Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 18:1-7

18  Yoo, tiko ra switsotswana leswi nga ni timpapa, leri nga exifundzheni xa milambu ya Etiyopiya!+  Ri rhuma vayimeri+ va famba hi le lwandle, ni hi mabyatso ya papirasi ehenhla ka vuandlalo bya mati, ri ku: “Fambani, n’wina varhumiwa lava nga ni rivilo, etikweni ra lavo leha, va nghohe yo hatima, eka vanhu lava chavisaka endhawini yin’wana ni yin’wana, tiko ra ntamu lowu tiyeke, leri kandziyelaka, lava tiko ra vona ri khukhuriweke hi milambu.”+  Hinkwenu n’wina vaaki va tiko leri noneke+ ni lava tshamaka emisaveni, mi ta vona xivono ku fana ni loko ku yimisiwa mfungho etintshaveni,+ naswona mi ta twa mpfumawulo ku fana ni loko ku biwa nanga.+  Hikuva Yehovha u ndzi byele a ku: “Ndzi ta tshama ndzi rhulile, ndzi languta endhawini ya mina,+ ku fana ni ku hisa loku vangamaka swin’we ni ku vonakala,+ ku fana ni papa ra mberha emun’wini wa ntshovelo.+  Hikuva loko ntshovelo wu nga si fika, loko ku rhumbuka ku hetiseka ni vuluva byi va diriva leri wupfeke, ku fanele ku tsemiwa swirhabyana hi swikhutulo, ku susiwa ni switsondzeri swa marhavi, swi khatluriwa.+  Hinkwaswo swi ta siyeriwa nyenyana ya le tintshaveni leyi dyaka nyama ni xiharhi xa misava.+ Kunene nyenyana leyi dyaka nyama yi ta heta ximumu yi ri kwalaho, naswona xiharhi xin’wana ni xin’wana xi ta tshama ehenhla ka wona hi nkarhi wo tshovela.+  “Enkarhini wolowo ku ta tisiwa nyiko eka Yehovha wa mavuthu,+ leyi humaka eka vanhu vo leha, va nghohe yo hatima,+ ni le ka vanhu lava chavisaka endhawini yin’wana ni yin’wana, tiko ra ntamu lowu tiyeke, leri kandziyelaka, lava tiko ra vona ri khukhuriweke hi milambu, ri yisiwa endhawini ya vito ra Yehovha wa mavuthu, Ntshava ya Siyoni.”+

Tinhlamuselo ta le hansi