Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 26:1-37

26  “Tabernakela u ta yi endla hi malapi+ ya ntsonga ya khume, ya ntsembyana wa risima ni harani ya wasi leyi lukiweke, ni voya lebyi pendiweke byi va bya xivunguvungu ni nguvu+ ya ribungwana. U ta ma endla ma va ni makerubu,+ ma va ntirho wa mukhavisi.  Ku leha ka lapi rin’wana ni rin’wana ra ntsonga i swisungunu swa 28 kasi ku anama ka lapi rin’wana ni rin’wana ra ntsonga i swisungunu swa mune. Malapi+ hinkwawo ya ntsonga ma ni mpimo wun’we.  Malapi ya ntsonga ya ntlhanu ma ta tlhandlamana, rin’wana ri hlanganisiwe ni rin’wana, ni malapi ya ntsonga ya ntlhanu ma ta tlhandlamana rin’wana ri hlanganisiwe ni rin’wana.+  U fanele u endla swihulelo hi harani ya wasi ematlhelo ya lapi rin’we ra ntsonga emakumu ka ntlhandlamano; u ta endla hilaha ku fanaka ematlhelo ya lapi ra le handle ra ntsonga emahlanganweni+ laman’wana.  Lapi rin’we ra ntsonga u ta ri endlela swihulelo swa 50, naswona u ta endla swihulelo swa 50 emakumu ka lapi ra ntsonga leri nga emahlanganweni laman’wana, swihulelo swi langutana ni leswin’wana.+  U ta endla swiove swa 50 hi nsuku kutani u hlanganisa lapi ra ntsonga ni lerin’wana hi swiove, swi fanele swi va tabernakela+ yin’we.  “U fanele u endla malapi hi voya bya mbuti+ ma va xifunengeto ehenhla ka tabernakela. U ta endla malapi ya ntsonga ya 11.  Ku leha ka lapi ra ntsonga ha rin’we i swisungunu+ swa 30 kasi ku anama ka lapi ra ntsonga ha rin’we i swisungunu swa mune. Malapi ya ntsonga ya 11 ma ni mpimo wun’we.  U fanele u hlanganisa malapi ya ntsonga ya ntlhanu ma ri woxe ni malapi ya ntsonga ya tsevu ma ri woxe,+ lapi ra ntsonga ra vutsevu u ta ri petsa kambirhi etlhelo ra le mahlweni ra ntsonga. 10  U fanele u endla swihulelo swa 50 emakumu ya lapi rin’we ra ntsonga, leri nga ra le handle eka ntlhandlamano, ni swihulelo swa 50 emakumu ya lapi ra ntsonga emahlanganweni laman’wana. 11  U fanele u endla swiove swa 50 hi koporo,+ u hulela swiove eka swihulelo naswona u hlanganisa ntsonga kutani wu va nchumu wun’we.+ 12  Leswi salaka eka malapi ya ntsonga i xincikinyo. Hafu ya lapi ra ntsonga leri seleke ri ta lenga endzhaku ka tabernakela. 13  Kutani leswi salaka eka ku leha ka malapi ya ntsonga swi ta va swincikinyo ematlhelo ya tabernakela, xisungunu eka tlhelo leri ni xisungunu eka tlhelo lerin’wana, leswaku swi yi funengeta etlhelweni leri ni le tlhelweni lerin’wanyana. 14  “U fanele u endla xifunengeto xa ntsonga hi madzovo ya makhuna lama pendiweke ma va yo tshwuka, ni xifunengeto xa le henhla hi madzovo ya tintini. 15  “U fanele u endla marimba+ ya tabernakela hi ntsandza wa munga, u ma yimisa. 16  Ku leha ka rimba rin’wana ni rin’wana ku va swisungunu swa khume, kasi ku anama ka rimba ku va xisungunu ni hafu. 17  Rimba rin’wana ni rin’wana ri ni mahlangano mambirhi lama hlanganisiweke swin’we. Hi yona ndlela leyi u nga ta endla marimba hinkwawo ya tabernakela ha yona. 18  U fanele u endla marimba ya tabernakela, marimba ya 20 ma va ya tlhelo ra Negebu, ku ya edzongeni. 19  “Kutani u ta endla minkotloto+ ya 40 hi silivhere ehansi ka marimba ya 20; minkotloto yimbirhi yi va ehansi ka rimba rin’we ni mahlangano ya rona mambirhi, kasi minkotloto yimbirhi yi va ehansi ka rimba lerin’wana ni mahlangano ya rona mambirhi. 20  Etlhelweni lerin’wana ra tabernakela, tlhelo ra n’walungu, u ta endla marimba+ ya 20, 21  ni minkotloto ya wona ya 40 hi silivhere, minkotloto yimbirhi yi va ehansi ka rimba+ rin’we kasi minkotloto yimbirhi yi va ehansi ka rimba lerin’wana. 22  Ematlhelweni ya le ndzhaku ka tabernakela ku ya evupela-dyambu u ta endla marimba ya tsevu.+ 23  U ta endla marimba mambirhi ma va tinsika ta le yinhleni ta tabernakela+ ematlhelweni ya yona ya le ndzhaku. 24  Matshaku ya wona ma ta fana, naswona hamambirhi ma ta fana ku ya fika ehenhla ka rin’wana ni rin’wana exingwavileni xo sungula. Ma fanele ma va tano hamambirhi ka wona. Ma ta va tinsika timbirhi ta le yinhleni. 25  Ku fanele ku va ni marimba ya nhungu ni minkotloto ya wona ya silivhere, minkotloto ya 16, minkotloto yimbirhi yi va ehansi ka rimba rin’we kasi minkotloto yimbirhi yi va ehansi ka rimba lerin’wana. 26  “Kutani u fanele u endla swigogo hi ntsandza wa munga,+ ntlhanu swi va swa marimba ya tlhelo rin’we ra tabernakela, 27  ni ntlhanu wa swigogo swi va swa marimba ya tlhelo lerin’wana ra tabernakela, ni ntlhanu wa swigogo swi va swa marimba ya tlhelo ra tabernakela ra swiphemu swimbirhi swa le ndzhaku ku ya evupela-dyambu.+ 28  Xigogo xa le xikarhi exikarhi ka marimba xi hingakanya xi suka emakumu man’wana xi ya emakumu laman’wanyana. 29  “Kutani u ta nameka nsuku+ emarimbeni, naswona swingwavila swa wona u ta swi endla hi nsuku swi va swiseketelo swa swigogo; swigogo u ta swi nameka nsuku. 30  U fanele u yimisa tabernakela hi ku ya hi pulani ya yona leyi u kombiweke yona entshaveni.+ 31  “Kutani u fanele u endla nguvu leyi sirhelelaka+ hi harani ya wasi ni voya lebyi pendiweke byi va bya xivunguvungu ni nguvu ya ribungwana ni ntsembyana wo vevuka lowu lukiweke. U ta ri endla ri va ni makerubu,+ wu va ntirho wa mukhavisi. 32  U fanele u ri veka ehenhla ka tiphuphu ta mune ta munga leti namekiweke nsuku. Timhingu ta wona ti endliwa hi nsuku. Ti va ehenhla ka minkotloto ya mune ya silivhere. 33  U fanele u hayeka nguvu leyi sirhelelaka eka swiove kutani u tisa areka ya vumbhoni+ kwalaho endzeni ka nguvu leyi sirhelelaka; nguvu leyi sirhelelaka yi ta mi hambanisela exikarhi ka Ndhawu yo Kwetsima+ ni Ndhawu yo Kwetsima Ngopfu.+ 34  Kutani u fanele u veka xifunengeto ehenhla ka areka ya vumbhoni eNdhawini yo Kwetsima Ngopfu. 35  “U fanele u veka tafula ehandle ka nguvu leyi sirhelelaka, ni xo tlhoma rivoni+ xi langutana ni tafula etlhelo ra le dzongeni ra tabernakela; tafula u ta ri veka etlhelo ra n’walungu. 36  U fanele u endla xiavanyiso+ xi va xa nyangwa ya ntsonga, u xi endla hi harani ya wasi ni voya lebyi pendiweke byi va bya xivunguvungu, ni nguvu ya ribungwana ni ntsembyana wo vevuka lowu lukiweke, wu va ntirho wa muluki. 37  U fanele u endla tiphuphu ta ntlhanu hi munga ti va ta xiavanyiso, kutani u ti nameka nsuku. Timhingu ta tona ti endliwa hi nsuku. U fanele u ti vumbela minkotloto ya ntlhanu hi koporo.

Tinhlamuselo ta le hansi