Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 22:1-31

22  “Loko munhu o tshuka a yiva nkunzi kumbe nyimpfu kutani a yi dlaya kumbe a yi xavisa, u ta riha nkunzi hi ntlhanu wa tona entlhambini wa tihomu ni nyimpfu hi mune wa tona entlhambini wa tinyimpfu.+  (“Loko khamba+ ro kumeka ri ri karhi ri tshova+ ri yiva kutani ri biwa ri fa, a ku na nandzu wa ngati hikwalaho ka rona.+  Loko ro tlhaveriwa hi dyambu, nandzu wa ngati wu kona eka rona.) “Hakunene ri ta riha. Loko ri nga ri na nchumu, ri ta xavisiwa hikwalaho ka swilo leswi ri swi yiveke.+  Loko hakunene leswi yiviweke swo kumeka evokweni ra rona swa ha hanya, ku sukela eka nkunzi ku ya eka mbhongolo ni nyimpfu, ri ta riha swi andzisiwe kambirhi.  “Loko munhu a dyiseta ensin’wini kumbe ensin’wini ya vhinya naswona a tshika swifuwo swakwe swa ndzhwalo kutani swi heta nsimu yin’wana, u ta riha+ hi leswinene swa nsimu yakwe kumbe hi leswinene swa nsimu yakwe ya vhinya.  “Loko ndzilo wo tshuka wu hangalaka kutani wu lumeka mitwa, ivi wu hisa+ tinyandza kumbe mahlanga ya koroni kumbe nsimu, hakunene loyi a lumekeke ndzilo u ta riha leswi hisiweke.  “Loko munhu o tshuka a nyika munhu-kulobye mali kumbe swilo leswaku a swi hlayisa,+ kutani swi yiviwa endlwini ya munhu yoloye, loko khamba ro kumeka, ri ta riha+ swi andzisiwe kambirhi.  Loko khamba ri nga kumeki, n’wini wa yindlu u ta tshinetiwa ekusuhi ni Xikwembu+ xa ntiyiso ku vona loko a nga yi tekanga nhundzu ya munhu-kulobye.  Malunghana ni mhaka yin’wana ni yin’wana ya ku tlula nawu,+ leyi khumbaka nkunzi, mbhongolo, nyimpfu, nguvu, ni xin’wana ni xin’wana lexi lahlekeke, lexi a nga vulaka a ku, ‘Lexi hi xona,’ mhaka ya vona havambirhi yi ta tisiwa eka Xikwembu xa ntiyiso.+ Loyi Xikwembu xi nga ta vula leswaku u hombolokile, u ta riha munhu-kulobye+ swi andzisiwe kambirhi. 10  “Loko munhu o tshuka a nyika munhu-kulobye mbhongolo kumbe nkunzi kumbe nyimpfu kumbe xifuwo xihi ni xihi leswaku a swi hlayisa, kutani xi fa kumbe xi lamala kumbe xi tekiwa xi nga voniwanga hi munhu, 11  havumbirhi bya vona va ta hlambanya+ hi Yehovha leswaku un’wana a nga tekanga nhundzu ya munhu-kulobye;+ n’wini wa swona u ta swi amukela kutani loyi un’wana a nge rihi. 12  Kambe loko entiyisweni swi yiviwe eka yena, u ta riha n’wini+ wa swona. 13  Loko entiyisweni xi handzuleriwe hi xivandzana,+ u ta xi tisa xi va vumbhoni.+ Nchumu lowu handzuleriweke hi xivandzana a nge wu rihi. 14  “Kambe loko munhu o tshuka a lomba xo karhi eka munhu-kulobye,+ kutani xi lamala kumbe xi fa loko xi nga ri eka n’wini wa xona, hakunene+ u ta riha. 15  Loko xi ri ni n’wini wa xona, a nge rihi. Loko xi lombiwile, ndziho wu ta huma emalini ya ku lombiwa ka xona. 16  “Kutani loko munhu o tshuka a kanganyisa nhwana la nga si tshembisiwaka, ivi a etlela na yena,+ hakunene u ta n’wi teka a va nsati wa yena hi ndzovolo.+ 17  Loko tata wakwe a ala hi ku helela ku n’wi nyika yena, u ta hakela mali hi xiringaniso xa mali yo lovola vanhwana.+ 18  “U nga tshuki u londzovota noyi wa xisati a hanya.+ 19  “Un’wana ni un’wana la etlelaka ni xiharhi, hakunene u ta dlayiwa.+ 20  “Loyi a endlelaka swikwembu swin’wana switlhavelo handle ka Yehovha a ri yexe, u ta lovisiwa.+ 21  “U nga tshuki u khoma muluveri hi tihanyi kumbe u n’wi tshikilela,+ hikuva n’wina mi ve valuveri etikweni ra Egipta.+ 22  “Mi nga tshuki mi xanisa noni yihi ni yihi kumbe n’wana+ la nga riki na tatana. 23  Loko mo tshuka mi n’wi xanisile, kutani a huwelela eka mina, hakunene ndzi ta twa xirilo+ xa yena; 24  kunene ku hlundzuka ka mina ku ta va kukulu,+ kunene ndzi ta mi dlaya hi banga, kutani vavasati va n’wina va ta va tinoni ni vana va n’wina va ta va vana+ lava nga riki na vatatana. 25  “Loko u lombisa mali eka vanhu va mina, eka loyi a xanisekaka ekusuhi na wena,+ u nga tshuki u fana ni mudyeleri eka yena. Mi nga tshuki mi lava ntswalo eka yena.+ 26  “Loko wo teka nguvu ya munhu-kuloni yi va xitiyisekiso xa nandzu,+ u ta yi tlherisela eka yena loko dyambu ri pela. 27  Hikuva hi yona ntsena nguvu+ leyi a nga na yona. I nkhancu wa nhlonge ya yena. Xana u ta etlela hi yini? Loko a huwelela eka mina, kunene ndzi ta yingisa, hikuva ndzi ni nsovo.+ 28  “U nga tshuki u rhuketela Xikwembu+ kumbe u rhukana ndhuna exikarhi ka vanhu+ varikwenu. 29  “Ntshovelo wa wena lowukulu ni ku khapakhapa ka xikamelo xa wena u nga tshuki u swi nyika u ri karhi u kanakana.+ U ta ndzi nyika+ mativula ya vana va wena va majaha. 30  Ndlela leyi u nga ta endla ha yona hi nkunzi ya wena ni nyimpfu ya wena hi leyi:+ Swi ta hambeta swi ri ni mana+ wa swona masiku ya nkombo. Hi siku ra vunhungu u ta ndzi nyika swona. 31  “N’wina mi ta tikombisa mi ri vanhu lava kwetsimaka eka mina;+ mi nga tshuki mi dya nyama enhoveni, hileswaku nchumu lowu handzuleriweke hi xivandzana.+ Mi ta yi lahlela etimbyaneni.+

Tinhlamuselo ta le hansi