Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eksoda 11:1-10

11  Yehovha a ya emahlweni a byela Muxe a ku: “Ndzi tisa khombo rin’wana nakambe ehenhla ka Faro na Egipta. Endzhaku ka sweswo u ta mi tshika mi famba mi suka laha.+ Hi nkarhi lowu a nga ta mi tshika mi famba ha wona, u ta mi hlongola hi ku kongoma mi huma laha.+  Sweswi, vulavula etindleveni ta vanhu leswaku wanuna un’wana ni un’wana a kombela eka nakulobye ni wansati un’wana ni un’wana a kombela eka nakulobye, swilo swa silivhere ni swilo swa nsuku.”+  Kutani Yehovha a endla leswaku vanhu va kombiwa tintswalo ematihlweni ya Vaegipta.+ Munhu loyi Muxe na yena a a ri nkulu ngopfu etikweni ra Egipta, ematihlweni ya malandza ya Faro ni le matihlweni ya vanhu.+  Muxe a ya emahlweni a ku: “Yehovha u te, ‘Exikarhi ka vusiku ndza huma ndzi ya exikarhi ka Egipta,+  kutani mativula+ hinkwawo etikweni ra Egipta ma fanele ma fa, ku sukela eka mativula ya Faro la tshameke exiluvelweni xakwe ku ya eka mativula ya nandza wa xisati la nga eribyeni ro sila ni mativula hinkwawo ya swiharhi.+  Kunene ku ta va ni xirilo lexikulu etikweni hinkwaro ra Egipta, lexi xi nga si tshamaka xi va kona xo fana na xona, naswona a xi nge pfuki xi ve kona nakambe+ xo fana na xona.  Kambe a ku na mbyana leyi nga ta vukula yi karihela hambi a ri mani wa vana va Israyele, ku sukela eka munhu ku ya eka xiharhi;+ mi ta swi tiva leswaku Yehovha a nga ku endla ku hambana exikarhi ka Vaegipta ni vana va Israyele.’+  Kunene malandza lawa ya wena hinkwawo ma ta ta eka mina ma tiwisela emahlweni ka mina,+ ma ku, ‘Famba, wena ni vanhu hinkwavo lava landzelaka mikondzo ya wena.’ Endzhaku ka sweswo ndzi ta huma.” Hiloko a huma eka Faro a hlundzuke ngopfu.  Kutani Yehovha a byela Muxe a ku: “Faro a nge mi yingisi+ leswaku masingita ya mina ma engeteleka etikweni ra Egipta.”+ 10  Muxe na Aroni va endla masingita lawa hinkwawo emahlweni ka Faro;+ kambe Yehovha a sihalarisa mbilu ya Faro lerova a nga va tshiki vana va Israyele va huma etikweni+ rakwe.

Tinhlamuselo ta le hansi