Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 6:1-12

6  Ku ni khombo leri ndzi ri voneke ehansi ka dyambu, ri andzile exikarhi ka vanhu:  munhu loyi Xikwembu xa ntiyiso xi n’wi nyikeke rifuwo ra swilo leswi vonakaka ni ku vangama,+ loyi ku nga riki na nchumu lowu moya-xiviri wakwe wu wu pfumalaka,+ kambe Xikwembu xa ntiyiso xi nga n’wi pfumeleriki leswaku a dya,+ hambileswi munhu wumbe+ a nga dyaka. Leswi i vuhava naswona i vuvabyi byo biha.  Loko munhu o va tatana ku ringana ka 100,+ naswona o hanya malembe yo tala, lerova masiku ya malembe yakwe ma tala,+ kambe moya-xiviri wakwe wu nga eneriseki hi swilo leswinene+ naswona sirha ri nga si va rakwe,+ ndzi fanele ndzi vula leswaku loyi a velekiweke ku nga si fika nkarhi wakwe wa antswa ku n’wi tlula.+  Hikuva loyi u tile, a tela swa hava naswona u famba emunyameni, vito rakwe ri ta funengetiwa hi munyama.+  Dyambu a nga ri vonanga, naswona a nga ri tivanga.+ Loyi u wisile ku tlula wo sungula.+  Hambiloko o va a hanye malembe ya 1 000 hilaha ku phindhiweke kambirhi kambe a nga si vona leswinene,+ xana hinkwavo a va yi endhawini yin’we ntsena?+  Ntirho hinkwawo wa matimba wa vanhu i wa milomu ya vona,+ kambe ni moya-xiviri wa vona a wu xurhi.  Hikuva lowo tlhariha u pfuneka ha yini eka lowo hunguka?+ Xana la xanisekaka u kuma yini hi ku tiva ku famba emahlweni ka lava va hanyaka?  Ku vona ka mahlo ka antswa ku ri ni ku famba-famba ka moya-xiviri.+ Leswi na swona i vuhava ni ku hlongorisa mheho.+ 10  Xin’wana ni xin’wana lexi nga kona, vito ra xona ri twarisiwile, naswona leswi munhu a nga xiswona swi tiviwile;+ a nge swi koti ku kombela ku rivaleriwa nandzu wakwe eka munhu la n’wi tlulaka hi matimba.+ 11  Hikuva ku ni swilo swo tala leswi vangaka vuhava,+ xana munhu a nga pfuneka njhani? 12  Xana u kona la tivaka leswi munhu lonene a nga na swona emasikwini ya vutomi+ byakwe bya hava, loko a ma heta ku fana ni ndzhuti?+ Hikuva i mani la nga byelaka munhu leswi nga ta n’wi endlekela endzhaku kakwe ehansi ka dyambu?+

Tinhlamuselo ta le hansi