Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 13:1-22

13  Ku avanyisiwa ka Babilona+ loku Esaya n’wana Amotsi+ a ku voneke exivonweni:  “Yimisani xikombiso+ ehenhla ka ntshava ya maribye. Va huweleleni, mi tlakusa voko,+ leswaku va ta ta enyangweni ya vanhu va xiyimo xa le henhla.+  Mina ndzi humese xileriso xi ya eka lava hlawulekisiweke va mina.+ Ndzi vitane ni lava matimba va mina leswaku ndzi phofula ku hlundzuka ka mina,+ lava khanaka swinene va mina.  Yingisani! Ntshungu lowu nga etintshaveni, ku fana ni vanhu vo tala!+ Yingisani! Hasahasa ya mimfumo, ya matiko lama hlengeletaneke!+ Yehovha wa mavuthu u hlengeleta vuthu ra nyimpi.+  Va huma etikweni ra le kule swinene,+ ku suka emakumu ya matilo, Yehovha ni matlhari ya xigwevo xakwe, ku ta faya misava hinkwayo.+  “Kololani,+ hikuva siku ra Yehovha ri le kusuhi!+ Ri ta ta kukotisa ku onhetela ka Lowa Matimba Hinkwawo.+  Hi yona mhaka leyi mavoko hinkwawo ma nga ta lelemela, mbilu hinkwayo ya munhu wa nyama yi ta n’oka.+  Kutani vanhu va karhatekile.+ Ku rhurhumela ni switlhavi swa ku veleka swi va khomile; va va ni switlhavi swa ku veleka ku fana ni wansati la velekaka.+ Va langutana hi ku hlamala. Swikandza swa vona i swikandza leswi hisiweke.+  “Waswivo! Siku ra Yehovha ra ta, ri ni tihanyi ta vukarhi ni ta ku hlundzuka lokukulu, leswaku ri endla tiko ri va xihlamariso,+ nileswaku ri lovisa vadyohi va tiko eka rona.+ 10  Hikuva tinyeleti ta matilo ni nhlengeleto wa tinyeleti wa Kesili+ a swi nge ku humesi ku vonakala ka swona; dyambu ri ta va munyama eku humeni ka rona, ni n’weti a wu nge ku humesi ku vonakala ka wona. 11  Naswona ndzi ta tisa nxupulo wa vubihi bya rona ehenhla ka tiko leri noneke,+ ni xidyoho xa vona ehenhla ka lavo homboloka. Kutani ndzi ta herisa ku tinyungubyisa ka lava tikukumuxaka ni ku titlakusa ka vaxanisi ndzi ta ku yisa ehansi.+ 12  Ndzi ta endla leswaku munhu wa nyama a kala swinene ku tlula nsuku lowu tengeke,+ ni munhu wa la misaveni a kala swinene ku tlula nsuku wa le Ofiri.+ 13  Hi yona mhaka leyi ndzi nga ta ninginisa matilo,+ ni misava yi ta ninginika endhawini ya yona hikwalaho ka vukarhi bya Yehovha wa mavuthu+ ni hikwalaho ka siku ra ku hlundzuka lokukulu ka yena.+ 14  Kutani, ku fana ni mhala leyi hlongorisiwaka, ni ntlhambi lowu nga riki na munhu la wu hlengeletaka,+ hinkwavo va ta hundzulukela eka vanhu va ka vona; va ta baleka, un’wana ni un’wana a ya etikweni ra rikwavo.+ 15  Un’wana ni un’wana la kumiwaka u ta tlhaviwa, naswona un’wana ni un’wana la nga ta kumeka exikarhi ka lava lovisiwaka u ta wa hi banga;+ 16  ni vana va vona va ta pfotlosiwa ematihlweni ya vona.+ Tindlu ta vona ti ta phangiwa, ni vasati va vona va ta pfinyiwa.+ 17  “Ndzi pfuxa Vameda ku lwa na vona,+ lava langutaka silivhere yi nga ri nchumu, naswona loko ku ri nsuku a va wu tsakeli. 18  Mavurha ya vona ma ta tlhavetela majaha ya vona.+ Ni mihandzu ya khwiri a va nge yi tweli vusiwana;+ tihlo ra vona a ri nge vi na nsovo eka vana. 19  Kutani Babilona, xikhavisi xa mimfumo,+ ku saseka ka ku tinyungubyisa ka Vakalidiya,+ u fanele a kotisa loko Xikwembu xi hlula Sodoma na Gomora.+ 20  A ku nge he tshamiwi eka yena,+ naswona a nge vi kona eka xitukulwana xin’wana ku ya eka xitukulwana xin’wana.+ Muarabiya a nge wu dzimi ntsonga wa yena kona, naswona ku hava varisi lava nga ta tshika mintlhambi ya vona yi vundza kona. 21  Kona ku ta vundza swiharhi leswi tshamaka etindhawini leti nga riki na mati, tindlu ta kona ti ta tala swikhovha.+ Kutani tinca ti ta tshama kona, kasi madimona lama nga ni xivumbeko xa mbuti ma ta tlula-tlula kona.+ 22  Timhungubye ti ta rila eswihondzweni swakwe swo tshama eka swona,+ nyoka leyikulu yi ta va eswigodlweni leswi tsakisaka ngopfu. Naswona nguva yakwe yi le kusuhi ni ku fika, masiku yakwe a ma nge tlheriseriwi endzhaku.”+

Tinhlamuselo ta le hansi