Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 3:1-22

3  Xin’wana ni xin’wana xi ni nkarhi wa xona lowu vekiweke,+ ni nkarhi wa mhaka yin’wana ni yin’wana ehansi ka matilo:  nkarhi wa ku velekiwa+ ni nkarhi wa ku fa;+ nkarhi wa ku byala ni nkarhi wa ku simula leswi a swi byariwile;+  nkarhi wa ku dlaya+ ni nkarhi wa ku horisa;+ nkarhi wa ku mbundzumuxa ni nkarhi wa ku aka;+  nkarhi wa ku rila+ ni nkarhi wa ku hleka;+ nkarhi wa ku kalakala+ ni nkarhi wa ku tlula-tlula;+  nkarhi wa ku hangalasa maribye+ ni nkarhi wa ku hlengeleta maribye;+ nkarhi wa ku angarha+ ni nkarhi wa ku tshika ku angarha;+  nkarhi wa ku lava+ ni nkarhi wa ku tshika leswi lahlekeke; nkarhi wa ku hlayisa ni nkarhi wa ku cukumeta;+  nkarhi wa ku handzula+ hi le xikarhi ni nkarhi wa ku rhungelela;+ nkarhi wa ku miyela+ ni nkarhi wa ku vulavula;+  nkarhi wa ku rhandza ni nkarhi wa ku venga;+ nkarhi wa nyimpi+ ni nkarhi wa ku rhula.+  Xana muendli u pfuneka ha yini eka leswi a tikarhatelaka swona?+ 10  Ndzi wu vonile ntirho lowu Xikwembu xi wu nyikeke vana va vanhu leswaku va wu endla.+ 11  Swilo hinkwaswo xi swi endle swi saseka hi nkarhi wa swona.+ Ni nkarhi lowu nga riki na makumu xi wu veke embilwini+ ya vona, leswaku vanhu va nga pfuki va wu twisisile ntirho lowu Xikwembu xa ntiyiso xi wu endleke ku sukela eku sunguleni ku ya eku heteleleni.+ 12  Ndza swi tiva leswaku a ku na nchumu lexi antswaka eka vona ematshan’weni yo tsaka ni ku endla leswinene evuton’wini bya munhu;+ 13  nileswaku munhu un’wana ni un’wana u fanele a dya, kunene a nwa, a kuma leswinene entirhweni wakwe hinkwawo wa matimba.+ I nyiko leyi humaka eka Xikwembu.+ 14  Ndza swi tiva leswaku hinkwaswo leswi Xikwembu xa ntiyiso xi swi endlaka, swi ta tshama hilaha ku nga riki na makumu.+ Eka swona a ku na nchumu lowu wu nga engeteriwaka naswona eka swona a ku na nchumu lowu wu nga hungutiwaka;+ kambe swi endliwe hi Xikwembu xa ntiyiso,+ leswaku vanhu va xi chava.+ 15  Leswi swi endlekeke, ana se swi endlekile, naswona leswi swi nga ta ta, ana se swi kona;+ naswona Xikwembu xa ntiyiso+ xi ya emahlweni xi lava leswi landzeriwaka.+ 16  Ndzi tlhele ndzi vona ehansi ka dyambu ndhawu ya vululami laha a ku ri ni vuhomboloki ni ndhawu leyinene laha a ku ri ni vuhomboloki.+ 17  Mina ndzi tibyerile embilwini+ ndzi ku: “Xikwembu xa ntiyiso xi ta avanyisa lowo lulama ni lowo homboloka,+ hikuva ku ni nkarhi wa mhaka yin’wana ni yin’wana ni mhaka leyi khumbanaka ni ntirho wun’wana ni wun’wana kwalaho.”+ 18  Mina ndzi vurile embilwini ya mina malunghana ni vana va vanhu leswaku Xikwembu xa ntiyiso xi ta va hlawula, va swi vona leswaku vona i swiharhi.+ 19  Hikuva ku ni makumu lama fikelaka vana va vanhu ni makumu lama fikelaka swiharhi, naswona swi ni makumu lama fanaka.+ Hilaha xin’wana xi faka+ hakona, ni lexin’wana xi fisa xisweswo; hinkwaswo swi ni moya wun’we,+ lerova munhu a nga tlakukanga ku tlula xiharhi, hikuva hinkwaswo i vuhava. 20  Hinkwaswo swi ya endhawini yin’we.+ Hinkwaswo swi ve kona swi huma entshurini,+ hinkwaswo swi tlhelela entshurini.+ 21  I mani la tivaka leswaku kumbexana moya wa vana va vanhu wu tlhandlukela ehenhla; ni moya wa xiharhi leswaku kumbexana wu rhelela ehansi emisaveni?+ 22  Ndzi swi vonile leswaku a ku na nchumu lowu antswaka ku tlula leswaku munhu a tsaka emintirhweni yakwe,+ hikuva sweswo i xiavelo xakwe; hikuva i mani la nga ta n’wi tisa a ta vona leswi nga ta humelela endzhaku kakwe?+

Tinhlamuselo ta le hansi