Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 34:1-12

34  Kutani Muxe a tlhandlukela eNtshaveni ya Nebo+ a suka etimbaleni ta le kwandzasini ra Mowabu, ehenhla ka Pisiga,+ leyi languteke tlhelo ra Yeriko.+ Yehovha a n’wi komba tiko hinkwaro, Giliyadi ku ya fika eDani,+  na Neftali hinkwaro ni tiko ra Efrayimi na Manase ni tiko hinkwaro ra Yuda ku ya fika elwandle ra vupela-dyambu,+  na Negebu+ ni Muganga,+ rivala ra Yeriko, muti wa mirhi ya micindzu+ ku ya fika eSowara.+  Yehovha a ya emahlweni a ku eka yena: “Leri i tiko leri ndzi ri hlambanyeleke Abrahama, Isaka na Yakobe, ndzi ku, ‘Ndzi ta ri nyika mbewu ya wena.’+ Ndzi endle leswaku u ri vona hi mahlo ya wena, hikuva a wu nge peleli kwalaho.”+  Endzhaku ka sweswo Muxe nandza wa Yehovha+ a fela kwalaho etikweni ra Mowabu, hi ku lerisa ka Yehovha.+  Kutani a n’wi lahla enkoveni, etikweni ra Mowabu emahlweni ka Beta-peyori,+ a ku na munhu la tivaka sirha rakwe ku fikela esikwini leri.+  Muxe a a ri ni malembe ya 120 hi vukhale loko a fa.+ Mahlo yakwe a ma nga si tsana+ naswona ntamu wakwe lowukulu a wu nga si hela.+  Vana va Israyele va rilela Muxe etimbaleni ta le kwandzasini ra Mowabu ku ringana masiku ya 30.+ Hi ku famba ka nkarhi masiku ya ku rila, ya nkarhi wa ku rilela Muxe ma hela.  Kutani Yoxuwa n’wana wa Nuni a a tele moya wa vutlhari,+ hikuva Muxe a a tlhandleke voko rakwe ehenhla ka yena;+ vana va Israyele va sungula ku n’wi yingisa naswona va endla hilaha Yehovha a a lerise Muxe hakona.+ 10  Kambe a ku si tshama ku va ni muprofeta eIsrayele la fanaka na Muxe,+ loyi Yehovha a n’wi tiveke va langutanile,+ 11  malunghana ni swikombiso hinkwaswo ni masingita leswi Yehovha a n’wi rhumeke leswaku a swi endla etikweni+ ra Egipta eka Faro ni malandza yakwe hinkwawo ni tiko rakwe hinkwaro, 12  ni voko hinkwaro ra matimba ni ku xiximeka hinkwako lokukulu ngopfu, loku Muxe a ku tirhiseke ematihlweni ya tiko hinkwaro ra Israyele.+

Tinhlamuselo ta le hansi