Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 32:1-52

32  “Rhiyani ndleve, N’wina matilo, inge ndzi vulavula;Misava a yi twe marito ya nomu wa mina.+   Xiletelo xa mina xi ta thona ku fana ni mpfula,+Marito ya mina ma ta huma ku fana ni mberha,+Ku fana ni mpfula leyi naka kahle ehenhla ka byanyi,+Ku fana ni mpfula leyikulu ehenhla ka swimila.+   Hikuva ndzi ta vula vito ra Yehovha.+Nyikani vukulu eka Xikwembu xa hina!+   Ribye, ntirho wakwe wu hetisekile,+Hikuva tindlela takwe hinkwato i vululami.+Xikwembu xa vutshembeki,+ lexi nga riki na vuhomboloki;+Xi ni vululami naswona xi hava xisandzu.+   Va endle hi ndlela leyi onhakeke;+A hi vana va xona, xihoxo i xa vona vini.+Xitukulwana xo gombonyoka ni xo homboloka!+   Xana mi tshamela ku endla hi ndlela leyi eka Yehovha,+N’wina vanhu vo hunguka, lava nga tlharihangiki?+Xana yena a hi Tata wa n’wina la mi vumbeke,+Yena la mi endleke kutani a mi nyika matimba?+   Tsundzukani masiku ya khale,+Ehleketisisani hi malembe ya le ndzhaku ku suka eka xitukulwana xin’wana ku ya eka xitukulwana xin’wana;Vutisa tata wa wena, a nga ku byela;+Vutisa vakulukumba va wena, va nga ku byela.+   Loko La nge Henhla-henhla a nyika matiko ndzhaka,+Loko a hambanisa vana va Adamu,+U tiyise ndzilakana wa vanhu+Malunghana ni nhlayo ya vana va Israyele.+   Hikuva xiavelo xa Yehovha i vanhu vakwe;+Yakobe i ndzhaka leyi a yi dyaka.+ 10  U n’wi kume etikweni ra mananga+Ni le kwandzasini leri nga riki na nchumu, leri kololaka.+A n’wi rhendzela,+ leswaku a n’wi khathalela,+Leswaku a n’wi hlayisa ku fana ni ndzololo ya tihlo rakwe.+ 11  Hilaha gama ri hlakahlaka xisaka xa rona hakona,Ri haha ehenhla ka mavondlo ya rona,+Ri andlala timpapa ta rona, ri ma teka,Ri ma rhwala hi timpapa ta rona,+ 12  Yehovha a ri yexe u hambete a n’wi rhangela,+A ku nga ri na xikwembu ximbe etlhelo ka yena.+ 13  U hambete a n’wi khandziyisa etindhawini leti tlakukeke ta misava,+Lerova u dye ntshovelo wa nsimu.+U hambete a n’wi an’wisa vulombe byi huma eribyeni,+Ni mafurha ma huma eribyeni ro tiya;+ 14  Phehlwa ra ntlhambi wa tihomu ni ntswamba wa ntlhambi wa tinyimpfu+Swin’we ni mafurha ya makhuna,Ni tinyimpfu ta xinuna, leti tswariweke eBaxani, ni swiphongo+Swin’we ni koroni+ leyinene ngopfu;Ni ngati ya diriva u hambete u yi nwa ku fana ni vhinyo.+ 15  Loko Yexuruni+ a sungula ku nyuhela, u rahile.+U nyuherile, u ndlandlamukile, u xurhe ngopfu.+Hikwalaho u fularhele Xikwembu, lexi xi n’wi endleke,+A ri langutela ehansi Ribye+ ra ku ponisiwa kakwe. 16  Va sungule ku n’wi hlohlotela leswaku a va ni rilaveta+ hi swikwembu leswi nga tiviwiki;+Va hambete va n’wi hlundzukisa hi swilo leswi nyenyetsaka.+ 17  Va ye emahlweni va endlela madimona switlhavelo, hayi Xikwembu,+Swikwembu leswi va nga swi tivangiki,+Leswintshwa, leswi swa ha ku fikaka,+Leswi vatata wa n’wina a va nga swi tivi. 18  Ribye leri ri nga va tata wa wena u ri rivele,+U sungule ku susa Xikwembu emianakanyweni, xona lexi xi ku velekeke hi switlhavi swa ku veleka.+ 19  Loko Yehovha a swi vona, a nyangatseka ha vona,+Hikwalaho ka mbitsi leyi vana vakwe va majaha ni va vanhwanyana va n’wi dyiseke yona. 20  Kutani a ku, ‘Inge ndzi tumbeta xikandza xa mina eka vona,+Ndzi vona leswi makumu ya vona ma nga ta va swona endzhaku.Hikuva i xitukulwana lexi humeke endleleni,+I vana lava pfumalaka vutshembeki.+ 21  Loko ku ri vona, va ndzi hlohlotele ku va ni rilaveta hi nchumu lowu nga riki xikwembu;+Va ndzi dyise mbitsi hi swifaniso swa vona swa hava leswi nga pfuniki nchumu;+Kasi mina, ndzi ta va hlohlotela leswaku va va ni rilaveta hi leswi nga riki vanhu;+Ndzi ta va hlundzukisa hi tiko ro hunguka.+ 22  Hikuva ndzilo wu lumekiwile hi ku hlundzuka ka mina+Wu ta hisa ku ya fika eSheol endhawini ya le hansi-hansi,+Wu ta herisa misava ni swimila swa yona+Wu ta hisa masungulo ya tintshava.+ 23  Ndzi ta engetela makhombo ehenhla ka vona;+Ndzi ta tirhisa miseve ya mina ehenhla ka vona.+ 24  Va ta hetiwa matimba hi ndlala,+ va dyiwa hi ku hisa ka miri+Ni ndzoviso lowu vavaka.+Ndzi ta rhumela meno ya swiharhi ehenhla ka vona,+Ma ri ni vuxungu bya swikokovi swa misava,+ 25  Ehandle banga ri ta va pfumata vana,+Endlwini ku chava ku ta va pfumata vana,+Swi ta va pfumata jaha ni nhwana,+N’wana la an’waka swin’we ni mpunga.+ 26  A ndzi fanele ndzi te: “Ndzi ta va hangalasa,+Ndzi ta endla leswaku vanhu va nyama va nga ha vulavuli ha vona,”+ 27  Loko a ku nga ri leswaku ndzi chava ku karhatiwa loku humaka eka nala,+Leswaku swirha swa vona swi nga ha swi twisisa hi ndlela leyi hoxeke,+Leswaku swi nga vula swi ku: “Voko ra hina ri tikombe ri ri ni matimba,+A hi Yehovha la endleke swilo leswi hinkwaswo.”+ 28  Hikuva i tiko leri xitsundzuxo xi lovaka eka rona,+Naswona exikarhi ka vona a ku na ku twisisa.+ 29  Mawaku loko a va tlharihile!+ A va ta anakanyisisa hi swilo leswi.+ A va ta ehleketisisa hi makumu ya vona endzhaku.+ 30  Xana munhu un’we a nga va hlongorisisa ku yini vanhu va 1 000,Naswona vanhu vambirhi va nga va balekisisa ku yini vanhu va 10 000?+Handle ka loko Ribye ra vona ri va xavisile+Naswona Yehovha a va nyiketile. 31  Hikuva ribye ra vona a ri fani ni Ribye ra hina,+Hambi ku ri valala va hina va nga endla xiboho.+ 32  Hikuva murhi wa vona wa vhinya wu huma emurhini wa vhinya wa SodomaNi le masin’wini ya Gomora.+Madiriva ya vona i madiriva ya vuxungu,Swichocho swa vona swa bava.+ 33  Vhinyo ya vona i vuxungu bya tinyoka letikuluNi vuxungu bya tihanyi bya swivatlankombe.+ 34  Xana a byi hlayisiwanga eka mina,Hi xilemo lexi tsimbeleriweke eka byona exitlatini xa mina?+ 35  Ku rihisela ni ndzihiso i swa mina.+ Nenge wa vona wu ta dedeleka hi nkarhi lowu vekiweke,+Hikuva siku ra khombo ra vona ri le kusuhi,+Ni swiendlakalo leswi swi va lunghekeleke swa anghwetla.’+ 36  Hikuva Yehovha u ta avanyisa vanhu vakwe+U ta tisola hikwalaho ka malandza yakwe,+Hikuva u ta swi vona leswaku xiseketelo xi nyamalarileNtsena ku ni munhu la nga pfuniki nchumu ni munhu la nga riki wa nkoka. 37  Kunene u ta ku, ‘Xana swi kwihi swikwembu swa vona,+Ribye leri a va lava ku tumbela eka rona,+ 38  Leswi a swi dya mafurha ya switlhavelo swa vona,+Swi nwa vhinyo ya magandzelo ya vona ya swakunwa?+A swi suke swi yima swi mi pfuna.+A swi ve ndhawu ya n’wina yo tumbela.+ 39  Vonani sweswi leswaku mina—ndzi yena+Kutani a ku na swikwembu swin’we na mina.+Ndza dlaya ndzi tlhela ndzi hanyisa.+Ndzi vavise ngopfu,+ kutani mina—ndzi ta horisa,+A ku na munhu la chupulaka evokweni ra mina.+ 40  Hikuva ndzi tlakusela voko ra mina etilweni hi xihlambanyo,+Ndzi ri: “Leswi ndzi hanyaka hilaha ku nga riki na makumu,”+ 41  Loko hakunene ndzo lota banga ra mina leri hatimaka,+Kutani voko ra mina ri khomelela vuavanyisi,+Ndzi ta tirihisela eka swirha swa mina,+Ndzi rihisa eka lava va ndzi vengaka swinene.+ 42  Ndzi ta pyopyisa miseve ya mina hi ngati,+Kasi banga ra mina ri ta dya nyama,+Hi ngati ya lava va dlayiweke ni lava va nga makhumbi,Hi tinhloko ta varhangeri va nala.’+ 43  Tsakani n’wina matiko, swin’we ni vanhu vakwe,+Hikuva u ta rihisela ngati ya malandza yakwe,+U ta tirihisela eka swirha swakwe+Hakunene u ta kombela leswaku misava ya vanhu vakwe yi rivaleriwa.” 44  Hikwalaho Muxe a fika a vulavula marito hinkwawo ya risimu leri, vanhu va yingisile,+ yena na Hoxeya n’wana wa Nuni.+ 45  Endzhaku ka loko Muxe a hete ku vulavula marito lawa hinkwawo eka tiko hinkwaro ra Israyele, 46  a ya emahlweni a ku eka vona: “Nyiketelani timbilu ta n’wina emaritweni hinkwawo lawa ndzi ma vulaka ndzi mi lemukisa namuntlha,+ leswaku mi lerisa vana va n’wina ku khathalela ku endla marito hinkwawo ya nawu lowu.+ 47  Hikuva a hi marito lama nga pfuniki nchumu eka n’wina,+ kambe ma vula vutomi bya n’wina,+ naswona hi rito leri, mi nga lehisa masiku ya n’wina ehenhla ka misava leyi mi pelaka Yordani leswaku mi yi teka.”+ 48  Yehovha a ya emahlweni a byela Muxe esikwini leri a ku: 49  “Tlhandlukela entshaveni leyi ya Abarima,+ Ntshava ya Nebo,+ leyi nga etikweni ra Mowabu, leyi nga emahlweni ka Yeriko, u vona tiko ra Kanana leri ndzi ri nyikaka vana va Israyele leswaku va ri teka.+ 50  Kutani u fela entshaveni leyi u tlhandlukelaka eka yona, u vekiwa eka varikwenu,+ hilaha Aroni makwenu a feke hakona eNtshaveni ya Hore,+ a vekiwa eka varikwavo; 51  hikwalaho ka leswi n’wina mi endleke hi ku pfumala vutshembeki eka mina+ exikarhi ka vana va Israyele, ematini ya Meriba+ wa Kadexi emananga ya Zini; hikwalaho ka leswi n’wina mi nga ndzi hlawulekisangiki exikarhi ka vana va Israyele.+ 52  Hikuva u ta vona tiko u ri ekule, kambe u nge ngheni etikweni leri ndzi ri nyikaka vana va Israyele.”+

Tinhlamuselo ta le hansi