Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 14:1-31

14  Kutani Yehovha a vulavula na Muxe a ku:  “Byela vana va Israyele leswaku va tlhela va ya dzima mixaxa emahlweni ka Pihahiroto exikarhi ka Migidoli ni lwandle, ku langutana na Bali-sefoni.+ Mi ta dzima mixaxa emahlweni ka yona ekusuhi ni lwandle.  Kunene Faro u ta vula mayelana ni vana va Israyele a ku, ‘Va tsendzeleka hi ku pfilunganyeka etikweni. Mananga ma va sivelerile.’+  Hikwalaho ndzi ta sihalarisa+ mbilu ya Faro, kunene u ta va landza hi le ndzhaku kutani ndzi ta tivangamisa hi Faro ni mavandla ya yena hinkwawo ya nyimpi;+ kunene Vaegipta va ta tiva leswaku hi mina Yehovha.”+ Hiloko va endla tano.  Endzhakunyana hosi ya Egipta yi vikeriwa leswaku vanhu va balekile. Hi ku hatlisa mbilu ya Faro swin’we ni ya malandza yakwe ti hundzukela vanhu+ lava, lerova va ku: “I yini leswi hi swi endleke hi ku tshika Israyele a famba a nga ha vi hlonga+ ra hina?”  Hiloko a lunghisa makalichi ya yena ya nyimpi, kutani a teka vanhu vakwe va famba na yena.+  A teka makalichi+ lama hlawuriweke ya 600 ni makalichi laman’wana hinkwawo ya Egipta, valwi va nyimpi va ri ehenhla ka rin’wana ni rin’wana.  Hikwalaho Yehovha a sihalarisa+ mbilu ya Faro hosi ya le Egipta, hiloko a landza vana va Israyele hi le ndzhaku, kasi vana va Israyele va humesiwe hi voko+ leri tlakukeke.  Vaegipta va va landza hi le ndzhaku ni tihanci hinkwato ta makalichi ta Faro ni vagadi+ vakwe va tihanci ni mavandla yakwe ya nyimpi, va va kuma loko va ha dzime mixaxa ekusuhi ni lwandle, ekusuhi na Pihahiroto ku langutana na Bali-sefoni.+ 10  Loko Faro a tshinela, vana va Israyele va tlakusa mahlo kutani va vona Vaegipta va va sele endzhaku; vana va Israyele va chava swinene kutani va huwelela eka Yehovha.+ 11  Hiloko va byela Muxe va ku: “Xana ko pfumala swilahlo aEgipta leswi u hi tiseke laha mananga+ leswaku hi ta fela kona? I yini leswi u hi endleke swona hi ku hi humesa aEgipta? 12  Xana leri a hi rona rito leri hi ku byeleke rona aEgipta, hi ku, ‘Hi tshike hi tirhela Vaegipta’? Hikuva swa antswa leswaku hi tirhela Vaegipta ku ri ni ku fela emananga.”+ 13  Hiloko Muxe a byela vanhu a ku: “Mi nga chavi.+ Yimani mi tiya mi vona ku ponisa ka Yehovha, loku a nga ta mi endlela kona namuntlha.+ Hikuva Vaegipta lava mi va vonaka namuntlha a mi nge he va voni, e-e, a mi nge pfuki mi va vonile nakambe.+ 14  Yehovha u ta mi lwela,+ n’wina mi ta miyela.” 15  Kutani Yehovha a byela Muxe a ku: “Ha yini u hambeta u ndzi rilela?+ Byela vana va Israyele leswaku va hahlula mixaxa. 16  Loko ku ri wena, tlakusa nhonga+ ya wena u tshambulutela voko ehenhla ka lwandle u ri avanyisa hi le xikarhi,+ leswaku vana va Israyele va ta famba exikarhi ka lwandle, emisaveni+ leyi omeke. 17  Loko ku ri mina, ndzi sihalarisa+ timbilu ta Vaegipta leswaku va va sala endzhaku, leswaku ndzi ta tivangamisa hi Faro ni hi mavandla yakwe hinkwawo ya nyimpi, hi makalichi yakwe ya nyimpi ni hi vagadi+ vakwe va tihanci. 18  Kunene Vaegipta va ta tiva leswaku hi mina Yehovha loko ndzi tivangamisa hi Faro, hi makalichi yakwe ya nyimpi ni hi vagadi+ vakwe va tihanci.” 19  Hiloko ntsumi+ ya Xikwembu xa ntiyiso leyi a yi famba emahlweni ka ntlawa wa Israyele yi suka yi ya endzhaku ka vona, naswona papa lerikulu ri suka emahlweni ka vona ri yima endzhaku ka vona.+ 20  Kutani ri yima exikarhi ka ntlawa wa Vaegipta ni ntlawa wa Israyele.+ Hi tlhelo rin’wana a ri ri papa leri nga ni munyama. Kasi hi tlhelo lerin’wana a ri voninga vusiku.+ Ntlawa lowu a wu tshinelanga eka ntlawa lowun’wana vusiku hinkwabyo. 21  Hiloko Muxe a tshambulutela voko ehenhla ka lwandle;+ Yehovha a endla leswaku lwandle ri tlherisiwa hi mheho ya matimba ya le vuxeni vusiku hinkwabyo naswona a hundzula lwandle ri va misava leyi omeke,+ mati ma avana hi le xikarhi.+ 22  Eku heteleleni vana va Israyele va famba exikarhi ka lwandle emisaveni leyi omeke,+ kasi mati ma ri rirhangu etlhelo ra vona ra xinene ni ra ximatsi.+ 23  Hiloko Vaegipta va sungula ku va hlongorisa, tihanci ta Faro hinkwato, makalichi yakwe ya nyimpi ni vagadi vakwe va tihanci va va landza hi le ndzhaku,+ exikarhi ka lwandle. 24  Kutani hi nkarhi wa ku rindza ka nimixo, Yehovha a languta ntlawa wa Vaegipta a ri endzilweni lowukulu ni le papeni lerikulu,+ kutani a pfilunganya+ ntlawa wa Vaegipta. 25  A hlomula mavhilwa emakalichini ya vona lerova swi va nonon’hwela+ ku ma fambisa; kutani Vaegipta va sungula ku vula va ku: “A hi balekeni hi nga hlangani na Israyele, hikuva kunene Yehovha wa va lwela eka Vaegipta.”+ 26  Eku heteleleni Yehovha a byela Muxe a ku: “Tshambulutela voko ehenhla ka lwandle+ leswaku mati ma tlhelela ehenhla ka Vaegipta, makalichi ya vona ya nyimpi ni vagadi va vona va tihanci.” 27  Xikan’we-kan’we Muxe a tshambulutela voko ehenhla ka lwandle, kutani loko ri ya eku xeni, lwandle ri tlhelela eka xiyimo xa rona lexi tolovelekeke. Nkarhi wolowo Vaegipta hinkwavo a va balekela ku hlangana na rona, kambe Yehovha a wisa Vaegipta exikarhi ka lwandle.+ 28  Mati ma ya ma tlhelela.+ Eku heteleleni ma funengeta makalichi ya nyimpi ni vagadi va tihanci, ya mavandla hinkwawo ya nyimpi ya Faro lawa ma va saleke endzhaku+ ma nghena elwandle. A nga kona ni un’we exikarhi ka wona la saleke.+ 29  Loko ku ri vana va Israyele, vona va fambe emisaveni leyi omeke exikarhi ka lwandle,+ kasi mati a ma ri rirhangu etlhelo ra vona ra xinene ni ra ximatsi.+ 30  Hikwalaho Yehovha a ponisa Israyele hi siku rero evokweni ra Vaegipta,+ Israyele a vona Vaegipta va file eribuweni ra lwandle.+ 31  Israyele a vona ni voko lerikulu leri Yehovha a ri tirhiseke ku lwa ni Vaegipta; vanhu va sungula ku chava Yehovha ni ku kombisa ripfumelo eka Yehovha ni le ka Muxe nandza wakwe.+

Tinhlamuselo ta le hansi