Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 8:1-20

8  “Swileriso hinkwaswo leswi ndzi mi lerisaka swona namuntlha mi fanele mi swi xiya leswaku mi swi endla,+ ku endlela leswaku mi ya emahlweni mi hanya,+ hakunene mi andza naswona mi nghena mi teka tiko leri Yehovha a ri hlambanyeleke vatata+ wa n’wina.  U fanele u tsundzuka ndlela hinkwayo leyi Yehovha Xikwembu xa wena a ku fambiseke ha yona malembe lawa ya 40 emananga,+ leswaku a ku tsongahata,+ a ku ringa,+ a ta tiva leswi nga embilwini+ ya wena, leswaku u ta swi hlayisa swileriso swakwe kumbe a wu nge swi hlayisi.  Hikwalaho u ku tsongahatile, a ku tshika u fa hi ndlala+ kutani a ku dyisa manna,+ leyi u nga yi tivangiki hambi ku ri vatata wa wena va nga yi tivangiki; ku endlela leswaku u swi tiva leswaku munhu a nga hanyi hi xinkwa ntsena, kambe munhu u hanya+ hi marito hinkwawo lama humaka enon’wini wa Yehovha.  Nkhancu wa wena a wu hlakalanga ehenhla ka wena hambi ku ri nenge wa wena a wu pfimbanga emalembeni+ lawa ya 40.  Kutani u swi tiva kahle embilwini ya wena leswaku hilaha munhu a lulamisaka n’wana wakwe hakona, Yehovha Xikwembu xa wena a a ku lulamisa hilaha ku fanaka.+  “U fanele u hlayisa swileriso swa Yehovha Xikwembu xa wena hi ku famba etindleleni+ takwe ni hi ku n’wi chava.+  Hikuva Yehovha Xikwembu xa wena u ku tisa etikweni+ lerinene, tiko ra minkova ya mati, swihlovo ni swidziva swa mati leswi pfelelaka erivaleni+ ni le tindhawini ta tintshava,  tiko ra koroni, maxalana, madiriva, makuwa ni magrenada,+ tiko ra mafurha ya mitlhwari ni vulombe,+  tiko leri u nga ta ka u nga dyi xinkwa lexi pfumalekaka, leri u nga ta ka u nga pfumali nchumu, tiko leri maribye ya rona ku nga nsimbi naswona etintshaveni ta rona u nga ta cela koporo. 10  “Loko u ta va u dyile naswona u xurhe,+ u fanele u tlhela u dzunisa+ Yehovha Xikwembu xa wena hikwalaho ka tiko lerinene leri a ku nyikeke rona.+ 11  Tivonele leswaku u nga rivali+ Yehovha Xikwembu xa wena lerova u nga hlayisi swileriso swakwe ni swiboho swakwe swa vuavanyisi ni milawu yakwe leswi ndzi ku lerisaka swona namuntlha;+ 12  u tivonela leswaku u nga dyi, kunene u xurha naswona u aka tindlu letinene, kunene u tshama eka tona,+ 13  kutani ntlhambi wa wena wa tihomu ni ntlhambi wa wena wa tinyimpfu wu engeteleka, silivhere ni nsuku swi engeteleka eka wena, ni hinkwaswo leswi nga swa wena swi engeteleka; 14  hakunene mbilu ya wena yi tlakusiwa,+ kunene u rivala Yehovha Xikwembu xa wena loyi a ku humeseke etikweni ra Egipta u huma endlwini ya mahlonga;+ 15  loyi a ku fambiseke emananga+ lamakulu ni lama chavisaka, lama nga ni tinyoka+ leti nga ni vuxungu ni swipame ni misava leyi omeke leyi yi nga riki na mati; loyi a ku humeseleke mati eribyeni ro tiya;+ 16  loyi a ku dyiseke manna+ emananga, leyi vatata wa wena va nga yi tivangiki, leswaku a ku tsongahata,+ nileswaku a ku ringa, leswaku a ku endlela leswinene emasikwini+ lama taka; 17  kutani embilwini ya wena u ri, ‘Matimba ya mina ni matimba lamakulu ya voko ra mina swi ndzi nyike rifuwo leri.’+ 18  U fanele u tsundzuka Yehovha Xikwembu xa wena, hikuva hi yena munyiki wa matimba ya wena leswaku a ku endla u fuwa;+ ku endlela leswaku a hetisisa ntwanano wakwe lowu a wu hlambanyeleke vatata wa wena, ku fana ni le sikwini+ leri. 19  “Kutani loko wo tshuka u rivala Yehovha Xikwembu xa wena kunene u landzela swikwembu swin’wana naswona u swi tirhela, u swi nkhinsamela, ndzi nyikela vumbhoni ehenhla ka n’wina namuntlha leswaku mi ta lova+ hilaha ku heleleke. 20  Mi ta lova ku fana ni matiko lawa Yehovha a ma lovisaka emahlweni ka n’wina, hikuva a mi nge ri yingisi rito ra Yehovha Xikwembu+ xa n’wina.

Tinhlamuselo ta le hansi