Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 22:1-25

22  Ku avanyisiwa ka nkova wa xivono:+ Kutani, swo yini ha wena leswi u tlhandlukeke hi ku helela u ya elwangwini?+  A wu tele ku pfilunganyeka, muti wa huwa, muti lowu khanaka.+ Lava dlayiweke va wena a va dlayiwanga hi banga, hambi ku ri lava feke enyimpini.+  Hinkwavo vafumi+ va wena va tihanyi va baleke hi nkarhi wun’we.+ Va khotsiwile handle ko tirhisa vurha. Vanhu va wena hinkwavo lava kumiweke, va khotsiwe swin’we.+ A va balekile va ya ekule.  Hi yona mhaka leyi ndzi nga te: “Tshikani ku ndzi honolela. Ndzi ta kombisa mbitsi hi ku rila.+ Mi nga sindzisi ku ndzi chavelela hikwalaho ka ku phangiwa ka nhwanyana wa vanhu va mina.+  Hikuva i siku ra mpfilumpfilu+ ni ra ku kandziyela+ ni ra ku pfilunganyeka+ leri Hosi leyi Lawulaka, Yehovha wa mavuthu, a ri tiseke enkoveni wa xivono. Ku ni la mbundzumuxaka khumbi,+ ni xirilo entshaveni.+  Naswona Elami+ u teke nkotloto wa miseve hi tihanci, ekalichini ya nyimpi ya munhu wa la misaveni; kasi Kiri+ yena u funungule xitlhangu.  Kutani rivala ra le hansi ra wena leri hlawulekeke ri ta tala makalichi ya nyimpi, kunene tihanci ti ta yima hi le nyangweni,  ku ni loyi a nga ta susa xisirhelelo xa Yuda. Kutani esikwini rero u ta languta tlhelo ra vuhlayiselo bya swihlomo+ endlwini ya le khwatini,+  kunene n’wina mi ta vona timbhovo ta rirhangu ra Muti wa Davhida, hikuva ti ta va ti tele.+ Mi ta hlengeleta mati ya xidziva xa le hansi.+ 10  Entiyisweni mi ta hlaya tindlu ta Yerusalema. Mi ta hirimuxa ni tindlu leswaku rirhangu+ ri nga fikeleleki. 11  Kutani mi fanele ku endla xihlambelo exikarhi ka marhangu lamambirhi, xa mati ya xidziva xa khale.+ Kunene a mi nge n’wi languti Muendli Lonkulu wa xona, ni loyi a xi vumbeke khale swinene a mi nge n’wi voni. 12  “Hosi leyi Lawulaka,+ Yehovha wa mavuthu, esikwini rero u ta endla leswaku ku riliwa,+ ku biwa nkosi, ku tsemetiwa mpandla ni leswaku ku khamiwa nguvu yo khwaxa.+ 13  Kambe waswivo, ku khana ni ku tsaka, ku dlayiwa ka tihomu ni ku tlhaviwa ka tinyimpfu, ku dyiwa ka nyama ni ku nwiwa ka vhinyo,+ ‘A ku dyiweni, ku nwiwa, hikuva mundzuku hi ta fa.’”+ 14  Yehovha wa mavuthu u tihlavuterile etindleveni ta mi-na:+ “‘A mi nge rivaleriwi+ xidyoho lexi mi nga si fa,’+ ku vula Hosi leyi Lawulaka, Yehovha wa mavuthu.” 15  Hosi leyi Lawulaka, Yehovha wa mavuthu, u te: “Famba u ya nghena eka mulanguteri loyi, eka Xebina,+ loyi a lawulaka yindlu,+ 16  ‘I yini lexi nga xa wena laha, naswona i mani la nga wa wena laha, leswi u ticeleleke xilahlo laha?’+ U ticelela xilahlo laha ku tlakukeke; u tikovotlela vutshamo eribyeni. 17  ‘Waswivo! Yehovha u ku cukumetela ehansi hi ku cukumeta lokukulu, Wena munhu la tiyeke emirini, a ku khoma hi matimba. 18  Kunene u ta ku tsondzela swi tiya, kukota bolo etikweni ro anama. U ta fela kona, naswona makalichi ya ku vangama ka wena ma ta va tingana ta yindlu ya n’wini wa wena. 19  Naswona ndzi ta ku hlongola exikhundlheni xa wena; u ta wisiwa exitshan’weni xa wena xa ximfumo.+ 20  “‘Kutani esikwini rero ndzi ta vitana nandza wa mina,+ ku nga Eliyakimi+ n’wana wa Hilkiya.+ 21  Ndzi ta n’wi ambexa nguvu yo leha ya wena, ndzi ta n’wi khama hi nceka wa wena,+ vulawuri bya wena ndzi ta byi veka evokweni rakwe; u ta va tata wa vaaki va Yerusalema ni yindlu ya Yuda.+ 22  Naswona xilotlelo+ xa yindlu ya Davhida ndzi ta xi veka ekatleni rakwe, u ta pfula a nga vi kona la pfalaka, kutani u ta pfala a nga vi kona la pfulaka.+ 23  Ndzi ta n’wi dzima kukota mhingu+ endhawini leyi tshamaka hi masiku, u ta fana ni xiluvelo xa ku vangama endlwini ya tata wakwe.+ 24  Kutani ku vangama hinkwako ka yindlu ya tata wakwe va ta ku hayeka eka yena, vatukulu ni swihluke, swibya hinkwaswo swa muxaka lowutsongo, swibya swa nkambana swin’we ni swibya hinkwaswo swa makhuwana lamakulu. 25  “‘Esikwini rero,’ ku vula Yehovha wa mavuthu, ‘mhingu+ leyi dzimiwaka endhawini leyi tshamaka hi masiku yi ta susiwa,+ yi ta ceriwa yi wa, ndzhwalo lowu wu nga ehenhla ka yona wu ta susiwa, hikuva Yehovha u swi vurile.’”+

Tinhlamuselo ta le hansi