Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 9:1-18

9  Hikuva hinkwaswo leswi ndzi swi nghenise embilwini ya mina, ni ku swi kambisisa hinkwaswo,+ leswaku lavo lulama ni lavo tlhariha ni mintirho ya vona yi le vokweni ra Xikwembu xa ntiyiso.+ Vanhu a va ri lemuki rirhandzu ni rivengo hinkwaro leri a va ri na rona eku sunguleni.+  Hinkwavo va fana eka leswi hinkwavo va nga na swona.+ Lowo lulama+ ni lowo homboloka+ va ni makumu man’we,+ lonene ni la tengeke ni la nga tengangiki, loyi a humesaka xitlhavelo ni loyi a nga humesiki xitlhavelo. Lonene wa fana ni mudyohi;+ loyi a hlambanyaka wa fana ni loyi a a chava xihlambanyo lexi tiyisiweke.+  Leswi hi swona swi nga khombo eka hinkwaswo leswi endliweke ehansi ka dyambu, hileswi ku nga ni makumu man’we eka hinkwavo,+ mbilu ya vana va vanhu na yona yi tele swo biha;+ naswona ku ni vuhunguki+ embilwini ya vona enkarhini wa ku hanya ka vona, naswona enkarhini wa ku hanya ka vona ni le ndzhaku ka vona—eka lava feke!+  Hikuva eka mani na mani la katsiwaka eka lava va hanyaka hinkwavo, ku ni ntshembo, hikuva mbyana+ leyi hanyaka ya antswa swinene ku ri ni nghala leyi feke.+  Hikuva lava hanyaka va swi tiva leswaku va ta fa;+ kambe loko ku ri lava feke, a va tivi nchumu nikatsongo,+ naswona a va ha ri na hakelo, hikuva ku tsundzukiwa ka vona ku rivariwile.+  Rirhandzu ra vona, rivengo ra vona ni mavondzo ya vona se swi herile,+ naswona a va ha ri na xiavelo hilaha ku nga riki na makumu eka leswi swi nga ta endliwa ehansi ka dyambu.+  Famba u ya dya swakudya swa wena hi ku tsaka, u nwa vhinyo ya wena hi mbilu leyinene,+ hikuva Xikwembu xa ntiyiso se xi tsakisiwe hi mintirho ya wena.+  Tinguvu ta wena a ti tshame ti basile nkarhi wun’wana ni wun’wana,+ naswona mafurha ma nga pfumaleki enhlokweni ya wena.+  Hanya vutomi ni nsati loyi u n’wi rhandzaka+ emasikwini hinkwawo ya vutomi bya wena bya hava lawa xi ku nyikeke wona ehansi ka dyambu, emasikwini hinkwawo ya vuhava bya wena, hikuva xexo i xiavelo xa wena evuton’wini+ ni ntirho wa wena wa matimba lowu u tikarhataka ha wona ehansi ka dyambu. 10  Hinkwaswo leswi voko ra wena ri swi kumaka leswaku ri swi endla, swi endle hi matimba ya wena,+ hikuva a ku na ntirho hambi ku ri kungu, vutivi+ kumbe vutlhari+ eSheol,+ ndhawu leyi u yaka eka yona.+ 11  Ndzi tlhele ndzi swi vona ehansi ka dyambu leswaku lava va nga ni rivilo lerikulu a va hluli emphikizanweni,+ hambi ku ri lava va nga ni matimba a va hluli enyimpini,+ ni lavo tlhariha a va swi kumi swakudya,+ hambi ku ri lava twisisaka a va na rona rifuwo,+ ni lava va nga ni vutivi a va kombiwi tintswalo;+ hikuva nkarhi ni xiendlakalo lexi nga languteriwangiki swa va wela hinkwavo.+ 12  Hikuva munhu+ a nga wu tivi nkarhi wakwe.+ Ku fana ni tinhlampfi leti phasiwaka erikokeni ro biha,+ ni tinyenyana leti phasiwaka exirimbanini,+ ni vana va vanhu va yengiwa enkarhini wa khombo,+ loko wu va wela hi xitshuketa.+ 13  Kutani ndzi tlhele ndzi vona leswi malunghana ni vutlhari ehansi ka dyambu—naswona a byi ri byinene eka mina: 14  A ku ri ni muti lowutsongo, naswona vanhu lava a va tshama eka wona a va nga talanga; kutani ku fika hosi leyikulu eka wona, hiloko yi wu rhendzela, yi aka makhokholo lamakulu.+ 15  Kutani eka wona ku kumiwa wanuna la pfumalaka kambe a tlharihile, wanuna yoloye u ponise muti hi vutlhari byakwe.+ Kambe a ku na munhu la tsundzukeke wanuna yoloye la pfumalaka.+ 16  Kutani mina ndzi ku: “Vutlhari bya antswa ku ri ni matimba;+ kambe, vutlhari bya loyi a pfumalaka byi languteriwa ehansi, ni marito yakwe a ma yingisiwi.”+ 17  Marito ya lavo tlhariha niloko ma ri exihundleni ma yingisiwa+ ku ri ni xirilo xa la fumaka exikarhi ka swihunguki.+ 18  Vutlhari bya antswa ku ri ni matlhari ya ku lwa, naswona mudyohi un’we a nga herisa swo tala leswinene.+

Tinhlamuselo ta le hansi