Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 29:1-46

29  “Kutani leswi u nga ta va endla swona leswaku u va hlawulekisa va va vaprista va mina hi leswi: Teka nkunzi leyitsongo, makhuna+ mambirhi, leswi hanyeke kahle,+  ni xinkwa lexo-ke-comela ni swimbundzwa leswo-ke-comela leswi tsakamisiweke hi mafurha, ni swiphampha leswo-ke-comela leswi totiweke mafurha.+ U ta swi endla hi mapa lamanene ya koroni.  U fanele u swi veka exirhundzwini naswona u swi nyikela swi ri exirhundzwini,+ swin’we ni nkunzi ni makhuna mambirhi.  “U ta tisa Aroni ni vana vakwe enyangweni+ ya ntsonga wa nhlangano, u fanele u va hlambisa hi mati.+  Kutani u fanele u teka tinguvu+ u ambexa Aroni nguvu yo leha ni nguvu yo pfumala mavoko ya efodi ni efodi ni xinkwamana xa le xifuveni, u fanele u n’wi tsimba yona hi vamba ra efodi.+  U fanele u veka xifunengeto xa nhloko enhlokweni yakwe naswona u veka mfungho wo kwetsima wa ku tinyiketela eka xifunengeto xa nhloko.+  U fanele u teka mafurha+ ya ku tota u ma chela ehenhla ka nhloko yakwe u n’wi tota.+  “Kutani u ta tshineta vana vakwe naswona u fanele u va ambexa tinguvu to leha.+  U fanele u va khama hi minceka, Aroni swin’we ni vana vakwe, naswona u fanele u va tsondzela hi xo tsondzela nhloko; kutani vuprista byi ta va bya vona, byi va nawu wa hilaha ku nga riki na makumu.+ Hikwalaho u fanele u tata voko ra Aroni ni voko ra vana vakwe hi matimba.+ 10  “Kutani sweswi u fanele u tisa nkunzi emahlweni ka ntsonga wa nhlangano, Aroni ni vana vakwe va fanele va tlhandleka mavoko enhlokweni+ ya nkunzi. 11  U fanele u tlhava nkunzi emahlweni ka Yehovha, enyangweni ya ntsonga wa nhlangano.+ 12  Kutani u fanele u teka ngati+ yin’wana ya nkunzi u yi tota hi ritiho ehenhla ka timhondzo ta alitari,+ ngati leyin’wana hinkwayo u ta yi chululela etshakwini ra alitari.+ 13  U fanele u teka mafurha+ hinkwawo lama funengeteke marhumbu,+ ni xilekhelekhe ehenhla ka xivindzi,+ ni tinso timbirhi ni mafurha lama nga eka tona, u fanele u swi mbulukisa ehenhla ka alitari.+ 14  Kambe nyama ya nkunzi ni dzovo ra yona ni vulongo bya yona u ta swi hisa hi ndzilo ehandle ka nxaxa.+ I gandzelo ra xidyoho. 15  “Kutani u ta teka khuna+ rin’we, Aroni ni vana vakwe va fanele va tlhandleka mavoko enhlokweni ya khuna.+ 16  U fanele u tlhava khuna kutani u teka ngati ya rona u yi xuva u rhendzela alitari.+ 17  U ta tsemelela khuna hi swiphemu swa rona, kutani u ta hlantswa marhumbu+ ya rona ni manqina ya rona, u tlhandleka swiphemu swa rona hi ku landzelelana ka swona ku ya fika enhlokweni ya rona. 18  U fanele u mbulukisa khuna hinkwaro ehenhla ka alitari. I gandzelo+ ro hisiwa ra Yehovha, nun’hwelo+ lowu phyuphyisaka. I gandzelo leri endleriweke Yehovha hi ndzilo. 19  “Kutani u fanele u teka khuna lerin’wana, Aroni ni vana vakwe va fanele va tlhandleka mavoko enhlokweni+ ya khuna. 20  U fanele u tlhava khuna kutani u teka ngati yin’wana ya rona u yi tota emakumu ka ndleve ya xinene ya Aroni, ni le makumu ka tindleve ta xinene ta vana vakwe ni le khundzwini ra voko ra vona ra xinene ni le xikunwaneni lexikulu xa nenge+ wa vona wa xinene, naswona u fanele u xuva ngati u rhendzela alitari. 21  U fanele u teka ngati yin’wana leyi nga ehenhla ka alitari ni mafurha man’wana yo tota,+ kutani u ta xuva Aroni ni tinguvu takwe ni vana vakwe ni tinguvu ta vana vakwe, leswaku yena ni tinguvu takwe ni tinguvu ta vana vakwe lava a nga na vona swi ta va swo kwetsima+ hakunene. 22  “Kutani eka khuna u fanele u teka mafurha ni ncila wo nona+ ni mafurha lama funengetaka marhumbu, ni xilekhelekhe xa xivindzi, ni tinso timbirhi ni mafurha lama nga eka tona, ni nenge+ wa xinene, hikuva i khuna ro vekiwa;+ 23  swin’we ni xinkwa xa xirhendzevutana ni ximbundzwa lexi totiweke mafurha xo fana ni swingwavila ni xiphampha, leswi humaka exirhundzwini xa swinkwa leswo-ke-comela, leswi nga emahlweni ka Yehovha.+ 24  Hinkwaswo u fanele u swi veka eswandleni swa Aroni ni le swandleni swa vana+ vakwe, kutani u fanele u swi ndziwita swi va gandzelo leri ndziwitiwaka emahlweni ka Yehovha.+ 25  U fanele u swi teka emavokweni ya vona kutani u swi mbulukisa ealitarini ehenhla ka gandzelo ro hisiwa swi va nun’hwelo lowu phyuphyisaka emahlweni ka Yehovha.+ I gandzelo leri endliweke hi ndzilo eka Yehovha.+ 26  “U fanele u teka xifuva xa khuna ro vekiwa+ leri nga ra Aroni, u xi ndziwita xi va gandzelo leri ndziwitiwaka emahlweni ka Yehovha, kutani xi fanele xi va xiphemu xa wena. 27  U fanele u hlawulekisa xifuva+ xa gandzelo leri ndziwitiwaka ni nenge wa xiphemu xo hlawuleka lexi ndziwitiweke ni lexi nyikeriweke xi huma eka khuna ro vekiwa,+ eka leswi a swi ri swa Aroni ni le ka leswi a swi ri swa vana vakwe. 28  Kutani swi fanele swi va swa Aroni ni swa vana vakwe hi xileriso xa hilaha ku nga riki na makumu lexi nga ta endliwa hi vana va Israyele, hikuva i xiphemu+ xo hlawuleka; naswona xi ta va xiphemu xo hlawuleka lexi nga ta nyikeriwa hi vana va Israyele. I xiphemu xa vona xo hlawuleka xa Yehovha lexi humaka eswitlhavelweni+ swa vona swa xinakulobye. 29  “Tinguvu to kwetsima+ leti nga ta Aroni ti ta tirha eka vana+ vakwe lava nga ta ta endzhaku ka yena, leswaku va totiwa+ va ti ambarile naswona ti tata voko ra vona+ hi matimba va ti ambarile. 30  Muprista la nga ta n’wi tlhandlama exikarhi ka vana vakwe ni loyi a nghenaka entsongeni wa nhlangano leswaku a ta tirhela endhawini yo kwetsima, u ta ti ambala masiku+ ya nkombo. 31  “U ta teka khuna ro vekiwa kutani u fanele u sweka nyama ya rona endhawini yo kwetsima.+ 32  Aroni ni vana vakwe va fanele va dya+ nyama ya khuna ni xinkwa lexi nga exirhundzwini enyangweni ya ntsonga wa nhlangano. 33  Va fanele va dya swilo leswi tirhisiweke ku kombela ku rivaleriwa, leswaku voko ra vona ri tatiwa matimba, leswaku va ta hlawulekisiwa.+ Kambe mufambi a nge swi dyi, hikuva i nchumu wo kwetsima.+ 34  Loko nyama ya gandzelo ro vekiwa ni xinkwa swo sala ku fikela nimixo, leswi siyiweke u fanele u swi hisa hi ndzilo.+ A swi fanelanga swi dyiwa, hikuva i nchumu wo kwetsima. 35  “U fanele u endla hi ndlela leyi eka Aroni ni vana vakwe hi ku landza hinkwaswo leswi ndzi ku leriseke swona.+ U ta teka masiku ya nkombo ku tata voko ra vona hi matimba.+ 36  Siku ni siku u ta humesa nkunzi ya gandzelo ra xidyoho ri va ra ku kombela ku rivaleriwa,+ naswona u fanele u tengisa alitari exidyohweni hi ku kombela ku rivaleriwa ehenhla ka yona, kutani u fanele u yi tota+ u yi hlawulekisa. 37  U ta teka masiku ya nkombo u kombela ku rivaleriwa ehenhla ka alitari, naswona u fanele u yi hlawulekisa+ leswaku hakunene yi ta va alitari+ yo kwetsima ngopfu. Mani na mani la khumbaka alitari u fanele a va wo kwetsima.+ 38  “Leswi u nga ta swi humesa ehenhla ka alitari hi leswi: makhuna lamatsongo ha rin’we ri ri ni lembe hi vukhale, mambirhi hi siku nkarhi hinkwawo.+ 39  U ta humesa khuna rin’we leritsongo nimixo,+ kutani u ta humesa khuna rin’wana leritsongo exikarhi ka madyambu+ mambirhi. 40  Xiphemu xa vukhume xa mpimo wa efa ya mapa lamanene, lama tsakamisiweke hi xiphemu xa vumune+ xa mpimo wa hini wa mafurha lama khuvutiweke, ni gandzelo ra swakunwa+ ra xiphemu xa vumune xa mpimo wa hini wa vhinyo, swi ta fambisana ni khuna leritsongo ro sungula. 41  Kutani u ta humesa khuna leritsongo ra vumbirhi exikarhi ka madyambu mambirhi. U ta ri nyikela ri ri ni gandzelo ra mavele+ leri fanaka ni ra nimixo swin’we ni gandzelo ra swakunwa leri fanaka ni ra nimixo, u ta ri nyikela ri va nun’hwelo lowu phyuphyisaka, gandzelo leri endliweke hi ndzilo eka Yehovha. 42  I gandzelo ro hisiwa ra nkarhi hinkwawo+ eka switukulwana swa n’wina, enyangweni ya ntsonga wa nhlangano emahlweni ka Yehovha, laha ndzi nga ta humelela eka n’wina leswaku ndzi vulavula na n’wina kona.+ 43  “Kutani ndzi ta tikombisa kona eka vana va Israyele, kunene yi ta hlawulekisiwa hi ku vangama+ ka mina. 44  Ndzi ta hlawulekisa ntsonga wa nhlangano ni alitari; naswona ndzi ta hlawulekisa+ Aroni ni vana vakwe leswaku va va vaprista va mina. 45  Kutani ndzi ta tshama exikarhi ka vana va Israyele, ndzi ta va Xikwembu+ xa vona. 46  Kunene va ta tiva leswaku hi mina Yehovha Xikwembu xa vona, loyi a va humeseke etikweni ra Egipta, leswaku ndzi ta tshama exikarhi ka vona.+ Hi mina Yehovha Xikwembu+ xa vona.

Tinhlamuselo ta le hansi