Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Eklesiasta 1:1-18

1  Marito ya muhlengeleti,+ n’wana wa Davhida hosi ya le Yerusalema.+  “Vuhava lebyikulu ngopfu,”+ ku vule muhlengeleti, “vuhava lebyikulu ngopfu! Hinkwaswo i vuhava!”+  Xana munhu u pindzula yini entirhweni wakwe hinkwawo wo nonon’hwa lowu a tikarhatelaka+ wona ehansi ka dyambu?+  Xitukulwana xa hundza,+ xitukulwana xa ta;+ kambe misava yi kona hilaha ku nga riki na makumu.+  Dyambu ri voningile, naswona dyambu ri perile,+ ri vuya endhawini ya rona leyi ri nga ta voninga eka yona, ri ri karhi ri hefemuteka.+  Mheho yi ya edzongeni, naswona yi tlhela yi rhendzelekela en’walungwini.+ Ya ndzuluka-ndzuluka yi rhendzeleka,+ naswona mheho yi tlhelela laha yi rhendzelekeke+ kona.  Hinkwaswo swinambyana swa vuxika+ swi ya elwandle,+ kambe lwandle a ri tali.+ Ndhawu leyi swinambyana swa vuxika swi humaka eka yona, swi tlhelela eka yona leswaku swi ta tlhela swi huma.+  Swilo hinkwaswo swa karhalisa;+ a nga kona la swi kotaka ku vulavula ha swona. Tihlo a ri kolwi ku vona,+ hambi ku ri ndleve a yi tali hi ku yingisa.+  Leswi a swi ri kona, hi swona swi nga ta va kona;+ naswona leswi swi endliweke, hi swona leswi nga ta endliwa; kutani ku hava nchumu lowuntshwa ehansi ka dyambu.+ 10  Xana xi kona xilo xo karhi lexi munhu a nga vulaka malunghana na xona a ku: “Vona lexi; i xintshwa”? Ana a xi ri kona hilaha ku nga riki na makumu;+ lexi xi veke kona, xi ve kona hina hi nga si va kona.+ 11  Vanhu va le minkarhini yo sungula a va tsundzukiwi, naswona a va nge tsundzukiwi lava va nga ta ta endzhaku.+ Na vona a va nge tsundzukiwi hi lava va nga ta va kona endzhaku.+ 12  Mina muhlengeleti, a ndzi ri hosi ya Israyele le Yerusalema.+ 13  Kutani ndzi veke mbilu ya mina ivi ndzi kambisisa vutlhari+ lebyi khumbaka hinkwaswo leswi endliweke ehansi ka matilo—ntirho lowu nga ni khombo lowu Xikwembu xi wu nyikeke vana va vanhu leswaku va wu endla.+ 14  Ndzi yi vonile mintirho hinkwayo leyi a yi endliwa ehansi ka dyambu,+ kutani waswivo, hinkwaswo a ku ri vuhava ni ku hlongorisa mheho.+ 15  Leswi swi endliweke swi gombonyoka a swi nge ololoxiwi,+ naswona leswi swi kayivelaka a swi nge hlayiwi. 16  Mina ndzi vulavule ni mbilu+ ya mina, ndzi ku: “Waswivo! Mina ndzi andzeriwe hi vutlhari lebyikulu ku tlula mani na mani loyi a a ri eYerusalema+ emahlweni ka mina, kutani mbilu ya mina yi vona vutlhari lebyikulu ngopfu ni vutivi.”+ 17  Kutani ndzi nyiketela mbilu ya mina ku tiva vutlhari ni ku tiva vuhunguki,+ hikwalaho ndzi tive vuphukuphuku,+ leswaku leswi na swona i ku hlongorisa mheho.+ 18  Hikuva laha ku nga ni vutlhari byo tala, ku ni mbitsi lowukulu,+ lerova loyi a engetelaka vutivi, u engetela ku vaviseka.+

Tinhlamuselo ta le hansi