Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 4:1-31

4  Hambiswiritano, Muxe a hlamula a ku: “Kambe, a hi nge, a va ndzi kholwi va tlhela va nga ri yingisi rito+ ra mina, hikuva va ta ku, ‘Yehovha a nga humelelanga eka wena.’”  Hiloko Yehovha a ku eka yena: “I yini lexi nga evokweni ra wena?” yena a ku: “I nhonga.”+  A tlhela a ku: “Yi lahlele ehansi.” A yi lahlela ehansi, kutani yi hundzuka nyoka;+ Muxe a yi baleka.  Yehovha a byela Muxe a ku: “Tshambuluta voko u yi khoma hi ncila.” A tshambuluta voko a yi khoma, kutani yi hundzuka nhonga exandleni xakwe.  Hi ku vula ka yena, “Va ta kholwa leswaku Yehovha Xikwembu xa vatata+ wa vona, Xikwembu xa Abrahama,+ Xikwembu xa Isaka+ ni Xikwembu xa Yakobe,+ u humelele eka wena.”+  Kutani Yehovha a tlhela a ku eka yena: “Ndzi kombela u nghenisa voko empetsweni wa le henhla wa nguvu ya wena.” A nghenisa voko empetsweni wa le henhla wa nguvu ya yena. Loko a ri humesa, waswivo, voko rakwe a ri biwe hi nhlokonho ri fana ni gamboko!+  Endzhaku ka sweswo a ku: “Tlherisela voko empetsweni wa le henhla wa nguvu ya wena.” A tlherisela voko empetsweni wa le henhla wa nguvu ya yena. Loko a ri humesa empetsweni wa le henhla wa nguvu ya yena, waswivo, a ri horisiwile ku fana ni nyama+ leyin’wana hinkwayo!  Hi ku vula ka yena, “Loko va nga ku kholwi va tlhela va nga ri yingisi rito ra xikombiso xo sungula, kunene va ta kholwa rito ra xikombiso xa le ndzhaku.+  Nakambe, loko va nga kholwi hambi ku ri swikombiso leswimbirhi va tlhela va nga ri yingisi rito+ ra wena, u ta ka mati eNambyeni wa Nayili u ma chululela emisaveni leyi omeke; kunene mati lawa u nga ta ma ka eNambyeni wa Nayili ma ta hundzuka, ina, ma ta va ngati emisaveni leyi omeke.”+ 10  Kutani Muxe a byela Yehovha a ku: “Ndzi khomele Yehovha, kambe mina a ndzi swi koti ku vulavula kahle, hambi ku ri tolo kumbe emahlweni ka sweswo kumbe ku sukela loko u vulavula ni nandza wa wena, hikuva ndzi vulavula hi ku nonoka ni ririmi+ ra mina ra nonoka.” 11  Hiloko Yehovha a ku eka yena: “I mani la nyikeke munhu nomu kumbe la endlaka la nga vulavuriki kumbe la nga twiki kumbe la vonaka kahle kumbe la feke mahlo? Xana a hi mina, Yehovha?+ 12  Kutani famba sweswi, mina ndzi ta va ni nomu wa wena, ndzi ta ku dyondzisa leswi u faneleke ku swi vula.”+ 13  Kambe a ku: “Ndzi khomele Yehovha, ndzi kombela u rhuma hi voko ra loyi u nga ta n’wi rhuma.” 14  Kutani Yehovha a hlundzukela Muxe ngopfu, a ku: “Xana Aroni wa Mulevhi a hi makwenu?+ Ndza swi tiva leswaku a nga vulavula hakunene. Kasi, handle ka sweswo wa ta a ta ku hlanganisa. Loko a ku vona, kunene u ta tsaka embilwini yakwe.+ 15  U fanele u vulavula na yena, u veka marito enon’wini wakwe;+ mina ndzi ta va ni nomu wa wena ni nomu wakwe,+ kutani ndzi ta mi dyondzisa leswi mi nga ta swi endla.+ 16  U fanele a ku vulavulela evanhwini; kutani u ta va nomu wa wena,+ wena u ta fana ni Xikwembu eka yena.+ 17  Nhonga leyi u ta yi khoma hi voko leswaku u endla swikombiso hi yona.”+ 18  Hikwalaho Muxe a famba a tlhelela eka Yetro mukon’wana wakwe a n’wi byela a ku:+ “Ndzi kombela ku famba ndzi tlhelela eka vamakwerhu lava nga aEgipta leswaku ndzi ta vona loko va ha hanya.”+ Kutani Yetro a ku eka Muxe: “Famba hi ku rhula.”+ 19  Endzhaku ka sweswo Yehovha a byela Muxe eMidiyani a ku: “Famba, tlhelela aEgipta, hikuva hinkwavo vanhu lava a va hlota moya-xiviri wa wena va file.”+ 20  Hiloko Muxe a teka nsati wakwe ni vana vakwe a va khandziyisa embhongolweni kutani a tlhelela etikweni ra Egipta. Tlhandlakambirhi, Muxe a khoma nhonga ya Xikwembu xa ntiyiso hi voko.+ 21  Yehovha a ya emahlweni a byela Muxe a ku: “Loko u tlhelele aEgipta, tiyiseka leswaku masingita hinkwawo lawa ndzi ma vekeke evokweni ra wena, ma ya endla emahlweni ka Faro.+ Loko ku ri mina, ndzi ta sihalarisa+ mbilu yakwe; a nge va tshiki vanhu va famba.+ 22  U ta byela Faro u ku, ‘Yehovha u te: “Israyele i n’wana wa mina, i mativula+ ya mina. 23  Kutani ndzi ri eka wena: Tshika n’wana wa mina a famba leswaku a ta ndzi tirhela. Kambe loko wo ala ku n’wi tshika a famba, ndzi ta dlaya n’wana wa wena wa mativula.”’”+ 24  Kutani egondzweni laha a a etlele+ kona, Yehovha a hlangana na yena+ a lava ndlela ya ku n’wi dlaya.+ 25  Eku heteleleni Zipora+ a teka ribye ro tiya a tsema nsuvu+ wa n’wana wakwe, a wu khumbanisa ni nenge wa yena a ku: “Hikuva u loyi a tekaneke ni ngati eka mina.” 26  Hikwalaho a n’wi tshika. Hi nkarhi wolowo a ku: “Loyi a tekaneke ni ngati,” hikwalaho ka ku yimbisiwa. 27  Kutani Yehovha a byela Aroni a ku: “Famba u ya hlangana na Muxe emananga.”+ Hiloko a famba a ya hlangana na yena entshaveni ya Xikwembu+ xa ntiyiso kutani a n’wi ntswontswa. 28  Hiloko Muxe a byela Aroni marito hinkwawo ya Yehovha la n’wi rhumeke,+ ni swikombiso hinkwaswo leswi a n’wi leriseke leswaku a swi endla.+ 29  Endzhaku ka sweswo Muxe na Aroni va famba va ya hlengeleta vakulukumba hinkwavo va vana va Israyele.+ 30  Kutani Aroni a vulavula marito hinkwawo lawa Yehovha a ma byeleke Muxe,+ a endla ni swikombiso+ ematihlweni ya vanhu. 31  Hiloko vanhu va kholwa.+ Loko va twa leswaku Yehovha u yise nyingiso+ wakwe eka vana va Israyele nileswaku u vone ku xaniseka ka vona,+ va nkhinsama va tiwisela ehansi.+

Tinhlamuselo ta le hansi