Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 21:1-36

21  Leswi i swiboho swa vuavanyisi leswi u nga ta swi veka emahlweni ka vona:+  “Loko wo tshuka u xava hlonga+ ra Muheveru, ri ta va hlonga malembe ya tsevu, kambe hi lembe ra vunkombo ri ta huma ri ntshunxekile, ri nga rihanga+ nchumu.  Loko ri fike ri ri roxe, ri ta huma ri ri roxe. Loko ri ri ni nsati, nsati wa rona u ta huma na rona.  Loko n’wini wa rona a ri nyika nsati kutani yena a ri tswalela vana va majaha kumbe va vanhwanyana, nsati ni vana va ta va va n’wini+ wa rona, rona ri ta huma ri ri roxe.+  Kambe loko hlonga ro vula hi ku sindzisa ri ku, ‘Entiyisweni ndzi rhandza n’wini wanga, nsati wanga ni vana vanga; a ndzi lavi ku huma ndzi ntshunxekile,’+  n’wini wa rona u ta ri tshineta ekusuhi ni Xikwembu xa ntiyiso naswona u ta ri yimisa ri khegetela nyangwa kumbe rimba ra nyangwa; n’wini wa rona u ta ri boxa ndleve hi risungunu, kutani ri ta va hlonga ra yena hilaha ku nga riki na makumu.+  “Loko munhu o tshuka a xavisa n’wana wa yena wa nhwanyana+ a va hlonga, a nge humi kukota leswi hlonga ra xinuna ri humisaka xiswona.  Loko a nga tsakisi ematihlweni ya n’wini wakwe lerova a nga n’wi hlawuli a va nsati lontsongo+ kambe a n’wi ntshunxa, a nge pfumeleriwi ku n’wi xavisela vanhu vambe hikwalaho ka leswi a n’wi xengeke.  Kutani loko o n’wi hlawulela n’wana wakwe wa jaha, u ta endla hi ku ya hi mfanelo leyi faneleke vanhwanyana.+ 10  Loko o teka nsati un’wana, leswi a ti hanyisaka ha swona ni swiambalo+ swa yena ni mfanelo ya yena ya vukati+ swi nga hungutiwi. 11  Loko yena a nga n’wi endleli swilo leswi swinharhu, yena u ta huma mahala, a nga hakeli mali. 12  “Loyi a nga ta ba munhu lerova a fa, hakunene u ta dlayiwa.+ 13  Kambe loko munhu a nga tumbelelanga naswona Xikwembu xa ntiyiso xi swi pfumelele hi voko+ ra yena, ndzi ta mi lunghisela ndhawu leyi a nga balekelaka+ eka yona. 14  Loko munhu o tshuka a karihela munhu-kulobye a kala a n’wi dlaya hi mano,+ hambiloko a ri ealitarini ya mina u ta n’wi teka kona leswaku a fa.+ 15  Loyi a baka tata wakwe ni mana wakwe, hakunene u ta dlayiwa.+ 16  “Loyi a tlhakisaka munhu+ ni loyi kunene a n’wi xavisaka+ kumbe loyi a nga ta kumeka evokweni rakwe, hakunene u ta dlayiwa.+ 17  “Loyi a rhukanaka tata wakwe ni mana wakwe, hakunene u ta dlayiwa.+ 18  “Loko vanhu vo tshuka va holovisana kutani munhu a ba munhu-kulobye hi ribye kumbe hi xikomu a nga fi kambe a boheka ku tshama esangwini rakwe; 19  loko o suka a yima a famba-famba ehandle hi nxongotelo wakwe, loyi a n’wi beke u ta pona ku xupuriwa; ntsena u ta riha nkarhi wa ntirho wa yoloye lowu lahlekeke kukondza a hola hilaha ku heleleke. 20  “Loko munhu o tshuka a ba+ hlonga rakwe ra xinuna kumbe ra xisati hi nhonga kutani ri fela evokweni ra yena, hakunene rona ri ta rihiwa.+ 21  Kambe loko ro hanya siku rin’we kumbe masiku mambirhi, a ri nge rihiwi hikuva i mali ya yena. 22  “Loko vanhu vo tshuka va lwa kutani va vavisa wansati la tikeke naswona vana+ vakwe va huma kambe ku nga humeleli khombo, hakunene yena u ta rihiwa ku onhakeriwa hi ku ya hilaha n’wini wa wansati a nga ta n’wi rihisa hakona; u ta wu humesa eka vaavanyisi.+ 23  Kambe loko ko humelela khombo a fa, u ta humesa moya-xiviri hi moya-xiviri,+ 24  tihlo hi tihlo, tino hi tino, voko hi voko, nenge hi nenge,+ 25  ku hisiwa hi ku hisiwa, mbanga hi mbanga, xibakele hi xibakele.+ 26  “Loko munhu o tshuka a ba tihlo ra hlonga rakwe ra xinuna kumbe tihlo ra hlonga rakwe ra xisati, hakunene a ri onha, u ta ri tshika ri famba ri ntshunxekile a riha tihlo+ ra rona. 27  Loko ko va tino ra hlonga ra yena ra xinuna kumbe tino ra hlonga ra yena ra xisati leri a ri guleke, u ta ri tshika ri famba ri ntshunxekile a riha tino ra rona. 28  “Loko nkunzi yo tshuka yi tlhava wanuna kumbe wansati kutani yoloye a fa, hakunene nkunzi yoleyo yi ta khandliwa hi maribye,+ kambe nyama ya yona a yi nge dyiwi; n’wini wa nkunzi a nge xupuriwi. 29  Kambe loko eku sunguleni nkunzi yoleyo a yi tala ku tlhava naswona n’wini wa yona a a lemukisiwile kambe a nga yi rindzi, ivi yi dlaya wanuna kumbe wansati, nkunzi yoleyo yi ta khandliwa hi maribye ni n’wini wa yona u ta dlayiwa. 30  Loko o sindzisiwa ku humesa nkutsulo, u ta humesa hakelo ya nkutsulo wa moya-xiviri wa yena hi ku ya hi leswi a nga ta sindzisiwa swona.+ 31  Ku nga khathariseki leswaku yi tlhave n’wana wa jaha kumbe yi tlhave n’wana wa nhwanyana, u ta endliwa hi ku ya hi xiboho lexi xa vuavanyisi.+ 32  Loko nkunzi yi tlhave hlonga ra xinuna kumbe ra xisati, yena u ta humesa mali leyi ringanaka tixikele+ ta 30 a yi nyika n’wini wa rona, kambe nkunzi yi ta khandliwa hi maribye. 33  “Loko munhu o tshuka a pfula mugodi, kumbe munhu o tshuka a cela mugodi a nga wu seleteli, kutani nkunzi kumbe mbhongolo yi wela eka wona,+ 34  n’wini wa mugodi u ta riha.+ Mali yi ta tlhelela eka n’wini wa xona, kutani xifuwo lexi feke xi ta va xa yena. 35  Loko nkunzi yo tshuka yi vavisa nkunzi ya munhu-kulobye kutani yi fa, va ta xavisa nkunzi leyi hanyaka ivi va avelana mali leyi yi xaviweke ha yona; va ta avelana+ ni leyi feke. 36  Kumbe loko a swi tiviwa leswaku nkunzi a yi ri ni ntolovelo wa ku tlhava eku sunguleni kambe n’wini wa yona a nga yi rindzi,+ hakunene u ta riha+ nkunzi hi nkunzi, kutani leyi yi feke yi ta va ya yena.

Tinhlamuselo ta le hansi