Teka haripa, rhendzeleka ni muti, Wena nghwavava leyi rivariweke.+ Endla hilaha u nga swi kotaka hakona ku chaya timbila ta tingoti; endla tinsimu ta wena ti tala leswaku u ta tsundzukiwa.” 17  Kutani eku heleni ka malembe ya 70, Yehovha u ta yisa nyingiso eka Tiri, yena u ta ya lava hakelo ya yena,+ a endla vunghwavava ni mimfumo hinkwayo ya misava ehenhla ka vuandlalo bya misava.+ 18  Kutani mpindzulo wa yena ni ku thoriwa+ ka yena ku ta va nchumu wo kwetsima eka Yehovha. A nge hlayisiwi, kumbe ku hlengeletiwa, hikuva hakelo ya yena yi ta va ya lava tshamaka emahlweni ka Yehovha,+ leswaku va dya va xurha ni ku ambala leswo xonga.+

Tinhlamuselo ta le hansi