Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 11:1-10

11  Cukumeta xinkwa+ xa wena evuandlalweni bya mati,+ hikuva u ta tlhela u xi kuma endzhaku ka masiku yo tala.+  Phemela vanhu va nkombo kumbe hambi va nhungu,+ hikuva a wu ri tivi khombo leri nga ta humelela emisaveni.+  Loko mapapa ma ri ni mati yo tala, ma chulula maboboma lamakulu emisaveni;+ naswona loko murhi wu wela edzongeni kumbe en’walungwini, ndhawu leyi murhi+ wu weleke eka yona wu ta tshama wu ri eka yona.  Loyi a langutaka mheho a nge byali mbewu; naswona loyi a langutaka mapapa a nge tshoveli.+  Tanihi leswi u nga yi tiviki ndlela ya moya emarhambyini, ekhwirini ra loyi a tikeke,+ hi ndlela leyi fanaka a wu wu tivi ntirho wa Xikwembu xa ntiyiso, lexi endlaka swilo hinkwaswo.+  Byala mbewu ya wena nimixo, naswona u nga ri wisisi voko ra wena ku fikela nimadyambu;+ hikuva a wu swi tivi leswaku leswi swi ta lulama kwihi,+ laha kumbe lahaya, kumbexana haswimbirhi swi ta va leswinene.  Ku vonakala na kona i kunene, naswona i swinene leswaku mahlo ma vona dyambu;+  hikuva loko munhu o hanya malembe yo tala, a a tsake+ eka wona hinkwawo. A a tsundzuke masiku ya munyama,+ hambiloko mo va ma tele; siku rin’wana ni rin’wana leri fikeke i vuhava.+  Jaha, tsaka+ evuntshweni bya wena, naswona mbilu ya wena a yi ku endlele leswinene emasikwini ya vujaha bya wena, famba etindleleni ta mbilu ya wena ni hi ku landza swilo leswi voniwaka hi mahlo ya wena.+ Kambe tiva leswaku eka leswi hinkwaswo, Xikwembu xa ntiyiso xi ta ku avanyisa.+ 10  Kutani susa mbitsi embilwini ya wena, naswona u bakanya khombo enyameni ya wena;+ hikuva vuntshwa ni nkarhi lowu u hanyeke kahle ha wona evuton’wini i vuhava.+

Tinhlamuselo ta le hansi