Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 31:1-18

31  Yehovha a ya emahlweni a vulavula na Muxe a ku:  “Waswivo, ndzi vitana Bezalele+ n’wana wa Uri hi vito, n’wana wa Huru wa nyimba ya Yuda.+  Ndzi ta n’wi tata moya wa Xikwembu hi vutlhari ni ku twisisa ni vutivi ni ntirho+ wun’wana ni wun’wana wa mavoko,  wa ku fula switirho, wa ku tirha hi nsuku ni silivhere ni koporo,+  ni ku tirha hi maribye a ma namarheta+ ni ku tirha hi ntsandza a endla swilo swa mixaka+ hinkwayo.  Loko ku ri mina, waswivo, ndzi veka Oholiyabu swin’we na yena n’wana wa Ahisamaki wa nyimba ya Dani,+ kutani eka un’wana ni un’wana la tlhariheke embilwini ndzi nghenisa vutlhari, leswaku hakunene va endla hinkwaswo leswi ndzi ku leriseke swona:+  ntsonga wa nhlangano+ ni areka+ ya xitiyisekiso ni xifunengeto lexi nga ehenhla+ ka yona, ni swingolongondzwana hinkwaswo swa ntsonga,  ni tafula ni swibya+ swa rona, ni xo tlhoma rivoni xa nsuku lowo tenga ni swingolongondzwana+ swa xona hinkwaswo, ni alitari ya murhi wa risuna,+  ni alitari ya gandzelo ro hisiwa ni swingolongondzwana+ swa yona hinkwaswo, ni xihlambelo ni xiangamo+ xa xona, 10  ni tinguvu leti lukiweke ni tinguvu to kwetsima ta Aroni lowa muprista ni tinguvu ta vana vakwe leswaku va va vaprista;+ 11  ni mafurha ya ku tota ni xinun’hweriso xa murhi wa risuna xa vukwetsimelo.+ Va ta endla hinkwaswo hilaha ndzi ku leriseke hakona.” 12  Yehovha a ya emahlweni a byela Muxe a ku: 13  “Loko ku ri wena, vulavula ni vana va Israyele u ku, ‘Ngopfu-ngopfu mi ta hlayisa+ tisavata ta mina, hikuva i xikombiso exikarhi ka mina na n’wina eka switukulwana swa n’wina, mi tiva leswaku mina Yehovha ndza mi hlawulekisa.+ 14  Mi fanele mi hlayisa savata, hikuva i nchumu wo kwetsima eka n’wina.+ Loyi a nga ta yi nyamisa u ta dlayiwa+ hakunene. Loko un’wana o tshuka a tirha hi savata, moya-xiviri wolowo wu fanele wu dlayiwa exikarhi ka vanhu+ va ka vona. 15  Ntirho wu nga endliwa hi masiku ya tsevu, kambe hi siku ra vunkombo i savata ya ku wisa+ hilaha ku heleleke. I nchuwu wo kwetsima eka Yehovha. Un’wana ni un’wana la endlaka ntirho hi siku ra savata u ta dlayiwa hakunene. 16  Kutani vana va Israyele va fanele va hlayisa savata, leswaku va hetisisa savata eswitukulwaneni swa vona. I ntwanano wa hilaha ku nga riki na makumu.+ 17  I xikombiso xa hilaha ku nga riki na makumu+ exikarhi ka mina ni vana va Israyele, hikuva hi masiku ya tsevu Yehovha u endle matilo ni misava, kambe hi siku ra vunkombo a wisa, a tiphyuphyisa.’”+ 18  Kutani hi ku hatlisa loko a hete ku vulavula na yena eNtshaveni ya Sinayi, a nyika Muxe swiphepherhele swimbirhi swa Vumbhoni,+ swiphepherhele swa maribye lama tsariweke hi ritiho+ ra Xikwembu.

Tinhlamuselo ta le hansi