Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 7:1-26

7  “Loko eku heteleleni Yehovha Xikwembu xa wena a ku tisa etikweni leri u yaka eka rona ku ya ri teka,+ u ta tlhela a susa matiko lama nga ni vanhu vo tala emahlweni ka wena,+ Vaheti,+ Vagirgaxa,+ Vaamori,+ Vakanana,+ Vaperezi,+ Vahivhi+ ni Vayebusi,+ matiko ya nkombo lama nga ni vanhu vo tala, lama nga ni matimba ku ku tlula.+  Kunene Yehovha Xikwembu xa wena u ta ma tshikela eka wena, wena u fanele u ma hlula.+ Hakunene u fanele u ma nyikela endzovisweni.+ U nga tshuki u endla ntwanano na wona kumbe u va ni tintswalo+ eka wona.  U nga tshuki u endla ntwanano wa ku tekelana na wona. U nga tshuki u nyika n’wana wa wena wa nhwanyana eka n’wana wakwe wa jaha, naswona n’wana wakwe wa nhwanyana u nga tshuki u n’wi tekela n’wana wa wena wa jaha.+  Hikuva yena u ta hambukisa n’wana wa wena wa jaha, a nga ha ndzi landzeli, kunene va ta tirhela swikwembu+ swin’wana; kutani ku hlundzuka ka Yehovha ku ta va kukulu ehenhla ka n’wina, kunene u ta mi lovisa hi ku hatlisa.+  “Hi tlhelo lerin’wana, mi ta ma endla leswi: Mi ta hirimuxa+ tialitari ta wona ni tinsika ta wona to kwetsima mi ta ti tshova,+ ni timhandzi+ ta wona to kwetsima mi ta ti tsema,+ ni swifaniso swa wona leswi vatliweke mi ta swi hisa hi ndzilo.+  Hikuva mi vanhu vo kwetsima eka Yehovha Xikwembu+ xa n’wina. Hi n’wina mi hlawuriweke hi Yehovha Xikwembu xa n’wina leswaku mi va vanhu vakwe, ndzhaka yo hlawuleka exikarhi ka vanhu hinkwavo lava va nga evuandlalweni bya misava.+  “A ku nga ri hikwalaho ka ku va mi ri vanhu vo tala ku tlula vanhu hinkwavo leswi Yehovha a endleke xinakulobye na n’wina, lerova a mi hlawula,+ hikuva a mi ri nhlayo leyitsongo eka vanhu+ hinkwavo.  Kambe a ku ri hikwalaho ka leswi Yehovha a a mi rhandza,+ ni hikwalaho ka leswi a hlayiseke marito yakwe yo hlambanya lawa a ma hlambanyeleke vatata+ wa n’wina, leswi endleke leswaku Yehovha a mi humesa hi voko ra matimba,+ leswaku a ta mi kutsula endlwini ya mahlonga,+ evokweni ra Faro hosi ya Egipta.  Kutani mi swi tiva kahle leswaku Yehovha Xikwembu xa n’wina i Xikwembu+ xa ntiyiso, Xikwembu+ lexi tshembekaka, lexi hlayisaka ntwanano+ wa xona ni musa wa xona wa rirhandzu eka lava va xi rhandzaka ni lava va hlayisaka milawu ya xona ku ya eka xitukulwana+ xa vugidi, 10  kambe lexi tlheriselaka exikandzeni xa loyi a xi vengaka hi ku n’wi lovisa.+ A xi nge kanakani eka munhu loyi a xi vengaka; xi ta n’wi tlherisela exikandzeni xakwe. 11  Kutani u fanele u hlayisa nawu ni swileriso ni swiboho swa vuavanyisi leswi ndzi ku lerisaka swona namuntlha, u swi endla.+ 12  “Kutani hikwalaho ka leswi mi hambetaka mi yingisa swiboho leswi swa vuavanyisi naswona mi swi hlayisaka leswaku mi swi hetisisa,+ Yehovha Xikwembu xa n’wina u ta mi hlayisela ntwanano+ ni musa wa rirhandzu, leswi a swi hlambanyeleke vatata+ wa n’wina. 13  Kunene u ta mi rhandza a mi katekisa,+ a mi andzisa+ ni ku katekisa mbhandzu wa khwiri+ ra n’wina ni mbhandzu wa misava+ ya n’wina, mavele ya n’wina ni vhinyo ya n’wina leyintshwa ni mafurha ya n’wina, marhole ya tihomu ta n’wina ni swinyimpfana swa ntlhambi+ wa n’wina wa tinyimpfu, emisaveni leyi a yi hlambanyeleke ku yi nyika+ vatata wa n’wina. 14  Mi ta va lava katekisiweke+ ku tlula vanhu hinkwavo. Eka n’wina, a ku nge vi na waxinuna kumbe waxisati la nga riki na vana, hambi ku ri exikarhi ka swifuwo+ swa n’wina. 15  Kunene Yehovha u ta mi susela mavabyi hinkwawo; kutani loko ku ri swifo swo biha swa le Egipta leswi mi swi tiveke,+ a nge swi veki ehenhla ka n’wina, hakunene u ta swi veka ehenhla ka hinkwavo lava va mi vengaka. 16  Mi fanele mi herisa vanhu hinkwavo lava Yehovha Xikwembu xa n’wina a va nyikelaka eka n’wina.+ Tihlo ra n’wina ri nga tshuki ri va ni nsovo eka vona;+ mi nga tshuki mi tirhela swikwembu+ swa vona, hikuva sweswo ku ta va ntlhamu eka n’wina.+ 17  “Loko wo tshuka u ku embilwini ya wena, ‘Matiko lawa ma ni vanhu vo tala ku ndzi tlula. Xana ndzi ta swi kotisa ku yini ku ma hlongola?’+ 18  u nga tshuki u ma chava.+ Hakunene u fanele u swi tsundzuka leswi Yehovha Xikwembu xa wena a swi endleke eka Faro ni le ka Egipta+ hinkwaro, 19  ku tivonakarisa lokukulu loku mahlo ya wena ma ku voneke,+ ni swikombiso ni masingita+ ni voko+ ra matimba ni voko+ leri tshambulutiweke, leri Yehovha Xikwembu xa wena a ku humeseke+ ha rona. Hi yona ndlela leyi Yehovha Xikwembu xa wena a nga ta endla ha yona eka vanhu hinkwavo lava u va chavaka.+ 20  Kutani Yehovha Xikwembu xa wena u ta rhumela gome+ eka vona kukondza lava a va siyiwile+ va lova, lava a va titumbetile emahlweni ka n’wina. 21  U nga chavi hikwalaho ka vona, hikuva Yehovha Xikwembu xa wena u le xikarhi+ ka wena, i Xikwembu+ lexikulu naswona lexi chavisekaka. 22  “Kunene Yehovha Xikwembu xa wena u ta hlongola matiko lawa emahlweni ka wena hakatsongo-tsongo.+ U nge pfumeleriwi ku ma heta hi ku hatlisa, hi ku chava leswaku swivandzana swa nhova swi nga andza ku ku tlula. 23  Hakunene Yehovha Xikwembu xa wena u ta ma nyiketa eka wena kutani a ma hlula hi ku hlula lokukulu, ku fikela loko ma lovisiwa.+ 24  Kunene u ta nyiketa tihosi ta wona evokweni+ ra wena, u fanele u lovisa mavito ya tona ehansi ka matilo.+ A ku na munhu la nga ta yima ku lwa na wena,+ ku fikela loko u ma herisile.+ 25  Swifaniso leswi vatliweke swa swikwembu swa wona u fanele u swi hisa hi ndzilo.+ U nga tshuki u navela silivhere ni nsuku lowu nga ehenhla ka swona,+ kumbe kunene u titekela+ swona, leswaku swi nga ku yengi;+ hikuva i nchumu lowu nyenyetsaka+ eka Yehovha Xikwembu xa wena. 26  U nga tshuki u tisa nchumu lowu nyenyetsaka endlwini ya wena, kunene wena u va nchumu lowu nyikeriweke endzovisweni ku fana na wona. U fanele u wu nyenya hilaha ku heleleke naswona u wu venga hilaha ku heleleke,+ hikuva i nchumu lowu nyikeriweke endzovisweni.+

Tinhlamuselo ta le hansi