Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 10:1-20

10  Tinhongana leti feke hi tona leti endlaka leswaku mafurha ya muendli wa mafurha+ ma nun’hwa, ma vila. Vuphukuphuku lebyitsongo byi n’wi endla tano la nga ni vutlhari ni ku vangama ka risima.+  Mbilu ya lowo tlhariha yi le vokweni rakwe ra xinene,+ kambe mbilu ya lowo hunguka yi le vokweni rakwe ra ximatsi.+  Endleleni yin’wana ni yin’wana leyi xiphukuphuku xi fambaka ha yona,+ mbilu ya xona yi hungukile, naswona xi vula un’wana ni un’wana leswaku i xiphukuphuku.+  Loko moya wa mufumi wo lwa na wena, u nga suki endhawini ya wena,+ hikuva ku olova ku vevukisa swidyoho leswikulu.+  Ku ni nchumu lowu nga khombo lowu ndzi wu voneke ehansi ka dyambu, ku fana niloko ku ri ni xihoxo+ lexi vangiwaka hi munhu la lawulaka:+  Vuphukuphuku byi vekiwe eswiyin’weni swo tala leswi tlakukeke,+ kambe lava fuweke va tshama exiyin’weni xa le hansi.  Ndzi vone malandza ma gade tihanci kambe tihosana ti famba ehansi kukota malandza.+  Loyi a celaka mugodi u ta wela eka wona;+ naswona loyi a boxaka rirhangu ra maribye, nyoka yi ta n’wi luma.+  Loyi a kovotlaka maribye u ta tivavisa ha wona. Loyi a pandzaka mintsandza u fanele a yi xiya.+ 10  Loko xitirhisiwa xa nsimbi xi bvinyekile naswona munhu a nga xi lotanga,+ u ta tirhisa ntamu wakwe lowukulu. Hi ndlela yoleyo ku tirhisa vutlhari hi mukhuva lowu humelelaka swa pfuna.+ 11  Loko nyoka yi luma yi nga lumberiwanga,+ kutani loyi a phyaphyarhaka hi ririmi a nga pfuneki ha nchumu. 12  Marito ya nomu wa lowo tlhariha ma kombisa tintswalo,+ kambe milomu ya xihunguki ya xi mita.+ 13  Masungulo ya marito ya nomu wa xona i vuphukuphuku,+ naswona makumu ya nomu wa xona i ku penga loku nga ni khombo. 14  Xiphukuphuku xi vulavula marito yo tala.+ Munhu a nga swi tivi leswaku swi ta helela kwihi; naswona leswi nga ta humelela endzhaku kakwe, i mani la nga n’wi byelaka swona?+ 15  Ntirho wa matimba wa swihunguki wu swi heta matimba,+ hikuva a xi kona lexi tivaka ndlela ya ku ya emutini.+ 16  Wena tiko, xana u ta va njhani loko hosi ya wena ku ri mufana+ naswona tihosana ta wena ti tshamela ku dya ni nimixo? 17  Wena tiko wa tsaka, loko hosi ya wena ku ri n’wana wa vanhu va xiyimo xa le henhla ni tihosana ta wena ti dya hi nkarhi lowu faneleke leswaku ti va ni matimba, ku nga ri ku nwa ntsena.+ 18  Mhandzi ya lwangu ya wa hikwalaho ka vulolo lebyikulu, ni yindlu ya pfuta hikwalaho ka ku khondla mavoko.+ 19  Xinkwa i xa ku endla leswaku vatirhi va hleka, naswona vhinyo yi endla leswaku vutomi byi tsakisa;+ kambe mali yi fikelela swilo hinkwaswo.+ 20  U nga tshuki u rhukana hosi hambi u ri ekamareni ra wena ro etlela eka rona,+ naswona u nga tshuki u rhukana mani na mani la fuweke+ u ri emakamareni ya wena ya le mpfungwe yo etlela eka wona; hikuva xivumbiwa lexi hahaka xa matilo xi ta hundzisela mpfumawulo naswona xin’wana lexi nga ni timpapa xi ta vula mhaka.+

Tinhlamuselo ta le hansi