Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 4:1-16

4  Kutani mina yoloyi ndzi vuyile leswaku ndzi ta vona swiendlo hinkwaswo swa ku tshikilela+ leswi endliwaka ehansi ka dyambu, kutani waswivo, mihloti ya lava va tshikileriwaka,+ kambe a va nga ri na muchaveleri;+ naswona lava va va tshikilelaka a va ri ni matimba, lerova a va nga ri na muchaveleri.  Kutani ndzi nkhensise lava feke lava ana se va feke ku ri ni lava va hanyaka lava a va ha hanya.+  Loyi a antswaka ku tlula lava vambirhi hi loyi a nga si vaka kona,+ loyi a nga wu vonangiki ntirho lowu nga ni khombo lowu endliwaka ehansi ka dyambu.+  Mina ndzi wu vonile ntirho hinkwawo wa matimba ni vutshila hinkwabyo entirhweni,+ leswaku swi vula ku kwetlembetana exikarhi ka vanhu;+ leswi na swona i vuhava ni ku hlongorisa mheho.  Xihunguki xi khondla mavoko+ kutani xi dya nyama ya xona.+  Voko leri teleke ku wisa ra antswa ku ri ni mavoko mambirhi lama teleke ntirho wa matimba ni ku hlongorisa mheho.+  Mina ndzi vuya leswaku ndzi ta vona vuhava ehansi ka dyambu:  Ku ni wun’we, hayi wa vumbirhi;+ naswona a nga na n’wana kumbe makwavo,+ kambe ntirho wakwe hinkwawo wa matimba a wu na makumu. Ni mahlo yakwe a ma kolwi hi rifuwo:+ “Xana ndzi tirhela vamani hi matimba ni ku pfumata moya-xiviri wa mina swilo leswinene?”+ Leswi na swona i vuhava, i ntirho lowu nga ni khombo.+  Vambirhi va antswa ku tlula un’we,+ hikuva va ni hakelo leyinene ya ku tikarhata ka vona.+ 10  Hikuva loko un’we wa vona o wa, loyi un’wana a nga pfuxa munghana wakwe.+ Kambe ku ta endleka yini hi loyi a nga un’we loko o wa ku nga ri na loyi a nga ta n’wi pfuxa?+ 11  Ku tlula kwalaho, loko vambirhi va etlela swin’we, kunene va ta kufumela; kambe un’we ntsena a nga kufumerisa ku yini?+ 12  Loko munhu wo karhi o hlula un’we a ri yexe, vambirhi va nga n’wi hlula.+ Naswona ntambhu ya miluko yinharhu a yi nge tsemeki hi le xikarhi hi ku hatlisa. 13  N’wana la pfumalaka kambe a tlharihile+ wa antswa ku ri ni hosi leyi kuleke kambe yi ri xihunguki,+ leyi nga tiviki hilaha ku ringaneke leswaku yi ta lemukisiwa.+ 14  Hikuva yi hume endlwini leyi nga khotso leswaku yi ta va hosi,+ hambileswi yi velekiweke yi pfumala evuhosini bya yona.+ 15  Ndzi va vonile hinkwavo lava hanyaka lava famba-fambaka ehansi ka dyambu, ndlela leyi swi n’wi fambelaka ha yona n’wana wa vumbirhi, loyi a yimaka endhawini ya un’wana.+ 16  A ku na makumu eka vanhu hinkwavo, lava a yi ri emahlweni ka vona;+ hambi ku ri vanhu a va nge tsaki endzhaku ka sweswo,+ hikuva leswi na swona i vuhava ni ku hlongorisa mheho.+

Tinhlamuselo ta le hansi