Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 21:1-17

21  Ku avanyisiwa ka mananga ya le lwandle:+ Ku fana ni xidzedze+ xa le dzongeni lexi hungaka, xi ta xi huma emananga, etikweni leri chavisaka.+  Ndzi byeriwe xivono+ lexi chavisaka: La xengaka wa xenga, kasi la phangaka wa phanga.+ Tlhandluka, Wena Elami! Rhendzela, Wena Meda!+ Nhlomulo hinkwawo lowu vangiwaka hi yena ndzi wu herisile.+  Hi yona mhaka leyi masenge ya mina ma teleke switlhavi leswikulu.+ Ndza rhurhumela, ku fana ni ku rhurhumela ka wansati la velekaka.+ Ndzi pfilunganyekile lerova a ndzi swi koti ku twa; ndzi karhatekile lerova a ndzi swi koti ku vona.  Mbilu ya mina yi tsendzelekile; ku rhurhumela ku ndzi tshukisile. Vusiku lebyi a ndzi byi navela byi ndzi chavisile.+  A ku lulamisiwe tafula, ku hleriwa ndhawu ya switshamo, ku dyiwa, ku nwiwa!+ Sukani mi yima, n’wina tihosana,+ totani xitlhangu.+  Hikuva Yehovha u ndzi byele a ku: “Famba u ya veka murindzi leswaku a ta vula leswi a swi vonaka.”+  Kutani a vona kalichi ya nyimpi yi ri ni xipani xa tihanci, kalichi ya nyimpi ya timbhongolo, kalichi ya nyimpi ya tikamela. Hiloko a nyikela nyingiso wa rixaladza, hi vukheta swinene.  A huwelela ku fana ni nghala a ku:+ “Oho Yehovha, ndzi yime ehenhla ka xihondzo xo rindza nkarhi hinkwawo ninhlikanhi, naswona ndzi yime exivandleni xa ku rindza xa mina vusiku hinkwabyo.+  Kutani, ku ta kalichi ya nyimpi ya vavanuna, leyi nga ni xipani xa tihanci!”+ Hiloko a sungula ku vulavula a ku: “U wile! Babilona u wile,+ ni swifaniso leswi vatliweke hinkwaswo swa swikwembu swakwe u swi fayetele emisaveni!”+ 10  Oho n’wina lava huriweke va mina ni n’wana wa xivuya xa mina,+ leswi ndzi swi tweke eka Yehovha wa mavuthu, Xikwembu xa Israyele, ndzi mi vikele swona. 11  Ku avanyisiwa ka Duma: Ku ni loyi a ndzi huwelelaka a ri eSeyiri:+ “Murindzi, ti ri yini ta vusiku? Murindzi, ti ri yini ta vusiku?”+ 12  Murindzi a ku: “Mixo wu ta fika, na byona vusiku. Loko n’wina mi vutisisa, vutisisani. Tanani nakambe!” 13  Ku avanyisiwa ka timbala ta le kwandzasini: Ekhwatini ra timbala ta le kwandzasini mi ta etlela kona nivusiku, N’wina mintlawa ya vanhu va Dedani.+ 14  Leswaku mi hlanganisa la nga ni torha, tanani ni mati. N’wina vaaki va tiko ra Thema,+ hlanganisani la balekaka mi n’wi khomele xinkwa. 15  Hikuva va balekile hikwalaho ka mabanga, hikwalaho ka banga leri hlomuriweke, ni hikwalaho ka vurha lebyi kungiweke ni hikwalaho ka ku tika ka nyimpi. 16  Hikuva Yehovha u ndzi byele a ku: “Ku nga si hela ni lembe, hi ku landza malembe ya mutirhi la thoriweke,+ ku vangama hinkwako ka Kedari+ ku ta hela. 17  Naswona lava seleke va nhlayo ya vavanuna va mavurha, vavanuna va matimba va vana va Kedari, va ta hunguteka,+ hikuva Yehovha, Xikwembu xa Israyele, u vurile.”+

Tinhlamuselo ta le hansi