Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 36:1-38

36  “Kutani Bezalele u fanele a tirha, na Oholiyabu+ ni wanuna un’wana ni un’wana wa mbilu yo tlhariha loyi Yehovha a n’wi nyikeke vutlhari+ ni ku twisisa+ eka swilo leswi, leswaku a tiva ku endla ntirho hinkwawo wa vutirheli byo kwetsima, hilaha Yehovha a leriseke+ hakona.”  Hiloko Muxe a vitana Bezalele na Oholiyabu ni wanuna un’wana ni un’wana wa mbilu yo tlhariha loyi Yehovha a ngheniseke vutlhari+ embilwini yakwe, un’wana ni un’wana loyi mbilu yakwe yi n’wi susumeteke leswaku a tshinela entirhweni a wu endla.+  Kutani va teka emahlweni ka Muxe munyikelo+ hinkwawo lowu vana va Israyele va wu tiseke wa ntirho wa vutirheli byo kwetsima, leswaku va wu endla, loko ku ri lavan’wana, a va ha tisa gandzelo ra ku tirhandzela eka yena mixo wun’wana ni wun’wana.  Hinkwavo vo tlhariha lava a va endla ntirho hinkwawo wo kwetsima va sungula ku ta, hi ku landzelana, va tshika ntirho lowu a va wu endla,  va byela Muxe va ku: “Vanhu va tisa swo tala swinene ku tlula leswi vutirheli byi swi lavaka eka ntirho lowu Yehovha a leriseke leswaku wu endliwa.”  Hikwalaho Muxe a lerisa leswaku va hundzisa xitiviso enxaxeni, va ku: “Vavanuna ni vavasati, mi nga ha humesi swilo leswi engetelekeke swa munyikelo wo kwetsima.” Hiloko vanhu va siveriwa ku swi tisa.  Swilo a swi ringene ntirho hinkwawo lowu nga ta endliwa, a swi tale ku tlurisa.  Kutani hinkwavo va mbilu+ yo tlhariha exikarhi ka lava endlaka ntirho va endla tabernakela,+ malapi ya ntsonga ya khume ya ntsembyana wo vevuka lowu lukiweke ni harani ya wasi ni voya lebyi pendiweke byi va bya xivunguvungu ni nguvu ya ribungwana; u swi endle swi ri ni makerubu, swi ri ntirho wa mukhavisi.  Ku leha ka nguvu ha yin’we ya ntsonga a ku ri swisungunu swa 28, kasi ku anama ka nguvu ha yin’we ya ntsonga a ku ri swisungunu swa mune. Malapi hinkwawo ya ntsonga a ma ri mpimo wun’we. 10  Hiloko a hlanganisa malapi ya ntsonga ya ntlhanu, rin’wana ni lerin’wana,+ ni malapi ya ntsonga laman’wana ya ntlhanu a ma hlanganisa, rin’wana ni lerin’wana. 11  Endzhaku ka sweswo a endla swihulelo hi harani ya wasi etlhelo ka lapi rin’we ra ntsonga emakumu ya mahlangano. A endla hilaha ku fanaka etlhelo ka lapi ra ntsonga ra le handle, emakumu laman’wana ya mahlangano.+ 12  A endla swihulelo swa 50 eka lapi rin’we ra ntsonga, naswona a endla swihulelo swa 50 emakumu ya mahlangano ya lapi ra ntsonga leri a ri ri endhawini ya mahlangano laman’wana, swihulelo swi langutane ni leswin’wana.+ 13  Eku heteleleni a endla swiove swa 50 hi nsuku kutani a hlanganisa malapi ya ntsonga hi swiove, rin’wana ni lerin’wana, lerova ri va tabernakela+ yin’we. 14  Kutani a endla malapi ya ntsonga ya khume hi voya bya mbuti ma va xifunengeto xa le henhla ka tabernakela. U endle+ malapi ya ntsonga ya 11. 15  Ku leha ka lapi ha rin’we ra ntsonga a ku ri swisungunu swa 30, kasi ku anama ka lapi ha rin’we ra ntsonga a ku ri swisungunu swa mune. Malapi+ ya ntsonga ya 11 a ma ri mpimo wun’we. 16  Hiloko a hlanganisa malapi ya ntsonga ya ntlhanu ma ri woxe ni malapi ya ntsonga ya tsevu ma ri woxe.+ 17  A tlhela a endla swihulelo swa 50 etlhelo ra ntsonga ra le handle endhawini ya mahlangano, naswona a endla swihulelo swa 50 emakumu ka lapi lerin’wana ra ntsonga leri hlanganaka na rona.+ 18  Endzhaku ka sweswo a endla swiove swa 50 swa koporo swa ku hlanganisa ntsonga wu va nchumu+ wun’we. 19  Kutani a endla xifunengeto xa ntsonga hi madzovo ya makhuna lama pendiweke ma va yo tshwuka ni xifunengeto+ xa le henhla+ hi madzovo ya tintini. 20  Hiloko a endla marimba ya tabernakela hi ntsandza wa munga,+ a ma yimisa. 21  Ku leha ka rimba rin’wana ni rin’wana a ku ri swisungunu swa khume, kasi ku anama ka rimba+ ku ri xisungunu ni hafu. 22  Rimba rin’wana ni rin’wana a ri ri ni mahlangano mambirhi ma hlanganisiwe rin’wana eka lerin’wana. Hi yona ndlela leyi a endleke marimba hinkwawo ya tabernakela+ ha yona. 23  Hikwalaho a endla marimba ya tabernakela, marimba ya 20 ma va ya tlhelo leri languteke eNegebu, ku ya edzongeni.+ 24  A endla minkotloto ya 40 hi silivhere yi ri ya le hansi ka marimba ya 20, minkotloto yimbirhi ehansi ka rimba rin’we yi ri ni mahlangano mambirhi ni minkotloto yimbirhi ehansi ka rimba lerin’wana yi ri ni mahlangano+ mambirhi. 25  Etlhelweni lerin’wana ra tabernakela, etlhelweni ra n’walungu, a endla marimba+ ya 20 26  ni minkotloto ya wona ya 40 hi silivhere, minkotloto yimbirhi ehansi ka rimba rin’we ni minkotloto yimbirhi ehansi ka rimba+ lerin’wana. 27  Ematlhelweni ya le ndzhaku ya tabernakela ku ya evupela-dyambu, u endle marimba+ ya tsevu. 28  Kutani a endla marimba mambirhi ma va tinsika ta le tinhleni ta tabernakela ematlhelweni+ ya le ndzhaku ya yona. 29  Matshaku ya wona a ma fana naswona a ma longoloka swin’we ku ya fika ehenhla ka rin’wana ni rin’wana exingwavileni xo sungula. Hi leswi a swi endleke eka tona hatimbirhi, eka tinsika+ timbirhi ta le tinhleni. 30  Hiloko ku va marimba ya nhungu, minkotloto ya wona ya silivhere yi va 16, minkotloto yimbirhi yi ri ekusuhi ni minkotloto yimbirhi ehansi ka rimba+ rin’wana ni rin’wana. 31  Kutani a ya emahlweni a endla swigogo hi ntsandza wa munga, ntlhanu swi ri swa marimba ya tlhelo rin’we ra tabernakela+ 32  ni ntlhanu wa swigogo swi ri swa marimba ya tlhelo lerin’wana ra tabernakela ni ntlhanu wa swigogo swi ri swa marimba ya tabernakela ematlhelweni mambirhi ya le ndzhaku ku ya evupela-dyambu.+ 33  Hiloko a endla xigogo xa le xikarhi xi hingakanya exikarhi ka marimba xi suka emakumu man’wana xi ya emakumu laman’wana.+ 34  Marimba a ma nameka nsuku, naswona a endla swingwavila swa wona hi nsuku swi va swiseketelo swa swigogo, swigogo a swi nameka nsuku.+ 35  A endla nguvu+ leyi sirhelelaka hi harani ya wasi ni voya lebyi pendiweke byi va bya xivunguvungu ni nguvu ya ribungwana ni ntsembyana wo vevuka lowu lukiweke. A ri endla ri ri ni makerubu,+ wu ri ntirho wa mukhavisi. 36  Kutani a ri endlela tiphuphu ta munga ta mune a ti nameka nsuku, timhingu ta tona ti endliwe hi nsuku, naswona a ti vumbela minkotloto ya mune hi silivhere.+ 37  A ya emahlweni a endla xiavanyiso xa nyangwa ya ntsonga hi harani ya wasi ni voya lebyi pendiweke byi va bya xivunguvungu ni nguvu ya ribungwana ni ntsembyana wo vevuka lowu lukiweke, wu ri ntirho wa muluki,+ 38  ni tiphuphu ta xona ta ntlhanu ni timhingu ta tona. Ehenhla ka tona ni mahlangano ya tona a ti nameka nsuku, kambe minkotloto ya tona ya ntlhanu a yi ri ya koporo.+

Tinhlamuselo ta le hansi