Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 33:1-29

33  Kutani lowu i nkateko+ lowu Muxe, munhu wa Xikwembu xa ntiyiso+ a katekiseke vana va Israyele ha wona emahlweni ka rifu rakwe.  U te: “Yehovha—u tile a suka eSinayi,+ A voninga ehenhla ka vona ku suka eSeyiri.+ U vangame ku suka endhawini ya tintshava ya Parani,+ A a ri ni timiriyadi to kwetsima,+ Evokweni rakwe ra xinene, valwi va nyimpi i va vona.+   Naswona a a khathalela vanhu vakwe;+ Lavo kwetsima va vona hinkwavo va le vokweni ra wena.+ Kutani vona—va vurhama emilengeni ya wena;+ Va sungula ku amukela marito man’wana ya wena.+   (Muxe u lerise nawu ehenhla ka hina wu va xileriso,+ Ndzhaka ya nhlengeletano ya Yakobe.)+   Kutani a va hosi eYexuruni,+ Loko tinhloko ta vanhu ti hlengeletana,+ Nhlayo hinkwayo ya tinyimba ta Israyele.+   Ruveni a a hanye a nga fi,+ Vanhu vakwe va nga vi vatsongo.”+  Lowu a wu ri nkateko wa Yuda,+ hilaha a yeke emahlweni hakona a ku: “Oho Yehovha, yingisa rito ra Yuda,+ Onge u nga n’wi tisa eka varikwavo. Mavoko yakwe ma lwele leswi swi nga swa yena; Onge u nga va mupfuni wakwe eka swirha swakwe.”+  Malunghana na Levhi u te:+ “Thumimi ya wena na Urimi+ ya wena i swa munhu la tshembekaka eka wena,+ Loyi u n’wi ringeke eMassa.+ U kanetane na yena ematini ya Meriba,+   Munhu la byeleke tata wakwe ni mana wakwe a ku, ‘A ndzi n’wi vonanga.’ Hambi ku ri vamakwavo a nga khathalanga ha vona,+ Ni vana vakwe a nga va tivanga. Hikuva va hlayise marito ya wena,+ Naswona va ye emahlweni va hlayisa ntwanano wa wena.+ 10  A va letele Yakobe eswibohweni swa wena swa vuavanyisi+ Na Israyele enawini wa wena.+ A va ku endlele murhi wa risuna etinhompfini ta wena+ Ni gandzelo leri heleleke ehenhla ka alitari ya wena.+ 11  Oho Yehovha, katekisa ntamu wakwe lowukulu,+ Onge u nga  tsakela ntirho wa mavoko yakwe.+ Lava va n’wi pfukelaka va vavise swinene emasengeni,+ Ni lava va n’wi vengaka swinene, leswaku va nga suki va yima.”+ 12  Malunghana na Benjamini, u te:+ “Loyi a rhandzekaka+ wa Yehovha a a tshame a sirhelelekile eka yena,+ Loko a n’wi sirhelela siku hinkwaro,+ U fanele a tshama exikarhi ka makatla yakwe.”+ 13  Malunghana na Yosefa, u te:+ “Onge tiko rakwe ri nga hambeta ri katekisiwa hi Yehovha+ Hi swilo leswi hlawulekeke swa tilo, hi mberha,+ Ni hi xidziva xa mati lexi nga ehansi-hansi,+ 14  Ni hi swilo leswi hlawulekeke, mihandzu ya dyambu,+ Ni hi swilo leswi hlawulekeke, swirhangana swa tin’hweti ta ku rhendzeleka ka n’weti,+ 15  Ni hi leswo hlawuleka swinene leswi humaka etintshaveni ta le vuxeni,+ Ni hi swilo leswi hlawulekeke swa switsunga leswi tshamaka hilaha ku nga heriki, 16  Ni hi swilo leswi hlawulekeke swa misava ni ku tala ka yona,+ Ni hi mpfumelelo wa Loyi a tshamaka exihlahleni xa mitwa.+ Onge swi nga ta enhlokweni ya Yosefa+ Ni le thavathaveni ya loyi a hlawuriweke eka vamakwavo.+ 17  Ku vangama kakwe ku fana ni mativula ya nkunzi,+ Timhondzo takwe i timhondzo ta nkunzi leyi levaka+ U ta susumeta vanhu hi tona+ Hinkwavo ka vona ku ya fika emakumu ka misava, I makume ya magidi ya Efrayimi,+ I magidi ya Manase.” 18  Malunghana na Zebuloni, u te:+ “Oho Zebuloni, tsaka eku humeni ka wena,+ Na Isakara emintsongeni ya wena.+ 19  Vanhu va ta vitana tintshava. Kwalaho va ta endla switlhavelo swa ku lulama.+ Hikuva va ta an’wa rifuwo leri ro tala ra malwandle+ Ni rifuwo leri fihliweke ra sava.” 20  Malunghana na Gadi, u te:+ “A ku katekisiwe la ndlandlamuxaka mindzilakana ya Gadi.+ U fanele a tshama kukota nghala,+ Kutani u fanele a handzula voko, ina, thavathava.+ 21  U ta tihlawulela xiphemu xo sungula,+ Hikuva xiavelo xa munyiki wa nawu xi hlayisiwe kwalaho.+ Naswona tinhloko ta vanhu ti ta hlengeletana swin’we. Kunene u ta hetisisa ku lulama ka Yehovha Ni swiboho swakwe swa vuavanyisi na Israyele.” 22  Malunghana na Dani, u te:+ “Dani i xinghalana.+ U ta tlula a huma eBaxani.”+ 23  Malunghana na Neftali, u te:+ “Neftali wa amukeriwa Naswona u tele hi nkateko wa Yehovha. Teka vupela-dyambu ni dzonga.”+ 24  Malunghana na Axere, u te:+ “Axere u katekisiwe hi vana.+ A a amukeleke eka vamakwavo,+ A a pete nenge wakwe emafurheni.+ 25  Swilotlelo swa nyangwa ya wena i nsimbi ni koporo,+ Kutani ku famba ka wena u ntshunxekile ku ringana ni masiku ya wena. 26  A nga kona la fanaka ni Xikwembu xa ntiyiso+ xa Yexuruni,+ Lexi khandziyaka tilo xi ku pfuna+ Ni xibakabaka lexi nga ni mapapa hi vukulu bya xona.+ 27  Ndhawu ya ku tifihla i Xikwembu xa minkarhi ya khale,+ Naswona ehansi i mavoko lama tshamaka hilaha ku nga heriki.+ U ta ku hlongolela nala emahlweni ka wena,+ U ta ku, ‘Va lovise!’+ 28  Kutani tiko ra Israyele ri ta tshama ri sirhelelekile,+ Nseledyana wa Yakobe hi woxe,+ Ehenhla ka tiko ra mavele ni vhinyo leyintshwa.+ Ina, matilo ya rona ma ta ri thonisela mberha.+ 29  Wa tsaka, Wena Israyele!+ I mani la fanaka na wena,+ Vanhu lava tsakelaka ku ponisa ka Yehovha,+ Xitlhangu xa mpfuno wa wena,+ Ni Loyi a nga banga ra wena lerikulu?+ Hikwalaho valala va wena va ta tsongahatiwa swinene emahlweni ka wena,+ Kutani wena—u ta famba etindhawini ta vona leti tlakukeke.”+

Tinhlamuselo ta le hansi