Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 15:1-27

15  Hi nkarhi wolowo Muxe ni vana va Israyele va yimbelelela Yehovha risimu, va vula leswi landzelaka:+ “Ndzi ta yimbelelela Yehovha, hikuva u tlakuseriwe ehenhla swinene.+ Hanci ni mugadi wa yona u swi hoxe elwandle.+   Ntamu wa mina ni matimba ya mina i Yah,+ hikuva wa ndzi ponisa.+ Lexi i Xikwembu xanga, ndzi ta xi dzunisa;+ i Xikwembu+ xa tatana, ndzi ta xi tlakusela ehenhla.+   Yehovha i nhenha ya nyimpi.+ Yehovha i vito rakwe.+   Makalichi ya Faro ni mavandla yakwe ya nyimpi u swi hoxe elwandle,+ Valwi va yena va nyimpi vo hlawuleka u va mbombomerise eLwandle ro Tshwuka.+   Magandlati ya mati ma va funengetile;+ va rhelele evuentweni ku fana ni ribye.+   Wena Yehovha, voko ra wena ra xinene ri tikomba ri ri ni vuswikoti+ lebyikulu, Wena Yehovha, voko ra wena ra xinene ri nga faya nala.+   Hi vukulu bya ku tlakuka ka wena u nga wisa lava ku pfukelaka;+ U rhumela ku hlundzuka ka wena lokukulu, ku va dya kukota mahlanga.+   Hi ku hefemula loku humaka etinhompfini+ ta wena, mati ma hlengeletiwile; Ma yima ma nga fambi ku fana ni damu ra mati yo tala; Magandlati ya mati ma yime ma tiya exikarhi ka lwandle.   Nala u te, ‘Ndzi ta va hlongorisa!+ Ndzi ta va kuma!+ Ndzi ta ava leswi phangiweke!+ Moya-xiviri wa mina wu ta tala hi swona! Ndzi ta hlomula banga ra mina! Voko ra mina ri ta va hlongola!’+ 10  U huhutile hi ku hefemula+ ka wena, lwandle ri va funengeta;+ Va mbombomerile ku fana ni ntsopfu ematini lamanyingi.+ 11  Oho Yehovha,+ i mani exikarhi ka swikwembu la fanaka na wena? I mani la fanaka na wena, u tikomba u ri ni matimba evukwetsimini?+ La faneriwaka hi ku chaviwa+ hi tinsimu ta ku dzunisa,+ La endlaka swihlamariso.+ 12  U tshambulute voko+ ra wena ra xinene, misava yi va mita.+ 13  Wena hi musa wa wena wa rirhandzu u rhangele vanhu lava u va kutsuleke;+ Kunene wena hi ntamu wa wena u ta va kongomisa endhawini ya wena leyi kwetsimaka,+ yo tshama eka yona. 14  Vanhu va ta swi twa,+ va rhurhumela;+ Ku lun’wa+ ka ku veleka ku ta khoma vaaki va Filisita. 15  Hakunene hi nkarhi wolowo tindhuna ta Edomu ti ta vilela; Loko ku ri vafumi va tihanyi va Mowabu, va ta rhurhumela.+ Hakunene vaaki hinkwavo va Kanana va ta tshoveka timbilu.+ 16  Va ta tshuka, va chava.+ Hikwalaho ka vukulu bya voko ra wena va ta yima va nga tshukatshuki kukota ribye, Kukondza vanhu+ va wena va hundza, Wena Yehovha, Kukondza vanhu lava u va kumeke+ va hundza.+ 17  U ta va tisa u va simeka entshaveni ya ndzhaka+ ya wena, Ndhawu leyi u yi lunghiseleleke leswaku u ta tshama+ eka yona, Wena Yehovha, Oho Yehovha, vukwetsimelo+ lebyi voko ra wena ri byi simekeke. 18  Yehovha u ta va hosi hilaha ku nga riki na makumu, hi masiku.+ 19  Loko tihanci+ ta Faro swin’we ni makalichi yakwe ya nyimpi ni vagadi vakwe va tihanci swi nghena elwandle,+ Yehovha a tlherisela mati ya lwandle ehenhla ka vona,+ Kasi vana va Israyele va fambe emisaveni leyi omeke exikarhi ka lwandle.”+ 20  Kutani Meriyamu muprofeta waxisati, makwavo+ wa Aroni, a khoma xingomana hi voko;+ vavasati hinkwavo va huma na yena va ri ni swingomana naswona va cina.+ 21  Meriyamu a pfumelelana ni vavanuna,+ a ku: “Yimbelelelani Yehovha,+ hikuva u tlakuseriwe ehenhla+ swinene. Hanci ni mugadi wa yona u swi hoxe elwandle.”+ 22  Endzhakunyana Muxe a suka na Israyele eLwandle ro Tshwuka va kongoma emananga ya Xure,+ va famba masiku manharhu emananga, kambe a va kumanga mati.+ 23  Hi ku famba ka nkarhi va fika eMara,+ kambe a va swi kotanga ku nwa mati ya le Mara hikuva a ma bava. Hi yona mhaka leyi a nga yi thya vito ra Mara.+ 24  Kutani vanhu va sungula ku gungulela Muxe,+ va ku: “Hi ta nwa yini?” 25  Hiloko a huwelela eka Yehovha.+ Yehovha a n’wi kongomisa emurhini, hiloko a wu lahlela ematini, mati ma tsokombela.+ Kwalaho A va simekela xileriso ni mhaka ya vuavanyisi naswona a va ringa+ kona. 26  A ya emahlweni a ku: “Loko mo yingisa rito ra Yehovha Xikwembu xa n’wina hilaha ku tiyeke, mi endla leswi lulameke ematihlweni yakwe naswona mi yingisa milawu+ yakwe, mi hlayisa swileriso swakwe hinkwaswo, makhombo lawa ndzi nga ma tisa ehenhla ka Vaegipta a ndzi nge ma tisi ehenhla ka n’wina;+ hikuva hi mina Yehovha la mi horisaka.”+ 27  Endzhaku ka sweswo va fika aElimi, laha a ku ri ni swihlovo swa mati swa 12 ni mirhi ya micindzu+ ya 70. Kutani va dzima mixaxa kwalaho kusuhi ni mati.

Tinhlamuselo ta le hansi