Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 30:1-38

30  “U fanele u endla alitari yi va ndhawu yo hisela murhi wa risuna;+ u ta yi endla hi ntsandza wa munga.  Ku leha ka yona yi va xisungunu xin’we ni ku anama ka yona yi va xisungunu xin’we, yi ta va ni matlhelo ya mune yo ringana, naswona ku tlakuka ka yona yi va swisungunu swimbirhi. Timhondzo ta yona ti veheriwa eka yona.+  U fanele u nameka nsuku lowo tenga ehenhla ka yona ni matlhelo ya yona lama yi rhendzelaka ni timhondzo ta yona; u fanele u yi endlela ndzilakana wa nsuku wu yi rhendzela.+  U ta tlhela u yi endlela swingwavila swimbirhi swa nsuku. U ta swi endla ehansi ka ndzilakana wa yona ematlhelo mambirhi ya yona, ematlhelo mambirhi lama vandzamaneke ya yona, hikuva ma fanele ma va swiseketelo swa tinsika to yi rhwala hi tona.+  U fanele u endla tinsika hi ntsandza wa munga kutani u ti nameka nsuku.+  U fanele u yi veka emahlweni ka nguvu leyi sirhelelaka leyi nga ekusuhi ni areka ya vumbhoni,+ emahlweni ka xifunengeto lexi nga ehenhla ka Vumbhoni, laha ndzi nga ta tikombisa kona eka wena.+  “Kutani Aroni u fanele a mbulukisa xinun’hweriso xa murhi wa risuna+ ehenhla ka yona.+ U ta xi mbulukisa mixo wun’wana ni wun’wana loko a lunghiselela timboni.+  Loko Aroni a lumeka timboni exikarhi ka madyambu mambirhi, u ta yi mbulukisa. I murhi wa risuna wa nkarhi hinkwawo emahlweni ka Yehovha eka switukulwana swa n’wina.  Mi nga tshuki mi humesa murhi wa risuna+ kumbe gandzelo ro hisiwa kumbe gandzelo ra mavele leswi nga riki enawini ehenhla ka yona; naswona mi nga tshuki mi chela gandzelo ra swakunwa ehenhla ka yona. 10  Aroni u fanele a kombela ku rivaleriwa ehenhla ka timhondzo ta yona kan’we hi lembe.+ Kan’we hi lembe u ta yi kombelela ku rivaleriwa hi ngati yin’wana ya gandzelo ra xidyoho+ ra ku kombela ku rivaleriwa eswitukulwaneni swa n’wina. I yo kwetsima ngopfu eka Yehovha.” 11  Yehovha a ya emahlweni a vulavula na Muxe a ku: 12  “Nkarhi wun’wana ni wun’wana loko u hlaya vana va Israyele leswaku u kuma nhlayo ya vona,+ un’wana ni un’wana u fanele a nyikela nkutsulo wa moya-xiviri wakwe eka Yehovha loko va hlayiwa,+ leswaku ku nga vi na khombo ehenhla ka vona loko va hlayiwa.+ 13  Hinkwavo lava va hundzelaka eka lava hlayiweke va ta nyikela leswi: hafu ya xikele hi xikele ya ndhawu yo kwetsima.+ Tigera ta 20 ti ringana ni xikele. Hafu ya xikele i munyikelo wa Yehovha.+ 14  Hinkwavo lava hundzelaka eka lava tsariseke ku sukela eka malembe ya 20 hi vukhale va ta nyika Yehovha munyikelo.+ 15  La fuweke a nga nyiki leswi engetelekeke ni la nga xisiwana a nga nyiki leswi nga ehansi ka hafu ya xikele,+ leswaku mi humesa munyikelo wa Yehovha mimoya-xiviri ya n’wina yi ta rivaleriwa.+ 16  Kutani u fanele u teka mali ya silivhere ya ku kombela ku rivaleriwa eka vana va Israyele u yi nyikela hikwalaho ka ntirho wa ntsonga wa nhlangano,+ leswaku hakunene yi va xitsundzuxo xa vana va Israyele emahlweni ka Yehovha, leswaku mimoya-xiviri ya n’wina yi rivaleriwa.” 17  Yehovha a ya emahlweni a vulavula na Muxe a ku: 18  “U fanele u endla xihlambelo+ ni lexi nga ta tshama ehenhla ka xona hi koporo, kutani u fanele u xi veka exikarhi ka ntsonga wa nhlangano ni alitari, u chela mati eka xona.+ 19  Aroni ni vana vakwe va fanele va hlamba mavoko ni milenge eka xona.+ 20  Loko va nghena entsongeni wa nhlangano va ta hlamba hi mati leswaku va nga fi, kumbe loko va tshinela ekusuhi ni alitari va ya tirhela, va ya endla gandzelo leri endliwaka hi ndzilo ri mbulukela Yehovha.+ 21  Va fanele va hlamba mavoko ni milenge leswaku va nga fi,+ kutani xi fanele xi va xileriso xa vona xa hilaha ku nga riki na makumu, eka yena ni vana vakwe eka switukulwana swa vona hinkwaswo.”+ 22  Yehovha a ya emahlweni a vulavula na Muxe a ku: 23  “Loko ku ri wena, titekele swinun’hweriso swo hlawuleka:+ swipimo swa mathonsi lama rhekarhekaka ya mira+ swa 500, ni hafu ya swipimo sweswo swa sinamoni yo tsokombela,+ swipimo swa 250, ni swipimo swa khalamasi+ swa 250, 24  ni swipimo swa khasiya+ swa 500 hi tixikele ta ndhawu yo kwetsima,+ ni mpimo+ wun’we wa hini wa mafurha ya mutlhwari. 25  Kutani u fanele u tirhisa swona ku endla mafurha yo kwetsima ya ku tota, mafurha yo tota, ku pfanganisiwa loku nga ntirho wa muendli wa mafurha.+ Ma ta va mafurha yo kwetsima ya ku tota.+ 26  “U fanele u tota ntsonga wa nhlangano+ ni areka ya vumbhoni ha wona, 27  ni tafula ni swingolongondzwana swa rona hinkwaswo ni xo tlhoma rivoni ni swingolongondzwana swa xona ni alitari ya murhi wa risuna, 28  ni alitari ya gandzelo ro hisiwa ni swingolongondzwana swa yona hinkwaswo ni xihlambelo ni swiangamo swa xona. 29  U fanele u swi hlawulekisa leswaku hakunene swi va swo kwetsima ngopfu.+ Un’wana ni un’wana la swi khumbaka u fanele a va wo kwetsima.+ 30  Kutani u ta tota Aroni+ ni vana+ vakwe, u fanele u va hlawulekisa leswaku va va vaprista va mina.+ 31  “U ta byela vana va Israyele u ku, ‘Lawa ma ta hambeta ma va mafurha ya mina yo kwetsima ya ku tota eswitukulwaneni swa n’wina.+ 32  A ma fanelanga ma chukuchiwa enyameni ya vanhu, naswona hi swiaki swa wona mi nga tshuki mi endla man’wana ma fana na wona. I nchumu wo kwetsima. Ma ta hambeta ma va nchumu wo kwetsima eka n’wina. 33  Un’wana ni un’wana la endlaka mafurha yo fana na wona naswona a chukucha man’wana ya wona eka mufambi, u fanela a dlayiwa eka varikwavo.’”+ 34  Yehovha a ya emahlweni a byela Muxe a ku: “Titekele swinun’hweriso:+ mathonsi ya xiaki xa mira ni onika ni xinun’hweriso xa galibanumi ni murhi wa risuna lowo tenga.+ Swiphemu swa kona swi fanele swi ringana. 35  U fanele u tirhisa swona ku endla murhi wa risuna,+ swi va mpfangano wa mirhi yo nun’hwela, swi va ntirho wa muendli wa mafurha, swi lungiwa hi munyu,+ swi va swo tenga, swi va nchumu wo kwetsima. 36  Swin’wana swa swona u fanele u swi kandza swi va mapa lamanene, kutani u veka swin’wana swa swona emahlweni ka Vumbhoni lebyi nga entsongeni wa nhlangano,+ laha ndzi nga ta tikombisa kona eka wena.+ Swi fanele swi va swo kwetsima ngopfu eka n’wina. 37  Kutani murhi wa risuna lowu mi nga ta wu endla hi mpfangano lowu, mi nga tshuki mi wu endla wu va wa n’wina.+ Wu ta hambeta wu ri nchumu wo kwetsima wa Yehovha.+ 38  Mani na mani la endlaka lowu fanaka na wona leswaku a tiphina hi nun’hwelo wa wona u fanele a dlayiwa eka varikwavo.”+

Tinhlamuselo ta le hansi