Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 10:1-34

10  Khombo eka lava amukelaka swileriso+ swo biha ni lava va tshamelaka ku tsala, va tsala ku karhateka,  leswaku va honisa swisiwana loko ku tengiwa nandzu ni ku teka vululami eka vanhu+ va mina lava xanisekaka, leswaku va phanga tinoni, ni ku phanga vana lava nga riki na tatana!+  Kutani n’wina mi ta endla yini esikwini ro nyikiwa nyingiso+ ni le ku lovisiweni, loko swi ta hi le kule?+ Mi ta balekela eka mani leswaku mi pfuniwa,+ naswona ku vangama+ ka n’wina mi ta ku siya kwihi,  handle ka leswaku munhu a nkhinsama emahlweni ka vakhotsiwa nileswaku vanhu va hambeta va wela ehansi ka lava va dlayiweke?+ Hikwalaho ka sweswo hinkwaswo, ku hlundzuka ka yena a ku tlhelanga, kambe voko ra yena ra ha tshambulukile.+  “Aha, Muasiriya,+ nhonga ya ku hlundzuka ka mina,+ ni nkhavi lowu nga evokweni ra vona leswaku va humesa xigwevo xanga!  Ndzi ta n’wi rhumela ku lwa ni tiko leri gwineheke,+ naswona ndzi ta n’wi nyika xileriso+ lexi yaka ehenhla ka vanhu lava ndzi va hlundzukeleke, leswaku a phanga swo tala ni ku wutla swo tala ni ku ri endla ndhawu yo famba ehenhla ka yona ku fana ni vumba bya le switarateni.+  Hambiloko a nga ri tano, u ta voyamela kona; hambiloko mbilu yakwe yi nga ri tano, u ta boha makungu, hikuva ku lovisa ku le mbilwini yakwe+ ni ku herisa matiko yo hlaya.+  Hikuva u ta ku, ‘Xana tihosana ta mina a hi tihosi hi nkarhi lowu fanaka?+  Xana Kalino+ a nga fani na Karikemixi?+ Xana Hamati+ a nga fani na Aripadi?+ Xana Samariya+ a nga fani na Damaska?+ 10  Loko voko ra mina se ri fikelele mimfumo ya swikwembu leswi nga pfuniki nchumu, leyi swifaniso swa yona leswi vatliweke swi tlulaka swa le Yerusalema ni swa le Samariya,+ 11  xana a swi nge endleki leswaku leswi ndzi swi endleke eka Samariya ni le ka swikwembu swa yena leswi nga pfuniki nchumu,+ ndzi ta tlhela ndzi swi endla eka Yerusalema ni le ka swifaniso swakwe swa hava?’+ 12  “Kutani loko Yehovha a herisa ntirho wakwe hinkwawo eNtshaveni ya Siyoni ni le Yerusalema, ndzi ta kambela mihandzu ya ku tikurisa ka mbilu ka hosi ya Asiriya ni ku tikurisa ka mahlo yakwe yo tlakuka.+ 13  Hikuva u te, ‘Kunene ndzi ta teka goza hi matimba+ ya voko ra mina ni hi vutlhari bya mina, hikuva ndzi ni ku twisisa; ndzi ta susa mindzilakana ya vanhu,+ ni swilo swa vona leswi hlayisiweke ndzi ta swi phanga hakunene,+ naswona ndzi ta wisa vaaki kukota la nga ni matimba.+ 14  Ku fana ni loko ku ri xisaka, voko+ ra mina ri ta fikelela xuma+ xa vanhu; ku fana ni loko munhu a hlengeleta mandza lama siyiweke, mina ndzi ta hlengeleta misava hinkwayo, kunene a nge vi kona la kavatelaka timpapa takwe kumbe a pfulaka nomu wakwe kumbe a tsetsesela.’” 15  Xana xihloka xi nga tiendla xo antswa eka loyi a tsemaka hi xona, kumbe saha yi titwarisa eka loyi a yi tirhisaka, ku fana ni loko ntsandza wu tshetshelekisa lava va wu tlakuselaka ehenhla, ku fana ni loko nhonga yi n’wi tlakusele ehenhla la nga riki ntsandza?+ 16  Hikokwalaho Hosi ya ntiyiso, Yehovha wa mavuthu, u ta rhumela vuvabyi lebyi hlakataka eka vanhu vakwe lava nyuheleke,+ naswona ehansi ka ku vangama kakwe ku ta va ni ku hisa loku hisaka ku fana ni ku hisa ka ndzilo.+ 17  Kutani Ku Vonakala+ ka Israyele ku fanele ku va ndzilo,+ Mukwetsimi wakwe a va langavi;+ ri fanele ku vuvumela ri dya nhova ni swihlahla+ swakwe swa mitwa hi siku rin’we. 18  Kutani ku vangama ka khwati rakwe ni ka ntanga wa yena wa mihandzu U ta swi herisa,+ ku suka eka moya-xiviri ku ya fika enyameni, swi ta fana ni ku tsana ka loyi a vabyaka.+ 19  Kutani mirhi leyin’wana hinkwayo ya khwati rakwe—yi ta endla nhlayo leyi hambi mufana a nga ta kota ku yi tsala.+ 20  Kunene esikwini rero lava seleke eIsrayele+ ni lava balekeke va yindlu ya Yakobe a va nge he pfuki va tiseketela hi loyi a va baka,+ kunene va ta tiseketela hi Yehovha, Mukwetsimi wa Israyele,+ hi ntiyiso.+ 21  Ku ta vuya masalela ntsena, masalela ya Yakobe, eka Xikwembu lexi nga ni Matimba.+ 22  Hikuva hambiloko vanhu va wena, Wena Israyele, vo kotisa swiribyana swa sava ra lwandle,+ ku ta vuya masalela ntsena exikarhi ka vona.+ Ndzoviso+ lowu bohiweke wu ta tala hi ku lulama,+ 23  hikuva ndzoviso+ ni xiboho lexi tiyeke, Hosi leyi Lawulaka, Yehovha wa mavuthu, u ta swi hetisisa exikarhi ka tiko hinkwaro.+ 24  Hikokwalaho Hosi leyi Lawulaka,+ Yehovha wa mavuthu, yi te: “N’wina vanhu vanga lava tshamaka eSiyoni,+ mi nga chavi Muasiriya, loyi a a tshamela ku mi ba+ hi nhonga ni loyi a a tshamela ku tlakusa nhonga yakwe ku lwa na n’wina hi ndlela leyi Egipta a endleke ha yona.+ 25  Hikuva hi nkarhinyana—xigwevo+ ni ku hlundzuka ka mina swi ta hela, endleleni ya vona leyi helaka.+ 26  Kunene Yehovha wa mavuthu u ta ndzuluta nkharisa+ ehenhla ka yena ku fana ni le ku hluriweni ka Midiyani eribyeni ra Orebe;+ naswona nhonga yakwe yi ta va ehenhla ka lwandle,+ kutani u ta yi tlakusa hi ndlela leyi a endleke ha yona hi Egipta.+ 27  “Kutani esikwini rero ndzhwalo wakwe wu ta suka ekatleni ra wena,+ ni joko rakwe enhan’wini ya wena,+ kunene joko ri ta tshoveka+ hikwalaho ka mafurha.” 28  U tile ehenhla ka Ayi;+ u hundze eMigironi; a veka swilo swakwe eMikimaxi.+ 29  Va hundze ehlalukweni, Geba+ i ndhawu leyi va nga etlela ka yona nivusiku, Rhama+ u rhurhumerile, Gibiya+ wa Sawulo yena u balekile. 30  Bana nkosi, Wena nhwanyana wa Galimi.+ Nyikela nyingiso, Wena Layixa. Wena la xanisekaka, Anathoti!+ 31  Mademena u balekile. Vaaki va Gebimi a va lava vutumbelo. 32  Ka ha ri siku ro yima eNobo.+ U tlakusa a xungeta ntshava ya nhwanyana wa Siyoni, xitsunga xa Yerusalema.+ 33  Waswivo! Hosi ya ntiyiso, Yehovha wa mavuthu, u phatlulela marhavi hi ku pfotlosa lokukulu;+ kutani lama kuleke ma leha ma tsemiwa, kasi layo tlakuka ma va exiyin’weni xa le hansi.+ 34  Kutani u dlaye makhwati yo tlhuma hi xitirhisiwa xa nsimbi, naswona Lebanoni u ta wisiwa hi wa matimba.+

Tinhlamuselo ta le hansi