Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 12:1-14

12  Sweswi tsundzuka Mutumbuluxi+ wa wena Lonkulu emasikwini ya vujaha+ bya wena, masiku ya khombo ma nga si ta,+ kumbe ma nga si fika malembe lawa u nga ta vula ha wona u ku: “A ma ndzi tsakisi”;+  dyambu, ku vonakala, n’weti ni tinyeleti swi nga si va munyama,+ ni mapapa ma nga si tlhelela, endzhaku ka sweswo ku landzela maboboma ya mpfula;  esikwini leri vahlayisi va yindlu+ va nga ta rhurhumela, ni vanhu va ntamu lowukulu va nga ta nkhinsama,+ ni vavasati lava silaka+ va nga ta tshika ku tirha hikwalaho ka ku va va hungutekile, ni vavasati vo xiximeka lava nga ta hlometela emafasitereni+ va kuma ku ri munyama;  ni tinyangwa ta le xitarateni ti nga ta pfariwa,+ loko mpfumawulo wa ribye ra ku sila wu ya ehansi,+ kutani munhu a nga ta pfuxiwa hi ku rila ka nyenyana, ni vavasati vo xiximeka hinkwavo lava yimbelelaka risimu va twalela ehansi.+  A va chava nchumu lowu tlakukeke ntsena, naswona ku ni ku chava endleleni. Ni murhi wa almondi wa rhumbuka,+ ni njiya ya tikoka, ni xidzungela xa murhi wa kaperi xa boxeka, hikuva munhu u ya endlwini+ yakwe leyi a nga ta tshama eka yona hilaha ku nga riki na makumu, ni lava va kalakalaka va gwirima exitarateni;+  ntambhu ya silivhere yi nga si susiwa, ni nkambana wa nsuku wu nga si fayiwa,+ ni khuwana ri fayekile exihlobyeni, ni vhilwa ro ka mati exihlobyeni ri pfotlosiwile.  Kutani ntshuri wu tlhelela emisaveni+ laha a wu ri kona ni moya+ wu tlhelela eka Xikwembu xa ntiyiso+ lexi xi wu nyikeke.+  “Vuhava lebyikulu,” ku vula muhlengeleti,+ “Hinkwaswo i vuhava.”+  Ku nga khathariseki leswaku muhlengeleti u tlharihile,+ u tlhele a dyondzisa vanhu vutivi hilaha ku yaka emahlweni,+ u anakanyisisile ni ku lavisisa hi rixaladza,+ leswaku a longoloxa swivuriso swo tala hi ku tlhandlamana ka swona.+ 10  Muhlengeleti a a lava ku kuma marito lama tsakisaka+ ni ku tsala marito lama lulameke ya ntiyiso.+ 11  Marito ya lavo tlhariha ma fana ni tinsungunu ta havi,+ ni lava va nghenaka hi nhloko eku hlengeleteni ka marito va fana ni swipikiri leswi gongondzeriweke;+ va nyiketiwe va huma eka murisi+ un’we. 12  N’wananga, malunghana ni swin’wana leswi hambaneke ni leswi, amukela xitsundzuxo: Ku endliwa ka tibuku to tala a ku heli, naswona ku tinyiketela swinene eka tona swi karhalisa nyama.+ 13  Loko hinkwaswo swi twiwile, makumu ya mhaka hi lawa: Chava Xikwembu xa ntiyiso+ u hlayisa swileriso swa xona.+ Hikuva leyi hi yona mfanelo hinkwayo ya munhu. 14  Hikuva Xikwembu xa ntiyiso xi ta tisa ntirho wa muxaka wun’wana ni wun’wana eku avanyisiweni malunghana ni nchumu wun’wana ni wun’wana lowu fihliweke, hambi wu ri wunene kumbe wu ri wo biha.+

Tinhlamuselo ta le hansi