Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 16:1-14

16  Rhumelani khuna eka mufumi wa tiko,+ ku suka eSela etlhelo ra mananga, ku ya entshaveni ya nhwanyana wa Siyoni.+  Kutani vanhwanyana va Mowabu emahlalukweni ya Arinoni,+ va ta fana ni xivumbiwa lexi nga ni timpiko lexi hahaka, lexi hlongoriwaka exisakeni xa xona.+  “Tisani xitsundzuxo, mi endla xiboho.+ “Endlani ndzhuti wa n’wina wu fana ni vusiku exikarhi ka nhlikanhi.+ Tumbetani lava hangalasiweke;+ un’wana ni un’wana la balekaka mi nga n’wi xengi.+  Onge lava hangalasiweke va mina va nga luvela eka wena, Wena Mowabu.+ Vana vutumbelo bya vona eka loyi a phangaka.+ Hikuva mutshikileri u fike emakumu yakwe; ku phanga ku herile; lava kandziyelaka van’wana va herisiwile emisaveni.+  “Kunene xiluvelo xi ta simekiwa hilaha ku tiyeke hi musa wa rirhandzu;+ kutani ku ni loyi a nga ta tshama ehenhla ka xona hi ntiyiso entsongeni wa Davhida,+ a avanyisa ni ku lava vululami, a hatlisa eku tshembekeni.”+  Hi ku twile ku tinyungubyisa ka Mowabu, leswaku u tivona ngopfu;+ ku titlakusa ka yena ni ku tinyungubyisa ka yena ni ku hlundzuka ka yena+—marito ya yena ya hava a ma nge vi tano.+  Hikokwalaho Mowabu u ta rilela Mowabu; hinkwaro ka rona ri ta rila.+ Kunene lava biweke va ta rila hi xiviti hikwalaho ka mukhusu wa madiriva ya Kiri-hareseti,+  hikuva masimu ya Hexiboni+ ma vunile. Murhi wa vhinya wa Sibma+—vini va matiko va khatlutele marhavi ya wona yo tshwuka. Ma fike eYazere;+ ma nava emananga. Swihluke swa wona swi tshikiwe swi hluka hi swoxe; swi pele lwandle.  Hi yona mhaka leyi ndzi nga ta rila hi ku rila ka Yazere ndzi rilela murhi wa vhinya wa Sibma.+ Wena Hexiboni+ na Eliyale,+ ndzi ta mi tsakamisa hi mihloti ya mina, hikuva ku huwelela ka ximumu xa wena ni ka ntshovelo wa wena ku herile.+ 10  Ku tsaka ni ku tsakisisa ku susiwile entangeni wa mihandzu; emasin’wini ya vhinya ku hava minkulungwana, ni ku huwelela a ku kona.+ Ku hava vhinyo eswikamelweni, leyi pyanyiwaka hi loyi a pyanyaka.+ Ku huwelela ndzi ku hetile.+ 11  Hi yona mhaka leyi swirho swa mina swa le ndzeni swi pfumaka ku fana ni haripa hikwalaho ka Mowabu,+ ni le ndzeni ka mina ka pfuma hikwalaho ka Kiri-hareseti.+ 12  Hiloko ku voniwa leswaku Mowabu u hetiwe matimba ehenhla ka ndhawu leyi tlakukeke;+ hiloko a ta evukwetsimelweni byakwe a ta khongela,+ kambe a nga hetisisanga nchumu.+ 13  Leri i rito leri Yehovha a ri vuleke eku sunguleni malunghana na Mowabu. 14  Yehovha u vurile, a ku: “Ku nga si hela malembe manharhu, hi ku ya hi malembe ya mutirhi la thoriweke,+ ku vangama+ ka Mowabu ku fanele ku nyumisiwa hi mixaka hinkwayo ya mpfilumpfilu lowukulu, kasi lava nga ta sala a va nge tati ni xandla, a va nge vi na matimba.”+

Tinhlamuselo ta le hansi