Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 3:1-22

3  Muxe a va murisi wa ntlhambi wa Yetro+ lowa muprista wa Midiyani, loyi a a ri mukon’wana wa yena.+ Loko a ri karhi a byisa ntlhambi etlhelo ra vupela-dyambu bya mananga, a hetelela a fike entshaveni ya Xikwembu+ xa ntiyiso, eHorebe.+  Kutani ntsumi ya Yehovha yi humelela eka yena yi ri elangavini ra ndzilo exikarhi ka xihlahla xa mitwa.+ Loko a ri karhi a languta, waswivo, xihlahla xa mitwa a xi pfurha kambe a xi nga tshwi.  Hiloko Muxe a ku: “Inge ndzi hambuka leswaku ndzi ta vona xiendlakalo lexi lexikulu, lexi endlaka leswaku xihlahla xa mitwa xi nga tshwi.”+  Loko Yehovha a vona leswaku u hambukile a ya vona, xikan’we-kan’we Xikwembu xi n’wi vitana xi ri exikarhi ka xihlahla xa mitwa xi ku: “Muxe! Muxe,” yena a ku: “Hi mina loyi.”+  Kutani xi ku: “U nga tshineli laha. Hluvula maphaxani ya wena, hikuva ndhawu leyi u yimeke eka yona i misava+ yo kwetsima.”  A ya emahlweni a ku: “Hi mina Xikwembu xa tata wa wena, Xikwembu xa Abrahama, Xikwembu xa Isaka ni Xikwembu xa Yakobe.”+ Kutani Muxe a tumbeta xikandza xakwe hikuva a a chava ku languta Xikwembu xa ntiyiso.  Yehovha a engeta a ku: “Entiyisweni ndzi vone ku xaniseka ka vanhu va mina lava nga aEgipta, naswona ndzi twe xirilo xa vona hikwalaho ka lava va va sindzisaka ku tirha; hikuva ndza ku tiva swinene ku vava loku va ku twaka.+  Kutani ndza rhelela ndzi ya va kutsula evokweni ra Vaegipta,+ ndzi va humesa etikweni rero ndzi va yisa etikweni lerinene leri pfulekeke, etikweni leri khulukaka ntswamba ni vulombe,+ endhawini ya Vakanana ni Vaheti ni Vaamori ni Vaperezi ni Vahivhi ni Vayebusi.+  Kutani waswivo, xirilo xa vana va Israyele xi fike eka mina, naswona ndzi vone ku tshikileriwa loku Vaegipta va va tshikilelaka ha kona.+ 10  Tana sweswi ndzi ku rhuma eka Faro, kutani wena u humesa vanhu va mina, vana va Israyele aEgipta.”+ 11  Kambe, Muxe a byela Xikwembu xa ntiyiso a ku: “Ndzo va mani mina leswaku ndzi nga ya eka Faro nileswaku ndzi ya humesa vana va Israyele aEgipta?”+ 12  Hiloko xi ku: “Hikuva ndzi ta va na wena,+ naswona hi lexi xikombiso xa wena xa leswaku hi mina ndzi ku rhumeke:+ Endzhaku ka loko u humese vanhu lava aEgipta, n’wina mi ta tirhela Xikwembu xa ntiyiso entshaveni+ leyi.” 13  Hambiswiritano Muxe a byela Xikwembu xa ntiyiso a ku: “A hi nge, ndzi fika eka vana va Israyele ndzi va byela ndzi ku: ‘Xikwembu xa vatata wa n’wina xi ndzi rhume eka n’wina,’ kutani va ku eka mina, ‘I mani vito ra xona?’+ Ndzi ta ku yini eka vona?” 14  Hiloko Xikwembu xi byela Muxe xi ku: “NDZI TA TIKOMBISA NDZI RI LEXI NDZI NGA TA TIKOMBISA NDZI RI XONA.”+ Kutani xi engeta xi ku: “U ta byela vana va Israyele u ku, ‘NDZI TA TIKOMBISA  u ndzi rhume eka n’wina.’”+ 15  Kutani Xikwembu xi tlhela xi ku eka Muxe: “U ta byela vana va Israyele u ku, ‘Yehovha Xikwembu xa vatata wa n’wina, Xikwembu xa Abrahama,+ Xikwembu xa Isaka+ ni Xikwembu xa Yakobe+ u ndzi rhume eka n’wina.’ Leri i vito ra mina ra hilaha ku nga riki na makumu,+ naswona lexi i xitsundzuxo xa mina ku suka eka xitukulwana xin’wana ku ya eka xitukulwana+ xin’wana. 16  Famba, kutani u hlengeleta vakulukumba va Israyele u va byela u ku, ‘Yehovha Xikwembu xa vatata wa n’wina u humelele eka mina,+ Xikwembu xa Abrahama, Isaka na Yakobe, a ku: “Kunene ndzi ta nyikela nyingiso+ eka n’wina ni leswi mi endliwaka swona aEgipta. 17  Kutani ndzi ri, ndzi ta mi humesa eku xanisiweni+ hi Vaegipta ndzi mi yisa etikweni ra Vakanana ni Vaheti ni Vaamori+ ni Vaperezi ni Vahivhi ni Vayebusi,+ etikweni leri khulukaka ntswamba ni vulombe.’”+ 18  “Kunene va ta yingisa rito+ ra wena, naswona wena ni vakulukumba va Israyele mi ta ya eka hosi ya Egipta, kutani n’wina mi ta yi byela mi ku, ‘Yehovha Xikwembu xa Vaheveru+ xi tihlanganise na hina,+ kutani hi kombela ku teka riendzo ra masiku manharhu hi ya emananga, hi lava ku ya endlela Yehovha Xikwembu+ xa hina xitlhavelo.’ 19  Mina ndzi swi tiva kahle leswaku hosi ya Egipta a yi nge mi nyiki mpfumelelo wa leswaku mi famba handle ka loko yi sindzisiwa hi voko+ ra matimba. 20  Ndzi ta boheka ku tshambuluta voko+ ra mina ndzi ba Egipta hi swiendlo swa mina hinkwaswo swo hlamarisa leswi ndzi nga ta swi endla exikarhi ka rona; endzhaku ka sweswo yi ta mi tshika mi famba.+ 21  Vanhu lava ndzi ta va komba tintswalo ematihlweni ya Vaegipta; kunene loko mi famba, a mi nge fambi mi nga khomanga nchumu.+ 22  Wansati un’wana ni un’wana u ta kombela swilo swa silivhere ni swilo swa nsuku ni minkhancu, eka muakelani wakwe ni le ka wansati loyi a luveleke endlwini ya yena, kutani mi ta swi vehela eka vana va n’wina va majaha ni va vanhwanyana; mi fanele mi tekela Vaegipta+ swilo swa vona.”

Tinhlamuselo ta le hansi