Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 18:1-27

18  Kutani Yetro muprista wa le Midiyani, mukon’wana+ wa Muxe a twa hinkwaswo leswi Xikwembu xi swi endleleke Muxe ni vanhu vakwe va Israyele, hilaha Yehovha a humeseke Israyele aEgipta+ hakona.  Hiloko Yetro, mukon’wana wa Muxe a teka Zipora nsati wa Muxe endzhaku ka loko yena a n’wi tshike a famba,  ni vana+ va yena vambirhi, vito ra un’wana a ku ri Gerixomu,+ “hikuva,” u te, “ndzi ve muluveri etikweni rimbe”;  vito ra un’wanyana a ku ri Eliyezere,+ “hikuva,” hi ku vula kakwe, “Xikwembu xa tatana i mupfuni wa mina hikuva xi ndzi kutsule eka banga ra Faro.”+  Hikwalaho Yetro, mukon’wana wa Muxe ni vana vakwe ni nsati wakwe va ta eka Muxe emananga laha a a dzime nxaxa kona, entshaveni ya Xikwembu+ xa ntiyiso.  Kutani yena a rhumela rito eka Muxe a ku: “Mina Yetro+ mukon’wana wa wena, ndzi ta eka wena, swin’we ni nsati wa wena ni vana vakwe vambirhi lava a nga na vona.”  Xikan’we-kan’we Muxe a huma ku ya hlangana ni mukon’wana wakwe, kutani a tiwisela ehansi, a n’wi ntswontswa;+ hiloko va rungurisana ta vutomi. Endzhaku ka sweswo va nghena entsongeni.  Muxe a rungulela mukon’wana wakwe hinkwaswo leswi Yehovha a swi endleke eka Faro ni le ka Egipta hikwalaho ka Israyele,+ ni ku nonon’hweriwa hinkwako loku ku va weleke endleleni,+ hambiswiritano Yehovha a a va kutsula.+  Hiloko Yetro a titwa a tsakile hi vunene hinkwabyo lebyi Yehovha a byi endleleke Israyele hi ku va a va kutsule evokweni ra Egipta.+ 10  Hikwalaho Yetro a ku: “A ku dzunisiwe Yehovha la ku kutsuleke evokweni ra Egipta ni le vokweni ra Faro, la kutsuleke vanhu ehansi ka voko ra Egipta.+ 11  Sweswi ndza swi tiva leswaku Yehovha hi lonkulu eka swikwembu+ leswin’wana hinkwaswo, hikwalaho ka leswi va tikukumuxeke eka vona.” 12  Kutani Yetro, mukon’wana wa Muxe a teka gandzelo ro hisiwa a endlela Xikwembu+ switlhavelo; Aroni ni vakulukumba hinkwavo va Israyele va ta ku ta dya xinkwa ni mukon’wana wa Muxe emahlweni ka Xikwembu xa ntiyiso.+ 13  Kutani hi siku leri tlhandlamaka Muxe a tshama ehansi tanihi ntolovelo leswaku a va muavanyisi wa vanhu,+ vanhu va hambeta va yimile emahlweni ka Muxe ku sukela nimixo ku fikela nimadyambu. 14  Mukon’wana wa Muxe a vona hinkwaswo leswi a a swi endlela vanhu. Hiloko a ku: “I ntirho wa muxaka muni lowu u wu endlelaka vanhu? Ha yini ku ri wena ntsena la tshamaka, vanhu hinkwavo va hambeta va yima emahlweni ka wena ku sukela nimixo ku ya fikela nimadyambu?” 15  Muxe a byela mukon’wana wakwe a ku: “Hikuva vanhu va hambeta va ta eka mina va ta vutisa hi Xikwembu.+ 16  Loko ku ri ni mhaka leyi pfukaka,+ yi fanele yi ta eka mina, mina ndzi ta avanyisa exikarhi ka ntlawa lowu ni lowun’wana, kutani ndzi fanele ndzi tivisa swiboho swa Xikwembu xa ntiyiso ni milawu+ ya xona.” 17  Hiloko mukon’wana wa Muxe a ku eka yena: “Ndlela leyi u endlaka ha yona a hi yinene. 18  Entiyisweni u ta hela matimba, wena ni vanhu lava u nga na vona hikuva ntirho lowu i vutihlamuleri lebyikulu eka wena.+ A wu nge swi koti ku wu endla u ri wexe.+ 19  Sweswi yingisa rito+ ra mina. Ndzi ta ku tsundzuxa, naswona Xikwembu xi ta va na wena.+ Vana muyimeri wa vanhu emahlweni ka Xikwembu xa ntiyiso,+ wena u ta tisa timhaka eka Xikwembu+ xa ntiyiso. 20  U ta va lemukisa swileriso ni milawu,+ kutani u ta va tivisa ndlela leyi va faneleke va famba ha yona ni ntirho lowu va faneleke va wu endla.+ 21  Kambe wena u ta langa vavanuna lava fanelekaka+ eka vanhu hinkwavo, lava chavaka Xikwembu,+ vavanuna lava tshembekaka,+ lava vengaka ku bindzula hi ndlela leyi nga lulamangiki;+ lava u ta va veka ehenhla ka vona va va varhangeri va vanhu va magidi,+ varhangeri va vanhu va madzana, varhangeri va vanhu va makumentlhanu ni varhangeri va vanhu va khume.+ 22  Kutani va ta avanyisa vanhu hi nkarhi wun’wana ni wun’wana lowu faneleke; mhaka yin’wana ni yin’wana leyikulu va ta yi tisa eka wena,+ kambe mhaka yin’wana ni yin’wana leyitsongo yi ta avanyisiwa hi vona. Hikwalaho tivevukisele, a va ku rhwalise ndzhwalo.+ 23  Loko wo endla nchumu lowu, naswona Xikwembu xi ku lerisile, kunene u ta kota ku swi yimela, kasi handle ka sweswo vanhu lava hinkwavo va ta tlhelela etindhawini ta vona hi ku rhula.”+ 24  Hi ku hatlisa Muxe a yingisa rito ra mukon’wana wakwe, a endla hinkwaswo leswi a swi vuleke.+ 25  Muxe a hlawula vavanuna lava fanelekaka etikweni hinkwaro ra Israyele ni ku va nyika swikhundlha va va varhangeri ehenhla ka vanhu;+ va va varhangeri va vanhu va 1 000, varhangeri va vanhu va 100, varhangeri va vanhu va 50 ni varhangeri va vanhu va khume. 26  Kutani va avanyisa vanhu hi nkarhi wun’wana ni wun’wana lowu faneleke. Mhaka leyi nonon’hwaka a va yi tisa eka Muxe,+ kambe mhaka yin’wana ni yin’wana leyitsongo a yi avanyisiwa hi vona. 27  Endzhaku ka sweswo Muxe a lelana ni mukon’wana wakwe,+ kutani a famba a ya etikweni ra rikwavo.

Tinhlamuselo ta le hansi