Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 17:1-14

17  Ku avanyisiwa ka Damaska:+ “Waswivo! Damaska a nga ha ri muti, u hundzuke nhulu, rhumbi leri mbundzumukaka.+  Miti ya Arowere+ leyi siyiweke yi hundzuka tindhawu ta mintlhambi, laha yi vundzaka kona, yi nga chavisiwi hi munhu.+  Naswona muti lowu tiyisiweke wu herisiwile aEfrayimi,+ ni mfumo eDamaska;+ kasi lava seleke va Siriya va ta kotisa ku vangama ka vana va Israyele,” ku vula Yehovha wa mavuthu.+  “Kutani esikwini rero ku vangama ka Yakobe ku ta yisiwa ehansi,+ ni nyama yakwe leyi nga ni mafurha yi ta ondza.+  Kutani loko mutshoveri a hlengeleta koroni ni voko rakwe ri tshovela min’oko,+ u fanele a kotisa loyi a khwajaka min’oko erivaleni ra le hansi ra Refayimi.+  Eka rona ku ta sala swo khwaja ku fana ni loko ku hlakahliwa mutlhwari: mihandzu yimbirhi kumbe yinharhu ya mutlhwari leyi wupfeke ehenhla ka rhavi; ya mune kumbe ya ntlhanu emarhavini ya kona lama vekaka mihandzu,” ku vula Yehovha Xikwembu xa Israyele.+  Esikwini rero munhu wa la misaveni u ta languta eka Muendli wa yena, naswona mahlo yakwe ma ta honolela Mukwetsimi wa Israyele.+  A nge ti languti tialitari,+ mintirho ya mavoko yakwe;+ ni leswi endliweke hi tintiho takwe a nge swi honoleli, hambi swi ri etimhandzini to kwetsima kumbe eka swo tlhandleka murhi wa risuna.+  Esikwini rero miti yakwe leyi nga swisirhelelo yi ta fana ni ndhawu leyi siyiweke hi ku helela ekhwatini, ni rhavi leri va ri siyeke hikwalaho ka vana va Israyele; yi ta va rhumbi.+ 10  Hikuva u rivale+ Xikwembu xa ku ponisiwa ka wena;+ Ribye+ ra xisirhelelo xa wena a wu ri tsundzukanga. Hi yona mhaka leyi u byalaka swibyariwa leswinene, u nghenisa ni xihluke xa mufambi. 11  Ninhlikanhi u nga ha xi biyela khwatsi lexi u xi byaleke, kutani nimixo u nga ha mirisa mbewu ya wena, kambe ntshovelo wu ta baleka kunene esikwini ra xifo ni xitlhavi lexi nga tshungulekiki.+ 12  Yoo, mpfilumpfilu wa vanhu vo tala, lava pfumaka kukota ku pfuma ka lwandle! Ni huwa ya vanhu va matiko, lava baka pongo kukota huwa ya mati lama nga ni matimba!+ 13  Vanhu va matiko+ va ta ba pongo kukota huwa ya mati yo tala. Kunene Yena u ta ri tshinya,+ kutani ri ta balekela ekule, ri hlongoriwa ku fana ni mungu wa tintshava emahlweni ka mheho ni ku fana ni xigatlu xa xirhendzevutana emahlweni ka mheho.+ 14  Nimadyambu, waswivo, ku ni ku chava ka xitshuketa. Ri nga si xa—a ka ha ri kona.+ Lexi i xiavelo xa lava va hi phangelaka, ni vuhlolotwana bya lava va hi hlaselaka.+

Tinhlamuselo ta le hansi