Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 6:1-25

6  “Kutani lowu i nawu, swileriso ni swiboho swa vuavanyisi leswi Yehovha Xikwembu xa n’wina a leriseke leswaku mi dyondzisiwa swona,+ leswaku mi swi endla etikweni leri mi pelelaka eka rona ku ya ri teka;  leswaku u chava+ Yehovha Xikwembu xa wena, leswaku u hlayisa milawu yakwe hinkwayo ni swileriso swakwe hinkwaswo leswi ndzi ku lerisaka swona, wena ni n’wana wa wena ni ntukulu+ wa wena, masiku hinkwawo ya vutomi bya wena, ku endlela leswaku masiku ya wena ma leha.+  Oho, Israyele, u fanele u yingisa naswona u khathalela ku swi endla,+ leswaku swi ku fambela kahle+ nileswaku mi tala ngopfu, hilaha Yehovha Xikwembu xa vatata wa n’wina a tshembiseke hakona,+ malunghana ni tiko leri khulukaka ntswamba ni vulombe.  “Yingisa, Wena Israyele: Yehovha Xikwembu xa hina i Yehovha+ un’we.  Kutani u fanele u rhandza Yehovha Xikwembu xa wena hi mbilu+ ya wena hinkwayo ni hi moya-xiviri+ wa wena hinkwawo ni hi matimba+ ya wena lamakulu hinkwawo.  Marito lawa ndzi ku lerisaka wona namuntlha ma fanele ma va embilwini+ ya wena;  u fanele u ma dyondzisa n’wana+ wa wena hi ku phindha-phindha naswona u vulavula ha wona loko u tshama endlwini ya wena, loko u famba egondzweni, loko u etlela+ niloko u pfuka.  U fanele u ma tsimba ma va xikombiso evokweni+ ra wena, naswona ma fanele ma va vamba ra le mombyeni exikarhi ka mahlo+ ya wena;  u fanele u ma tsala emarimbeni ya yindlu ya wena ni le tinyangweni+ ta wena. 10  “Kutaku loko Yehovha Xikwembu xa wena a ku tisa etikweni leri a ri hlambanyeleke vatata wa wena, Abrahama, Isaka na Yakobe leswaku u ta ku nyika rona,+ miti leyikulu ni leyi langutekaka kahle, leyi u nga yi akangiki,+ 11  ni tindlu leti teleke hi swilo hinkwaswo leswinene, leswi u nga swi tatangiki, ni swihlovo leswi ceriweke leswi u nga swi celangiki, masimu ya vhinya ni ya mitlhwari leswi u nga swi byalangiki, naswona u ta swi dya u xurha,+ 12  u tivonela leswaku u nga rivali+ Yehovha, loyi a ku humeseke etikweni ra Egipta, u huma endlwini ya mahlonga. 13  U fanele u chava+ Yehovha Xikwembu xa wena, naswona u fanele u tirhela+ yena ntsena, u hlambanya+ hi vito rakwe. 14  U nga landzeli swikwembu swin’wana, swikwembu swin’wana ni swin’wana swa vanhu lava va ku rhendzeleke,+ 15  (hikuva Yehovha Xikwembu xa wena la nga exikarhi ka wena i Xikwembu lexi lavaka ku tinyiketela loku hlawulekeke,)+ hikuva ku hlundzuka ka Yehovha Xikwembu xa wena ku nga tshuka ku va ehenhla ka wena+ naswona a ku lovisa evuandlalweni bya misava.+ 16  “Mi nga tshuki mi ringa+ Yehovha Xikwembu xa n’wina, hi ndlela leyi mi n’wi ringeke ha yona eMassa.+ 17  Mi fanele mi hlayisa milawu ya Yehovha Xikwembu+ xa n’wina hilaha mi nga swi kotaka hakona, ni switiyisekiso+ swakwe ni swileriso+ swakwe leswi a mi leriseke swona.+ 18  Mi fanele mi endla leswi lulameke ni leswinene ematihlweni ya Yehovha, ku endlela leswaku swi mi fambela kahle,+ kunene mi nghena mi teka tiko lerinene leri Yehovha a ri hlambanyeleke vatata+ wa n’wina, 19  hi ku hlongolela ekule valala va n’wina hinkwavo va suka emahlweni ka n’wina, hilaha Yehovha a tshembiseke+ hakona. 20  “Loko n’wana wa wena o tshuka a ku vutisa enkarhini+ lowu taka a ku, ‘Xana switiyisekiso ni swileriso ni swiboho swa vuavanyisi leswi Yehovha Xikwembu xa hina a hi leriseke swona swi vula yini?’ 21  u ta byela n’wana wa wena u ku, ‘A hi ri mahlonga ya Faro aEgipta, kambe Yehovha a hi humesa aEgipta hi voko+ ra matimba. 22  Kutani Yehovha a hambeta a veka swikombiso ni masingita,+ leswikulu naswona leswi nga ni khombo ehenhla ka Vaegipta, ehenhla ka Faro ni le henhla ka vandyangu wakwe hinkwavo emahlweni ka mahlo+ ya hina. 23  Kutani a hi humesa kona ku endlela leswaku a hi tisa laha leswaku a ta hi nyika tiko leri a ri hlambanyeleke vatatana.+ 24  Hikwalaho Yehovha u hi lerise ku hetisisa swileriso+ leswi hinkwaswo, leswaku hi chava Yehovha Xikwembu xa hina leswaku swi ta va swinene hi hina nkarhi+ hinkwawo, leswaku hi hambeta hi hanya ku fana ni le sikwini+ leri. 25  Kutani swi ta vula ku lulama eka hina,+ leswaku hi khathalela ku endla nawu hinkwawo emahlweni ka Yehovha Xikwembu xa hina, hilaha a hi leriseke hakona.’+

Tinhlamuselo ta le hansi