Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 7:1-25

7  Hikwalaho Yehovha a byela Muxe a ku: “Vona, ndzi ku endle Xikwembu eka Faro,+ kutani Aroni makwenu u ta va muprofeta+ wa wena.  Wena—u ta vulavula hinkwaswo leswi ndzi nga ta ku lerisa swona;+ kutani Aroni makwenu u ta vulavula na Faro,+ yena u fanele a tshika vana va Israyele va huma etikweni rakwe.+  Loko ku ri mina, ndzi ta sihalarisa+ mbilu ya Faro, kunene ndzi ta andzisa swikombiso swa mina ni masingita ya mina etikweni ra Egipta.+  Kambe Faro a nge mi yingisi;+ kutani ndzi ta veka voko ra mina ehenhla ka Egipta, ndzi humesa mavuthu+ ya mina, vanhu va mina,+ ku nga vana va Israyele+ etikweni ra Egipta hi vuavanyisi lebyikulu.+  Kunene Vaegipta va ta tiva leswaku hi mina Yehovha loko ndzi tshambuluta voko ra mina ndzi lwa na Egipta,+ hakunene ndzi ta humesa vana va Israyele exikarhi+ ka vona.”  Kutani Muxe na Aroni va hambeta va endla hilaha Yehovha a va leriseke+ hakona. Va endle tano.+  Muxe a a ri ni malembe ya 80 hi vukhale kasi Aroni a a ri ni malembe ya 83 hi vukhale loko va ya vulavula na Faro.+  Kutani Yehovha a byela Muxe na Aroni a ku:  “Loko Faro o mi byela a ku, ‘Endlani singita,’+ kutani wena u ta byela Aroni u ku, ‘Teka nhonga+ ya wena u yi lahlela ehansi emahlweni ka Faro.’ Yi ta hundzuka nyoka leyikulu.”+ 10  Hiloko Muxe na Aroni va ya eka Faro kutani va endla hilaha Yehovha a leriseke hakona. Hikwalaho Aroni a lahlela nhonga yakwe ehansi emahlweni ka Faro ni malandza yakwe kutani yi hundzuka nyoka leyikulu. 11  Kambe, Faro na yena a vitana tintlhari ni valoyi;+ kutani vaprista lava endlaka masalamusi va Egipta na vona va endla nchumu lowu fanaka hi masalamusi+ ya vona. 12  Hiloko un’wana ni un’wana wa vona a lahlela nhonga yakwe ehansi, kutani ti hundzuka tinyoka letikulu; kambe nhonga ya Aroni yi mita tinhonga ta vona. 13  Hambiswiritano, mbilu ya Faro yi sihalala,+ a nga va yingisanga hilaha Yehovha a vuleke hakona. 14  Hiloko Yehovha a byela Muxe a ku: “Mbilu ya Faro ya nonon’hwa.+ U arile ku tshika vanhu va famba.+ 15  Yana eka Faro nimixo. Waswivo! Yena u ya ematini!+ Wena u tilunghiselela ku hlangana na yena etlhelo ka Nambu wa Nayili,+ u khoma nhonga leyi hundzukeke nyoka.+ 16  Kutani u ta ku eka yena, ‘Yehovha Xikwembu xa Vaheveru u ndzi rhume eka wena,+ a ku: “Tshika vanhu va mina va famba leswaku va ta ndzi tirhela emananga,”+ kambe a wu yingisanga ku fikela sweswi. 17  Yehovha u te:+ “U ta tiva hi leswi leswaku hi mina Yehovha.+ Sweswi ndzi ba mati lama nga eNambyeni wa Nayili+ hi nhonga leyi nga evokweni ra mina, kunene ma ta hundzuka ngati.+ 18  Kutani tinhlampfi leti nga eNambyeni wa Nayili ti ta fa,+ kunene Nambu wa Nayili wu ta nun’hwa,+ naswona Vaegipta a va nge naveli ku nwa mati lama humaka eNambyeni wa Nayili.”’”+ 19  Endzhaku ka sweswo Yehovha a byela Muxe a ku: “Byela Aroni u ku, ‘Teka nhonga ya wena u tshambulutela voko+ ehenhla ka mati ya Egipta, ehenhla ka milambu ya vona, ehenhla ka misele ya vona ya Nayili, ehenhla ka swidziva+ swa vona swa tinhlanga ni le henhla ka mati ya vona hinkwawo lama biyeleriweke, leswaku ma ta hundzuka ngati.’ Kunene ku ta va ni ngati etikweni hinkwaro ra Egipta, eswibyeni swo vatliwa ni le swibyeni swa ribye.” 20  Hi ku hatlisa Muxe na Aroni va endla+ hilaha Yehovha a va leriseke+ hakona, kutani a tlakusa nhonga yakwe a ba mati lawa a ma ri eNambyeni wa Nayili emahlweni ka mahlo ya Faro ni malandza+ yakwe, hiloko mati hinkwawo lawa a ma ri eNambyeni wa Nayili ma hundzuka ngati.+ 21  Kutani tinhlampfi leti a ti ri eNambyeni wa Nayili ti fa,+ naswona Nambu wa Nayili wu sungula ku nun’hwa; Vaegipta a va nga swi koti ku nwa mati lama humaka eNambyeni wa Nayili;+ kutani ku va ni ngati etikweni hinkwaro ra Egipta. 22  Hambiswiritano, vaprista lava endlaka masalamusi va Egipta va endla leswi fanaka hi vutshila+ bya vona bya le xihundleni; lerova mbilu ya Faro yi hambeta yi sihalala,+ naswona a nga va yingisanga, hilaha Yehovha a vuleke hakona.+ 23  Hikwalaho Faro a hundzuluka a ya endlwini yakwe, leswi na swona mbilu yakwe a yi vanga na mhaka na swona.+ 24  Kutani Vaegipta hinkwavo va rhendzeleka ematlhelweni ya Nambu wa Nayili va cela mati yo nwa, hikuva a va nga swi koti ku nwa mati ya Nambu wa Nayili.+ 25  Kutani ku hela masiku ya nkombo endzhaku ka loko Yehovha a be Nambu wa Nayili.

Tinhlamuselo ta le hansi